Интербелсенді әдістемені оқу процесінде
қолдану
« Өмір бойы білім алу - әр қазақстандықтың өмірлік кредосына айналуы
қажет!» Н.Ә.Назарбаев
Бүгінгі
кун адам (тұлға) рөлінің Әлем дамуында ,қоғам ауқымында алатын орны мен рөлінің
маңызы күрт өсуімен ерекшеленеді. Баланың жеке тұлға болып қалыптасуында ата-аналармен
қатар,тәрбиеші мен мұғалімнің рөлі зор. Яғни, білім жүйесінің қызметкерлеріне
болашақ ұрпақты тәрбиелеуде үлкен жауапкершілік жүктелген. Сондықтан бұл істе
асығыс шешім,жалған әдіс,қалыптағыдай қатып қалған ескірген тәсіл қолданылмауы
тиіс.
Бүгінгі әлем қазіргі күні «білім қоғамын» және «білім экономикасын» құру
бағытында. Нәтижеге бағытталған білім оқу процесінде оқушыны бірінші орынға
шығаруды талап етеді. Ал бұл ұстаным әрбір ұстазға оқушыны белсенділендіретін
оқу/оқыту әдістемелерін қолдануды міндеттейді. Үйрену мен үйрету тек өзара
белсенді әрекеттерге негізделген қарым-қатынас арқылы жүзеге асырылады.
Қазақстан Республикасының Президенті Н.Ә.Назарбаев Қазақстан халқына
жолдауында «оқыту жүйесіне заманауи әдістемелер мен технологияларды ендіру
керек» деп бекер айтпаған болар.
Интербелсенді
оқу/оқыту көптеген жұмыс түрлері (жұптық,топтық) мен әрекеттер(жеке және
бірлескен ізденіс,зерттеу жұмыстары,рөлдік ойындар ) арқылы жүзеге асырылады.
Интербелсенді оқуда оқушылар ; терең және жүйелі ойлану, ақпаратты өздігімен
түсініп,керектісін таңдап алу,жан-жақты талдау және бағалау, өз ойы мен пікірін
дәлелдеу ,өз өміріне және біліміне деген жауапкершілікті сезіну машықтарын
иемденеді. Шәкірт өздігімен үйренуі керек,сонда ғана оның білімі толығады,солай
ғана ол білімді өз өмірінде қолдана алады.Оқушы өздігімен және басқалармен
бірлесе ізденіп, оны қандай тиімді әдіс-тәсілдер арқылы шешіп,бұл білімнің өз
өміріне қалайша қажетті болатынын айқындауы қажет.Интербелсенді оқытуда
мұғалім оқушының үйренуіне бағыт-бағдар сілтеушісі,оқушының шығармашылық
жұмысының бастамашысы,ұйытқысы,оқушыны білім алудың белсенді әрекеттеріне
ынталандырушы. Адамгершілік құндылықтар үлкен мен баланың арасындағы шынайы
қарым-қатынаста беріледі. Көзге көрінбейтін , өте нәзік сезімді,аса құнды
қасиеттерді жүрктен жүрекке үзбей жеткізу тек шебер тәлімгердің ғана қолынан
келеді. Әр баланың іс-әрекетіне шығармашылықпен үңіліп,жеткілікті көңіл бөлу
,қоғамның дамуына қарай ұрпағының қалыптасуына көңіл бөлу,еліміздің болашағына
деген зор сенімді білдіреді. Интербелсенді әдістемені оқу процесінде қолдану жаңа
дәуір адамын тәрбиелеу, жеке тұлғаны үйлесімді қалыптастыру міндеттерін шешуге
көмектеседі деп сенемін.
Оставьте свой комментарий
Авторизуйтесь, чтобы задавать вопросы.