-
Курсы
-
Другое
Открытый урок
по мокшанскому языку в 6 классе
с применением сингапурских структур
Учитель мокшанского языка и литературы
Абраконова Галина Васильевна
Темась: Существительнайть колга лятфтамань урок
Уроконь цельхне: - лятфтамс, кемокстамс и вятемс системас содамашитнень «Существительнай» темать коряс;
- касфтомс маштоманьконь существительнайхнень лия корхтама пялькснень эзда явфнема и синь видеста сёрмадома;
- воспитандамс кельгома мокшень кяльть мазышинцты и козяшинцты.
Обородуваниясь: презентация, карточкат, музыка
Урокть молемац.
I. Организационнай моментсь
- Шумбратада, шабат!
- Мезень колга минь тинь мархтонт корхтаме ётай урокнень эса?
(Существительнай корхтама пяльксть колга и сонь сёрмадоманц) (Слайдсь 1-сь)
- Пара! Вов тячи минь мархтонт лятфтасаськ и кърхкалгофтсаськ содамошиньконь существительнайть колга; касфтаськ маштомашиньконь лия корхтама пялькснень эзда явфнема существительнайть и синь видеста тяштема (Слайдсь 2-сь)
II. Разминка.
Структурась Финк-Райт-Раунд Робин
- Лятфтасаськ васенда существительнайть смузенц и грамматикань признаконзон. Инголенк кагод А4 мяндесть сонь пялюва, нинге тага пялюва мяндесть; панжесть, путость шрать лангс. Тинь листь 4 прямоугольникт. Тяштеда тейст цифрат 1,2,3,4.
Мон максан тейнть 4 кизефкст, а тиндейньк эряви лангозост отвечамс и ответнень тяштемс определеннай прямоугольникти.
1-це кизефкссь: Мезе няфти существительнайсь? (слайдсь 3-сь)
(Сон няфти предмет, природань явлениянь лепт, действиянь лепт)
2-це кизефкссь: Кодама кизефкст лангс существительнайсь отвечай мокшень кяльса?(слайдсь 4-сь)
(Кизефксонза Кие? Кит? Мезе? Месть?)
3-це кизефкссь: Кодапт существительнайть постояннай признаконза мокшень кяльса?(слайдсь 5-сь)
(Собственнай и нарицательнай, одушевленнай и аф одушевленнай, склонениясь)
4-це кизефкссь: Кодапт существительнайть полафневи признаконза? (лувкссь, падежсь, синтаксическяй ролец) (слайдсь 6-сь)
-А тяни азондсаньк фкя-фкяти, кода отвечаде 1-це, сяльде 2-це, 3-це и 4-це кизефкснень лангс. Фкясь азонды, а остальнойхне дополняют эсь ответснон кагодть лангса и тяфта мельга мельцек. Кажнайти 20 секундат.
- А тяни ня кизефкснень лангс отвечай тейнек _____ учениксь __________.
-Пара. Лац тииньк.
III. Покодемась тетрадьс.
- Аф ламня тяштяма тетрадьс. Панжесть тетраденьконь тяштьсаськ тячиень числать.
Структурась Рэлли Робин
Шамань партнероньконь мархта сявиньк 1-це карточкатнень шрать лангста и муиньк валхнень ёткста «лишняй» валхть, тяштиньк тетрадезонк, полафтыньк карточкатнень и тага мусаньк и тяштьсаньк «лишняй» валхть. Азыньк фкя-фкяти валоньконь, конань тяштиньк.
Полафтсаньк карточканьконь лафтунь партнероньконь мархта и стак тов. Тинь лисихть 4 валхт.
1-це карточкась:
- Марь, ксты, ламбама, инези
- Цёфкс, цебярь, чавка, кал
- Щава, щятя, щам, щеня
- Пине, ката, алаша, шра (слайдсь 7-сь)
- Азондость, кона валхне лишняйхть. (Ламбама, цебярь, щам, шра) Пара. Сюкпря.
Структурась Микс Пэа Шэа - морай музыка, шабатне шорявихть яказь кабинетть эзга. Музыкась лоткай тиема ваксот ащи ученикть мархта пара (максозь кядцень вярьга)
- Мон азан кизефкс, максан 3-5 секундат арьсемс, а сяльде тинь отвечатада фкя-фкяти пингонь коряс (структурась Тайм Пэа Шэа)
1-це кизефкссь: Мес валхне ЛАМБАМА и ЦЕБЯРЬ «лишняйхть»?
-Ушеды ся, кие сяда мала менельти.
(Азондыхть фкя-фкяти 20 секундат)
-Азода фкя-фкяти спасиба!
-Тя кизефксть лангс отвечай 2-це учениксь________.
(Музыка. Лоткай. Шабатне тиихть парат.)
2-це кизефкссь: Мес валхне ЩАМ и ШРА «лишняйхть»?
-Ушеды ся, кие сяда мала масторти.
(Азондыхть фкя-фкяти 20 секундат)
- Азода фкя-фкяти спасиба.
-Тя кизефксть лангс отвечай 3-це ученикссь ________.
(Музыка. Лоткай. Шабатне тиихть парат)
3-це кизефкссь: Кодама валрисьмонь членокс эряй существительнайсь?
- Ушеды ся, кинь сяда шобдат шяяренза.
(Азондыхть фкя-фкяти 20 секундат)
-Азода фкя-фкяти спасиба!
-Тя кизефксть лангс отвечай 1-це учениксь________.
- Спасиба. Озада. Тетрадезонк тяштеда 4 валрисьмот, коса фкя валрисьмоть эса существительнайсь подлежащай, омбоцеть дополнения, 3-ть – обстоятельства, 4-ть – пъшкядема. (5 минутат)
-Кинь мялец морафтомс эсь валрисьмонзон?
-Спасиба. Озак.
IV. Кудонь тевть ваномц. Структурась Куиз-Куиз-Трэйд
- Ульсь кудонь тевоньке анокламс фкя кизефкс ялганьконди «Существительнай» темать коряс, тяштемс кагод лангс сонь и алу ответонц. Ответть мяндесть. Стятада, кеподьсаньк кяденьконь, эстейньк мутада пара. Учениксь А-сь максы кизефкс, учениксь Б-сь отвечай, если ответсь виде учениксь А-сь хвалендасы Б-ть и азсы сонцень кизефксонц. Если ответсь аф виде, то учениксь А-сь тонафтсы, хвалендасы. Сяльде учениксь Б-сь азы кизефкс, А-сь отвечай и стак тов. Пока мон аф лоткафтядязь.
Кепотьксонди кизефксне:
1) Кодама суффикс вельде тиевихть лама лувксонь существительнайхне?
2) кодама способ вельде тиевихть существительнайхне?
3) кодама киртфтамань-ляпоптамань суффикст улихть мокшень кяльса?
4) Мъзяра склоненият мокшень кяльса? И кодапт?
5) Мъзяра аф определеннай склоненияса падежт?
- Спасиба. Озада.
V. Структурась Стё Зе Класс
- Шабат, А партнертне сявихть кагод А4, мяньцазь, явсазь кафту и макссазь шамань партнерснонды. Ся кагодть лангс тяштеда 1 минутань коряс валхт 3 столбикова: суффикс вельде тифт валхт, сложнай валхт и парнай валхтт.
(тяштихть)
- Тиеда валоньконь алга китькскя. Стяда и муеда эстеньк пара, морафтыньк валоньконь, конат ашт тяштиньк каготозонк. Муеда лия пара, морафтыньк и тага тяштиньк лия валхнень.
--Пара. А тяни морафтсынзе валхнень, конат тифт суффикс вельде 5-це учениксь. Сложнай валхнень 2-це учениксь. Парнай валхнень 1-це учениксь.
Спасиба. Озада.
V. Уроконь итогсь. Структурась Парковка
- Мезень колга корхтаме урокста? _____________________________________
Мезе тусь мялезонт?_________________________________________________
Кона темась ульсь стака?______________________________________________
Оценканьке фкя-фкяньконди:
1. ________
2. _______
3. _____
4. ________
5. ________
VI.Кудонь тевсь: Анокламс сочинениянди «Кие аф ужяльдсы природать?»
Уроксь аделавсь. Няемозонк.
Конспект урока мокшанского языка
на тему "Имя существительное. Повторение" (6 класс) разработан с применением сингапурских структур, таких как:
Цели урока: - повторить, обобщить и систематизировать знания об "Имени существительном";
-закрепить умения выделять имя существительное среди других частей речи, правильное правописание существительных;
-привить любовь к красоте и богатству мокшанского языка
Профессия: Руководитель отделения (департамента, комплекса, управления, центра) библиотеки
Профессия: Научный сотрудник библиотеки
Профессия: Методист
Профессия: Специалист по микрокопированию и оцифровке документов
В каталоге 6 648 курсов по разным направлениям
