Ертеңгілік.

Тақырыбы: «Ана біздің күніміз!»

Ертеңлік: 06.03.2018ж.

Балалардың саны: (15 ұл-қыз, 7-қызбала би, 3-ұлбала тақпақ, 5-ұлбала би)

Жүргізуші: Тажибаева Ф.С. Бухарбаева З.А.

Жүргізуші: 2.

Мақсаты: Мерекелік көңіл-күйін құру, ән және қозғалыс орындаушылық дағдыларын қалыптастыру, балалардың назарын жалпы әрекетте қатысу тілегін қалыптастыруға эмоциялық қабылдауын ынталандыру, өзінің жақын адамдарын қуанта білуге, мейірімділікке тәрбиелеу.                                        

Көрнекіліктер: Залдың іші көктем мерекесіне сай безендірілген. Безендірілген әсем зал, гүлдер, құмыра, сыйлықтар, әсем әндер жазылған үнтаспа, т.б  Әдемі сазды әуен ойналып тұрады, балалар тәрбиешімен бірге кіріп орындықтарға жайғасады.

Кейіпкерлер: Жүргізуші, «Кәмпит-Ханшайым»
Ертеңгіліктің барысы:
Балалар залға қол ұстасып, жұптасып әдемі әуенде вальс ырғағында айналып, билеп өтеді. («Тәттім-ау» әуенімен)

Жүргізуші: Құрметті қонақтар, ұстаздар! «Ана біздің күніміз!» атты ертеңгілігіне қош келдіңіздер!

Жүргізуші: - Құрметті аналар, әжелер сіздерді тамаша көктем мерекесі – 8 Наурызбен шын жүректен құттықтаймыз! Алғашқы көктем мерекесі Жер бетіне өмір сыйлаушы нәзік, ақылды, сымбатты, мейірімді жандарға арналғаны қандай тамаша мереке!

Барлық балалар хормен: Құттықтаймыз анашым, 8 - ші Наурызбен!
Жүргізуші:

Той пердесін ашайық,
Тойға шашу шашайық.
Аналарды құрметтеп,
Ән маржанын шашайық.

Хор: «Ақ мамам»
Жүргізуші:

 - «Ананың әрбір сөзі жылылыққа толы. Ананың көз нұры тастай мұзы да жібітеді»- демекші, балаларымыздың аналарына арнаған тақпақтарын қабыл алыңыздар!

Темірхан.
Анам болса қасымда
Басқа бақыт не керек.
Анашымның жүрегі,
Мейірімді ғой керемет
Айым
Сенен өскен балалар,
Батырлар мен даналар,
Құттықтаймын мерекеңмен,
Құрметті Аналар!
К. Камила
Наурыздың сегізі,
Сұлулықтың негізі.
Әдемі сөз баланың,
Анаға айтар лебізі.
З. Камила
Аналарды сүйеміз
Ақылын ойға түземіз
Әжені де ардақтап
Әдеппен бас иеміз.
Жанель
Бәрімізге анамыз
Біз үшін күн боп жанасың
Құтты болсын мерекең
Құттықтаймын анашым!
Жүргізуші:

Аналар ақ тілекті, сөз көп дейін,
Жылытар жүрегіңді көз көп дейін
Аналар ақ жаулықты бұл сіздерге
Қол соғып қарсы алайық «Мамочка биін»

Би: «Мамочка»
Жүргізуші:

 -Балалар туған күнде, мерекелерде аналарымыз дастарханға қандай тәтті тағамдар салады.
-Дұрыс айтасыңдар, кәмпитті балалар да, үлкендер де жақсы көреді. Кәмпитсіз дастарханның сәні кірмейді. (әсем әуенмен залға «Кәмпит –Ханшайым» кіреді)

-Кәмпит-Ханшайым: (кіріп билейді)

Мен тәттімін,
Балалардың сүйікті дәмімін,
Мерекенің сәнімін,
Дастарханның әрімін.
-Сәлеметсіңдер ме, балалар, мені таныдыңдар ма? Мен, «Кәмпит-Ханшайыммын»
Балалар сендер өнерлеріңмен, білімдеріңді, үлгілі тәртіптеріңді көрсетіңдер.Ол үшін менің мына ыдыстағы үлкен кәмпиттер бар, онда әртүрлі тапсырмалар берілген. Сол тапсырмаларды ашып орындасақ қайтеді. Тапсырмаларды түгелдей орындасаңдар мереке соңында әкелген сыйлығымды үлестіремін. ( бір балаға ыдыстығы кәмпитті аштырады, тапсырманы барлық бала орындайды)
Жүргізуші:

-Расында да, бізге тәтті «Кәмпит-Ханшайым» қонаққа келіпті. Қараңдаршы, кәмпиттері көп екен, тәтті десе тәтті екен. Қане өнерімізді көрсетейік, тапсырмаларды орындайық.
1- кәмпиттегі тапсырма:
Би: «Балапандар»
Жүргізуші:

Бүгінгі мереке күні әжелерімізді де мерекелерімен құттықтаймыз. «Қариясы бар үйдің қазынасы бар» - деп бекер айтылмаған. Келесі әніміз сіздерге арналады құрметті әжелер.                 2- Кәмпиттегі тапсырма:
Ән: «Әжетайым» (ұлдардың орындауында)
Жүргізуші:

 -«Кәмпит-Ханшайым» , енді сіз біздің балаларымыздың аналарына дайындап келген тақпақтарын тыңдаңызшы.

Айпара
Көктем келді жадырап
Күн нұрымен таласып,
Жайнай берші жарқырап
Жаны жайсаң аналар!

Р. Аружан
Апатайым анашым
Ақылы мол данасың
Қамқоршысы баланың
Гүлі сенсің әр үйдің.

Али
Анам менің анашым
Сені жақсы көремін
Мерекемен бүгінгі
Құттықтаймын мен сізді.

Анель
Құтты болсын анашым
Құтты болсын мерекең
Әр кез саған тілеймін
Ұзақ өмір жолдарын

3- кәмпиттегі тапсырма:
Ойын: «Кәмпит тасу» (аналары мен балалары)
4- кәмпиттегі тапсырма:
Би: «Бал биі»

Кәмпит-Ханшайым: -Балалар, сендер бүгін менің тапсырмаларымды өте жақсы орындап шықтыңдар. Сендерге көп-көп рахмет айтамын. Өздерің өнерлі, әдемі, тәртіпті екенсіңдер, мен сендерге ризамын. Енді мына қолымдағы ыдысты тәрбиеші апайларыңа беремін. Сендерге әкелген көптеген әртүрлі кәмпиттерім бар. Соны сыйлыққа бергім келіп тұр. Мен енді сендермен қоштасайын, басқа да балабақшада мерекелер болып жатыр соған барайын. (Кәмпит-Ханшайым балалармен қоштасып шығып кетеді)
Жүргізуші:

Бөбегіңнің сыйлығын,
Қабыл алшы анашым
Ұзақ өмір жүз жасап
Ауырмашы анашым!
Бәріміздің де анамыз бар, әжеміз, әпкеміз бар, қарындастарымыз бар. Жылына бір рет келетін осы аналар мейрамында аналарымызға қандай сыйлық жасасақ та жарасымды. Өйткені, бізді өмірге алып келген, бізге әлемнің жарығын сыйлаған - анамыз емес пе? Олай болса, әр баланың өзі дайындаған аналарына сыйлықтары бар екен, соны табыс етсін!

Аналар, қалқып бақыт аралында,
Лайым мұң қонбасын жанарыңа
Осымен кешімізді аяқтайық
Гүл бітсін бәріңіздің қадамыңа – дей отырып бүгінгі ««Ана біздің күніміз!» атты ертеңгілігіміз аяқталды. Ардақты аналар мейрамдарыңыз құтты болсын! Сау саламатта болыңыздар!

Тақырыбы: «Армысың, Алтын күз!»

Ертеңлік: 10.11.2017ж.

Балалардың саны: (15 ұл-қыз, 7-қызбала би, 3-ұлбала тақпақ, 5-ұлбала би)

Жүргізуші: Бухарбаева З.А.

Жүргізуші: 1.

Мақсаты: Алтын күз мерекесін  өткізу. Күз туралы түсініктерін кеңейту. Балаларға мерекелік көңіл-күй сыйлау.

Көрнекіліктер: Залдың іші күз мерекесіне сай безендірілген. Жапырақтардың суреттері, күз жармеңкесі, яғни жемістер мен көкөністер салынған себеттер.

 Әдемі сазды әуен ойналып тұрады, балалар тәрбиешімен бірге кіріп орындықтарға жайғасады.

Жүргізуші: Құрметті қонақтар, ұстаздар! «Армысың, Алтын күз»  атты ертеңгілігіне қош келдіңіздер!

Жүргізуші:

Армысыздар, халайық,

Бармысыздар, халайық!

Күзгі тойды жүп жазбай,

Бірге қарсы алайық!

Жүргізуші:  Балалар, бүгін барлығымыз күз мерекесіне  жиналдық. Қонақтар да келді. Бірақ біздің мерекеге біреу жетіспейді.Сендер білесіндер ме ол кім?

Балалар: Ол күз.

Жүргізуші: Ендеше күзді ортаға шақырайық.

Бірге: Берекелі күз келді, мерекелі күз келді.

Күз: Сәлеметсіндер ме, балалар!

Балалар: Сәлеметсіз бе, Алтын күз!

Күз:

Береке бақ дарыған,

Жомарт көңіл жарқын жаз.

Сары алтынғамалынған, Алтын күздеген мен болам.Армысыздар ,құрметті қонақтар, кішкентай бүлдіршіндер! Мен мерекеге кешігіп қалдым ба?

Балалар:  Жоқ.

Жүргізуші:

Шоғы толған гүлдей жайнап

Шақырады жарқын жүз

Сайрандаған күліп-ойнап,

Келдіміне Алтын күз!

Күз: Балалар, сендерді көргеніме  қуаныштымын. Мен сендерге бір  жұмбақ жасырайын.

                      Ағайындыбәрі

                      Шықсажасыл

                      Түссе –сары. Бұл не? (Жапырақ)

Балалар: Жапырақ.

Күз: Дұрыстаптындар, жарайсындар!

Жүргізуші: Алтын күз ,біздің балалар күзтуралыөлен, тақпақтарбіледі.  Сізжәйланыпотырып, балалардың өнерін тамашалаңыз.

1.Ән «Жау Жау Жаңбыр» Бота Бейсенова.

1.Темірлан: (Қарбыз)

Қарбыз, қарбыз, қарбыздар

Балдай тәтті  қарбыз  бар.

2.Жанель: (Бидай)

Алтын  астық  айнала

Далама менің  сыймайды.

3.И.Адина: (Пияз)

Асханадан  шықпаймын,

Атым – пияз  бұқпаймын.

4.К.Адина (Қызанақ)

Бақшаларда  қызарып.

Тұрған  ол мен  қызанақ.

5. Жания: (Картоп)

Картоп – менің атым,

Жер  астында  жатамын.

6.Азамат (Сәбіз)

Өсіретін  бойымды,

Дамытатын  ойымды.

7.Ақжан: (Алма)

Мен –Алмамын , алмамын

Таңдай  татар  бал  дәмім.

8.Ринат: (Қауын)

Қауын деген сары  алтын.

Жүргізуші:

Қызыл, жасыл, сары алтындай,
Жапырақтар күздің көркі.
Ойланайық, толғанайық,
Әсем  әнге   елітіп!                                                                                                        

6. Би: «Жапырақтар»

 (Адина, Жанель, Айнара, Адина, Аружан,Айкөркем)                                                                                                                             

Жүргізуші:  Қане, балалар, осындай молшылық күз айында бір ойын  ойнап жіберейік. Ол ойын «Кімжылдам?» депаталады. Ойынның шарты бойынша ұлдар бір себетке көкөкністерді жинайды, ал қыздар екінші себетке жемістерді жинайды.

3.Ойын «Кімжылдам» (Әуен ойналады, А.Калаубаева  «Көңілді күн).     

Жүргізуші:  Жемістерді қарсы алайық (Осы кезде әуен ойналады, ортаға жемістер шығады А.Калаубаева  «Көңілді күн»).     

9.Ерасыл: (Алмұрт )                    

Мен алмұртпын, алмұртпын

Аузындамын бар жұрттың.                  

10.Нұрдәулет: (Жүзім)                       

Мен жүзіммін, жүзіммін

 Моншақ болып тізілдім .                     

11.Бағдәлет: (Өрік)                          

 Мен өрікпін, өрікпін

 Табиғатқа көрікпін.                           

12.Айнара: (Алма)                      

Мен алмамын, алмамын

 Тандайда қалар бәр дәмім.                  

                                                               5.Жұмбақ  жасыру:

Жиып-теріп болатын,
Қамбаға астық толатын.
Қызыл қырман ойнайтын,
Қай мезгіл деп ойлайсың? (Күз мезгілі)
Дұрыс, күз мезгілі. (Балалардың жауабы).
Өте жақсы.

Жүргізуші: Жарайсыңдар!Орындарыңа жайғаса қойыңдар!
                                                                         6.  Би:«Қояндар биі»                                  (Темірлан, Ринат, Азамат,Ерасыл,Сүндет, Арслан, Алихан, Адина, Жания, Ақжан, Райана, Жанель, Кәусар,)

Ата-аналармен ойын: «Дәміне қарай ажырат»                                                                                     Ойының шарты: Көздерін орамалмен жауып ауыздарына салу.
Алдындағы жемістер мен көкөністерді ажрату.                                                                              Жүргізуші: Балалар қонақтар біздің күз мерекесіне арналған «Армысың Алтын күз!» ертеңгілігіміз аяқталды.
Келесі кездескенше дейін сау болыңыздар!Ата – аналарға көп – көп рахмет.