"Информатика алғырлары" сайыс сабақ

Сайыс сабақтың тақырыбы:  «Информатика алғырлары»

Сыныбы: 7в,ғ

Сайыс сабақтың мақсаты : Оқушылардың ойлауын, компьютерлік сауаттылығы мен іскерлігін, танымдық қабілетін, логикалық сауаттылығын дамыта отырып, олардың пәнге қызығушылығын, белсенділігін арттыру.

Сабақтың міндеттері:

Білімділік: оқушылардың информатика пәнінен алған білімдерін жинақтау, алған білімдерін бақылап бағалау.

Дамытушылық: логикалық ойлауын, танымдық қызығушылығын, оқушылардың ақыл-ойын жан-жақты дамыту.

Тәрбиелік: оқушыларды ынтымақтастықта болуға, бір-бірін тыңдауға, сыйлауға, ұқыптылыққа тәрбиелеу.

Сабақтың түрі: сайыс сабақ

Сабақтың әдіс-тәсілдері: топтастыру, сұрақ-жауап, ойын элементтері, баяндау әдісі.

Сабақтың көрнекілігі: слайд, интерактивті тақта.

Сабақтың барысы:

Информатика болашаққа бастайды,

Келешекке білім қуған жастарды.

Қадам басып 21-ші ғасырға

Барлық әлем жаңалығын тастайды-дей келе, құрметті ұстаздар және оқушылар. Бүгінгі «Информатика алғырлары» сайыс сабағына қош келдіңіздер! Бүгінгі «Информатика алғырлары» сайыс сабағының шарттарымен таныстыра өтейік. «Информатика алғырлары» сайыс сабағына 7в сыныбы «Монитор» тобы  және 7ғ сыныбы «Жүйелік блок» тобы  қатысады. 

Сайыс 6  кезеңнен тұрады.

1-кезең: Ойлан тап!

2-кезең. «Адасқан әріптер»

3-кезең. «Дешивратор»

4-кезең. « Сен маған, мен саған»

5-кезең «Жеті жұрттың тілін біл»

6-кезең. «Топ басшылар сайысы»

Барысы:

1-кезең: Ойлан тап! бөлімі.

Ойынның шарты: 2 топқа бірдей сұрақ қойылады. Бірінші жауабын тапқан оқушы қол көтеріп жауабын береді. Дұрыс жауабын тапқан топқа 10 ұпай беріледі.

1.       Ақпаратты ұзақ уақыт сақтауға арналған құрылғы. (қатты диск)

2.       Дүниежүзілік компьютерлер арасындағы байланыс ортасы.  (интернет)

3.       Бірмезгілде қатар басылған осы екі перне терезені жабады. (ALT+F4)

4.       Ақпараттың ең кішкентай өлшем бірлігі.  (бит)

5.       8 биттен тұратын өлшем бірлік.  (байт)

6.       Өздігінен көбеюге қабілетті программа.  (вирус)

7.       Ақпаратты енгізу құрылғысы.  (пернетақта)

8.       Ақпаратты сақтау, өңдеу және таратуға арналған электрондық құрылғы.  (компьютер)

9.       Меңзердің оң жағында тұрған символдарды өшіретін перне.  (Delete)

10.   Алгоритм нешеге бөлінеді. (3)

2-кезең. «Адасқан әріптер»

Оқушыларға орындары ауысып кеткен сөздер беріледі. Әр топ әріптерді қою арқылы информатика пәніне байланысты термин сөздер шығару керек.  Әр дұрыс жауапқа 10 ұпайдан беріледі.

«Монитор» тобы.

1.       ИТОРМОН - МОНИТОР

2.       ЕСЛПИКЬ - ПИКСЕЛЬ

3.       ПНТЕРРИ - ПРИНТЕР

4.       ЕМОДМЬ - МОДЕМЬ

5.       АУОКДТ- КОДТАУ

6.       КАСЕРН - СКАНЕР

7.       АЛФЙ - ФАЙЛ

«Жүйелік блок» тобы.

1.       ПЕАҚТАРНЕТ-ПЕРНЕТАҚТА

2.       СОРОЦЕСПР- ПРОЦЕССОР

3.       ЛЫҚЖАР - ЖАРЛЫҚ

4.       ЕЛЬМОД- МОДЕЛЬ

5.       РИАЛГОТМ- АЛГОРИТМ

6.       ЫШТҚАН - ТЫШҚАН

7.       ТИБ –БИТ

3-кезең. «Дешивратор»

Әр топқа 10 сұрақтан қойылады. Дұрыс жауап берген топқа 10 ұпайдан беріледі.

«Монитор» тобының  сұрақтары:

1.       Ақпаратты қағазға басып  шығару құрылғысы принтер деп аталады. (ия)

2.       Ақпараттың ең кішкентай өлшем бірлігі килобайт.  (жоқ)

3.       1 байт 8 битке тең.  (ия)

4.       Пернетақта жүйелік блоктың миы.  (жоқ)

5.       Ақпаратты ұзақ сақтауға арналған құрылғы қатты диск.  (ия)

6.       «Ақпарат » сөзі латын тілінен аударғанда түсіндіру, баяндау, мәлімет дегенді білдіреді. (ия)

7.       Ең алғашқы  ЭЕМ 1946 жылы АҚШ-та пайда болды. (ия)

8.       1846 жылы Беббидж машинасына программа жазған Ада Лавлейс. (ия)

9.       Монитор ақпаратты енгізу құрылғысы. (жоқ)

10.   Алгоритм сызықтық, тармақталу болып 2-ге бөлінеді.  (жоқ)

«Жүйелік блок» тобының сұрақтары.

1.       ЭЕМ даму тарихы 7 буыннан тұрады (жоқ)

2.       Алгоритм 3-ке бөлінеді. (ия)

3.       Бит,байт ақпараттың өлшем бірліктері. (ия)

4.       Жедел жады деректерді уақытша сақтауға арналған құрылғы. (ия)

5.       Өздігінен көбеюге қабілетті зақымдаушы программа вирус деп аталады. (ия)

6.       Антивирус вирусқа қарсы программа ( ия)

7.       Компьютерді жай телефон желісіне қосуға арналған құрылғы модемь деп аталады. (ия)

8.       Компьютерлік жад 5-ке  бөлінеді (жоқ)

9.       Кактус компьютер жанына қойылатын өсімдік  (ия)

10.   Жүйелік блок ақпаратты қағазға басып шығарады. (жоқ)

4-кезең. « Сен маған, мен саған»

Топтар бір-біріне дайындап келген сұрақтарын қояды. Дұрыс жауабы 10 ұпай.

5-кезең «Жеті жұрттың тілін біл»

Келесі кезең «Полиглот» бұл кезеңнің ерекшелігі оқушылар берілген сұрақтарға үш тілде  қазақша, орысша, ағылшынша жауап береді. Әр дұрыс жауап 30 ұпай.

1.       Экрандағы төрт бұрышты аймақ не? (терезе-окно-windows)

2.       Өшірілген файлдар  жиналатын орын (себет-корзина-basket)

3.       Компьютерде берілетін командаларды жарық қаламымен басқаруға негізделген құрылғы (тышқан-мышь-mouse)

4.       Өте кішкентай мәтіндік редактор (кітапша-блокнот-notebook)

5.       Ақпаратты шығару құрылғысы (монитор-монитор-monitor)

6-кезең. «Топ басшылар сайысы»

Топ басшылары ортаға шығып, берілген конвертті таңдай отырып, ішіндегі  сұрақтарға жауап береді. Әр дұрыс жауап 10 ұпай.

1-конверт.

1.       Пернетақта дегеніміз не? (Ақпаратты енгізу құрылғысы)

2.       Компьютердің ең негізгі құрылғылары?  (жүйелік блок, пернетақта, монитор)

3.       Өшірілген файлдар қайда сақталады. (себет)

4.       Пернелердің ішіндегі ең ұзын перне, символдарды бір-бірінен ажырату үшін қолданылады. (Пробель пернесі)

2-конверт.

1.       Интернет дүниежүзілік желі болып есептеле ме?  (ия)

2.       Бірінші ЭЕМ қай жылы жасалды. (1946ж)

3.       Блок-сызбада алгоритмнің басы мен соңы қандай  фигурамен беріледі. (сопақша)

4.       Егер бұл пернені бір рет басса бас әріптер енгізіледі (CapsLock)

             Сонымен бүгінгі сайысымыз өз мәресіне келіп жетті. Келесі кезек, бүгінгі сайысымыздың жеңімпазын кім екенін анықтау үшін сөз кезегі әділқазылар алқасына беріледі. Жеңімпаздар марапатталады! Сау болыңыздар.