55-г1а
урок.
Урокан ц1е: «
Йозанан жима а , доккха а элпаш г , Г
яздар».
1алашо: йозанан жима а , доккха
а элпаш г , Г довзийтар.
Уьш шаьш а , дешдакъошкахь а яздан 1амор.
Кхочушдан
лерина жам1аш:
1
.Предметни: берашна девзар ду йозанан жима а , доккха а элп
а г , Г . 1емар
ду уьш нийса а ,хаза а яздан.
2.
Метапредметни:
·
Регулятивни: берашна
1емар ду шайн белхан план х1отто, цу планан рог1алла а ларъеш йозанан
корматалла караерзо. Берашна 1емар ду коллективехь эбала , болх бан.
·
Коммуникативни: берашан
1емар ду хьехархочун хаттаршна дуьззина а , доца а жоьпаш дала. 1емар ду
шайна хетарг маь1ница нийса д1аала. Берашна 1емар ду тобанашкахь болх бан ,
тобанашкахь кхиамаш баха.Берийн кхуьур ю меттан говзалла.
·
Познавательни: берийн
алсамдер ду тидаме хилар , ойлаяр . 1емар ду аьзнийн башхаллаш йовза, уьш
схеманашкахь билгалъяха. Берийн алсамдер ду дешнаш довзар. Берийн мотт шарлур
бу .
3.
Личностни: берийн лаам хир бу дика деша , дешар шайн дахарехь
коьрта г1уллакх дина т1еберза. Берашна 1емар ду шайн амалехь диканиг кхио .
Урок
д1аяхьар.
1. Маршалла хаттар.
2. Дешаре шовкъ кхоллар.
·
Ловзар : «Хетал-металш».
-Х1етал-метал хаьийла шуна:
Хина
-
т1ай, некъана - накъост. (Говр).
Ч1ерий ца лоьцуу, амма маша буцу. (Гезиг).
Пенах
кхозу,
оллалой,
Т1еда мел верг
вакъаво.
(Гата)
Горгамна
юккъехь ерг х1ун ю? (Г)
К1айн-къорза и кхокха
Ц1ехьа
схьабеа,
Дуьненахь
хуьлург
Тхоьга
схьадийца.
(Газет)
Мотт
бац,
амма
и хила чохь
Дерриг бохург
керланиг хууш хуьлу. (Газет)
-Х1ун ю х1етал-метал т1ехь юьйцуш ерш? (Газет ,
гата, гезил, говр).
-Муьлха аз хеза оцу дешнашна юьххьехь? (Г).
-Даладе масалш аз (Г) юккъехь долуш. (Мангал,
горгам, горгали).
-Даладе масалш аз (Г) чаккхенгахь хезаш. (Диг ,
дог, берг, церг).
3. 1алашо йовзийтар.
-Бераш , тахана шуна долу т1едахкарш ду горгалиш
чу яздина. Горгалиш схьа а оьцуш шайн балур болчу белзан план х1отта е. Х1ун
кхиамаш баха дагахь ду шу тахана?
-Вайна тахана девзар ду йозанан жима а , доккха
а элпаш г ,Г. 1емар ду и элпаш ша-ша а , дешдакъошкахь а , дешнашкахь а кхечу
элпашца хоьттина яздан.
4. Йозанан жима а , доккха а элпаш г , Г довзийтар
, яздар.
·
Йозанан жима а , доккха а элпаш г , Г довзийтар.
-
Бераш , муьлха элпаш девзира вайна яханчу урокехь? (г , Г).
-Схьагайта
шайгарчу элпаш юккъехь зорбанан жима элп г, доккха элп Г.
-Хьанна
девза йозанан жима элп г? Схьагайта и. Йозанан доккха элп Г
? Схьагайта.
-И
ши элп цхьатера ду я тайп-тайпана ду? (Цхьатера ду)
·
Фонетически зарядка.
Муха
дека аьчкан ков т1е цхьа х1ума тоьхча? («Говв-говв-говв»)
-Муьлха
аз хеза ? (Г).
-Аз
(Г) мукъа ду я мукъаза ду? (Мукъаза).
·
Йозанан жима элп г яздар.
(Хьехархочо
тептарш т1ехь яздина хила деза элп г. Уьн т1ехь а гойту элп г
муха яздан деза).
-Т1адам
буьллу лакхарчу белхан мог1анна т1е кхача кхоалг1а дакъа дисинчохь. Тасалуриг
т1ехула хьалавоьду. Белахан мог1анна т1е кхаьчча хьаьвзаш, билгалонна деллачу
сизе терра охьавог1у. Кхузахь техкарг юьллу , цу т1ера д1а тасалуриг ,
мог1анна юккъе кхаччалц.
г г г г
г г г г г г г г г г г г г г г г г г г г г г
-Д1аязде
и элпаш .
-Х1ун
кхиамаш бехи аша?
·
Дешдакъохкахь элп г яздар.
(Хьехархочо уьн т1ехь гойту йозанан жима элп г
муха хота деза кхечу элпех дешнашкахь).
га го гу ги ге
-Хьан т1едузар дара дешдакъа ГА? (Гали).
-Дешдакъа ГО? (Горгали).
-Дешдакъа ГУ? (Гунаш).
-Дешдакъа ГЕ? (Гезиг).
-Д1адеша
дешдакъош. Д1аязде уьш шайн тептарш т1е.
-Х1ун
кхиамаш бехира аша?
·
ГАЗА дешан схема х1оттор.
-Х1етал-метал
хаьийла шуна:
Маж
ю,
амма
воккхастаг вац,
Malaш
ю, амма сту бац,
Узуш
хуьлу,
амма
етт бац,
Дитта
т1ера «ц1ока» йоккху,
Амма
не1армачашца йо.
(Газа)
-Х1ун ю иза? (Газа).
-Маса дешдакъа ду ГАЗА дешан? Муьлханиг ду
хьалхара? Шолг1а?
-Муьлханиг ду хьалхара аз? (Г).
-Аз (Г) мукъа ду я мукъаза ду? (Мукъаза ду).
-Муьлханиг ду шолг1а аз? (А).
-Аз (А) мукъа ду я мукъаза ду? (Мукъа).
-Муьлханиг ду кхоалг1а аз? (З).
-Аз (З) мукъа ду я мукъаза ду? (Мукъаза).
-Муьлханиг ду доьалг1а аз? (А).
-Аз (А) мукъа ду я мукъаза ду? (Мукъа).
-Маса аз ду ГАЗА дашехь? Маса элп ду? Маса еък1ов
хила еза схемин? Аьзнийн цхьанаэдаларш дуй дашехь? Муха билгалдоху уьш схеми
т1ехь?Йилла схема.
-Караде оцу схемина кхин а дешнаш: говр , дуга ,
дага , бога.
5. Сада1аран миноташ.
Вай
яздира,
яздира,
Куьйган
п1елгаш к1адделира.
Вай жима садо1ур ду,
Т1аккха
юха а яздийр ду.
6. Йозанан жима
элп г дешнашкахь яздар.
·
Дешнаш йозанан жима элп г яздар.
Уьн т1е д1аяздо дешнаш.
Гомаш , говр ,
бога , дуга , дага.
-Маса
дешдакъа ду ГОМАШ дешан? (Шиъ).
-Муьлханиг
ду хьалхара? (Го).
-Шолг1аниг?
(Маш).
(Иштта
толлу важа дешнаш).
-Муьлха
дош ду совнаха? (Говр).
-Х1унда
ду и дош совнаха? (Иза цхьана дешдекъах лаьтта).
-Д1аязде
и дешнаш шайн тептарш т1е дешдакъошка а доькъуш.
·
Предложенеш язъяр.
Хьайна хуург нахе ма хата.
Ненан сий динарг махко а лерина.
-Д1адеша хьалхара кица. Муха кхета шу цунах?
-Д1адеша шолг1а кица. Муха кхета шу цунах?
-Д1аязде кицанаш.
-Х1ун кхиамаш бехи аша?
7.Жам1 дар.
·
Г элпах лаьцна байт 1амор.
Бац
и мангал,
Диттан
га.
Ду
и -
хьажал
-
Доккха Г.
-Муьлха элп ду дуьйцург? (Г).
-Г элпо муьлха аз билгалдо? (Г).
-Аз (Г) мукъа ду я мукъаза ду?
8. Рефлекси.
-Х1ун кхиамаш бехи аша?
56-г1а
урок.
Урокан ц1е: «
Йозанан жима а , доккха а элпаш г , Г
яздар».
1алашо: йозанан жима а , доккха
а элпаш г , Г кхин
д1а а довзийтар. Уьш шаьш а , дешдакъошкахь а яздан 1амор.
Кхочушдан
лерина жам1аш:
1
.Предметни: берашна кхин д1а а девзар ду йозанан жима а ,
доккха а элп а г , Г
. 1емар ду уьш нийса а ,хаза а яздан.
2.
Метапредметни:
·
Регулятивни: берашна
1емар ду шайн белхан план х1отто, цу планан рог1алла а ларъеш йозанан
корматалла караерзо. Берашна 1емар ду коллективехь эбала , болх бан.
·
Коммуникативни: берашан
1емар ду хьехархочун хаттаршна дуьззина а , доца а жоьпаш дала. 1емар ду
шайна хетарг маь1ница нийса д1аала. Берашна 1емар ду тобанашкахь болх бан ,
тобанашкахь кхиамаш баха.Берийн кхуьур ю етан говзалла.
·
Познавательни: берийн
алсамдер ду тидаме хилар , ойлаяр . 1емар ду аьзнийн башхаллаш йовза, уьш
схеманашкахь билгалъяха. Берийн алсамдер ду дешнаш довзар. Берийн мотт шарлур
бу .
3.
Личностни: берийн лаам хир бу дика деша , дешар шайн дахарехь
коьрта г1уллакх дина т1еберза. Берашна 1емар ду шайн амалехь диканиг кхио .
Урок
д1аяхьар.
1. Маршалла хаттар.
2. Дешаре шовкъ кхоллар.
·
Ловзар : «Кагделла дош нисде!».
-Бераш , аса д1аяздина долу дош кагделла . Ткъа
сунна дисделла , иза муьлха дош дара. Хьанна хуур дара шуна и нисдан?
ЛАГОВЗАЛ
-Муьлха дош ду иза? (Говзалла).
-Х1ун ю говзалла? (Берийн жоьпаш).
-Говзалла -иза цхьана адамо шена хазахеташ
карадерзийна г1уллакх ду. Говзаллаш тайп-тайпана хуьлу: хьехархо , программист
, йишлакхархо , артист.
-Муьлха говзалла еза шуна? Х1ора говзалла
караерзо х1ун дан деза?
3. 1алашо йовзийтар.
-Бераш , тахана шуна долу т1едахкарш ду горгалиш
чу яздина. Горгалиш схьа а оьцуш шайн балур болчу белзан план х1отта е. Х1ун
кхиамаш баха дагахь ду шу тахана?
-Вайна тахана кхин д1а а девзар ду йозанан жима
а , доккха а элпаш г ,Г. 1емар ду и элпаш ша-ша а , дешдакъошкахь а ,
дешнашкахь а кхечу элпашца хоьттина яздан.
4. Йозанан жима а , доккха а элпаш г , Г яздар.
·
Йозанан жима элпаш г яздар.
(Хьехархочо тептарш т1е д1аязбина хила беза
мог1анаш).
·
Йозанан доккха элпаш Г яздар.
(Хьехархочо
уьн т1ехь гойту , муха яздан деза йозанан доккха элп Г).
-Т1адам
буьллу лакхарчу белхан мог1анна , г1оьнан мог1анна юккъе. Билгалонна
деллачу сизе терра охьавола . Лахарчу белхан мог1анна т1е кхочуш техкарг
йилла , цу т1ера д1а тасалуриг. Т1адам буьллу лакхарчу белхан мог1анна ,
г1оьнан мог1анна юккъе. Жимма д1авоьду аьрру аг1ор, хьаьвза , нисса д1авоьду.
-Д1аязде элп Г тептарш т1е.
Г Г Г Г Г Г Г Г Г Г Г Г Г Г Г Г Г Г Г Г Г Г Г Г Г Г Г Г Г
Г Г Г
-Х1ун кхиамаш бехи аша?
·
Йозанан доккха элп Г дешдакъошкахь яздан
1амор.
(Хьехархочо уьн т1ехь гойту йозанан доккха элп Г
дешдакъошкахь муха хотта деза).
Га Го Гу Ги Ге
-Д1адеша и дешдакъош. Д1аязде уьш шайн тептарш
т1е.
-Х1ун кхиамаш бехи аша?
5. Сада1аран миноташ.
Охьа а
таь1на, хьаланисдала ца
лууш долу элп Г гайта шена олу хьехархочо берашка. Цхьаъ - шиъ - кхоъ аьлча, охьа а таь1ий,куьйгаш хьалха
дохуьйту,
диъ - пхиъ аьлча, иштта лаьтта, меттахца хьовш, ялх - ворх1 - барх1 аьлча, хьала а нислой, д1ах1уьтту.(Х1ара упражнени
кхузза кхочушйо меллаша)
Газа
Газа-газа-гуьзалг,
Хьийзина ма1аш, газа,
Чилланан маж, газа,
Ди ахь сарралц хелхарш
Кертал арашершаш:
Когаш бетташ «дап-дап»,
Ма1аш етташ «т1ох-т1ох»,
Б1аьргаш къерзош «лап-лап»
Корта сеттош «oxloxl».
(Бераша газано
дийриг до,
цуьнан
хьийзина ма1аш гойту, чилланан маж
хьоьсту,
когаш
бетта,
корта
асеттабо,
«ма1аш» 1уьтту.)
6. 1амийнарг т1еч1аг1дар.
·
Дешнашкахь йозанан жима а , доккха а элпаш г,
Г яздар.
Гилани , Гила ,
горгали , горгам.
-Муьлха дешнаш яздина даккхийчу элпашца? Х1унда?
-Маса дешдакъа ду ГИЛАНИ дешан? Муьлханиг ду
хьалхара? Шолг1а ? Кхоалг1а? (Иштта толлу важа дешнаш).
-Д1аязде дешнаш дешдакъошка а доькъуш.
-Х1ун кхиамаш бехира аша?
·
ГОМАШ дешан схема х1оттор.
-Бераш , хьан йохур яра дуьненчохь йолчу
х1уманийн ц1ераш? (Бераша йоху).
- Уьш яьхна вера а вац. Хьанна евза дуьненчохь
йоцу ялх х1ума? Х1ун яц дуьнен чохь?Тидам белаш: х1ун ялх х1ума яц дуьненчохь?
Х1ун ялх х1ума?
Х1ун ялх х1ума, дийцал схьа,
Кху дуьненахь
хуьлуш дац?
Стигла
волуш ....(лами
)бац!
Лаьттана
тухуш....
(дог1а)дац!
Х1орда т1ехула...(т1ай)а дац!
Вертанан
ши ...(пхьош)
а дац!
Маьждиган
...(туьнталг)а яц!
К1айчу
басахь ...
(гомаш) яц
-Маса дешдакъа ду ГОМАШ дешан? Муьлханиг ду
хьалхара? Шолг1а?
-Муьлха аз ду хьалхара? (Г).
-Аз (Г) мукъа ду я мукъаза ду? (Мукъаза).
-Муьлха аз ду шолг1а? (О).
-Аз (О) мукъа ду я мукъаза ду? (Мукъа).
-Муьлха аз ду кхоалг1а? (М).
-Аз (М) мукъа ду я мукъаза ду? (Мукъаза).
-Муьлха аз ду доьалг1а? (А).
-Аз (А) мукъа ду я мукъаза ду? (Мукъа).
-Муьлха аз ду пхоьалг1а? (Ш).
-Аз (Ш) мукъа ду я мукъаза ду? (Мукъаза).
-Маса аз ду ГОМАШ дашехь? Маса элп ду?
-Маса еък1ов хила еза схемин? (Пхиъ).
-Муьлханаш ду аьзнийн цхьанаэдаларш? (ГО , МА).
-Муха билгалдоху уьш схеми т1ехь? (Ши бос болчу
еък1овшца).
-Караде оцу схемина кхин а дешнаш: горгам ,
цициг, берг.
-Х1ун кхиамаш бехи аша?
7. Жам1 дар.
-Чакхъяккха сан ойла:
Говр , газа , гезиг дешнашкахь хеза аз ….(Г).
-Аз (Г) ца лакхало , цундела иза ду …(мукъаза).
-Аз (Г) йозанехь билгалдо жима , доккха а
элпашца..( г ,Г).
8. Рефлекси.
-Х1ун кхиамаш бехи аша?
Оставьте свой комментарий
Авторизуйтесь, чтобы задавать вопросы.