Ортаңғы
тобындағы ұйымдастырылған оқу қызметінің конспектісі
«Коммуникация»
«Шығармашылық» білім беру салаларының ұйымдастырылған оқу қызметі:«Сөйлеуді
дамыту». «Сурет»
Тақырыбы: «Бізге
көліктер қалай көмектеседі», «Машина»
Мақсаттары:
Тәрбиелік: Ойыншық көлік түрлерін мұқият, ұқыпты ұстауға тәрбиелеу.
Дамытушылық: Сөздік қорларын толықтыру, дауыс ырғағын дұрыс сақтап
сөйлеулерін дамыту.
Оқыту: Балаларға көліктер туралы түсінік беру, олардың түрлері
ажырату үйрету Сурет бойынша әңгімелей білуге үйрету.
«Қатты және ақырын айту» ойын жаттығуы.
Затты біреше
геометриялық пішіндер арқылы бейнелеуге жаттықтыру.
Педагогикалық
технологиялар: АКТ, «Денсаулық» технологиясы, дамыта оқыту,
сұрақ-жауап, көрсету.
Ресурстармен
қамтамасыз ету: көліктің суреттері (жеңіл көлік, автобус, пойыз, кеме,
ұшақ); ақ қағаз, түрлі түсті қарындаштар
Билингвалдық
компонент: көлік-транспорт,
автобус-автобус
Ұйымдастырылған
оқу қызметінің барысы:
І.Ұйымдастырушылық
кезеңі:
Балалар, біз осы аптада қандай тақырыптар
өттік? Көліктер жайлы не білесіңдер? Қандай көліктің түрлері бар екен?
Көліктердің қандай пайдасы бар? (бейне таспадан машиналардың гүрілдеген
дауыстары естіледі). Балалар бұл ненің дауысы?
Бұл машинаның дауысы бұл машинамен келген
кім екен бәріміз есік жаққа қарайықшы. Балалар, бізге қонаққа қонжық келіп
тұр.Ол бізден көмек сұрап келіпті. Кәне қонжықпен амандасайық. Тәрбиеші
қонжықтың дауысын салып сөйлейді: Балалар маған машинаның түрлері және олардың
пайдасы туралы айтып беріңдерші?
2.Негізгі
бөлім
Сурет бойынша әнгімелесу:
-Балалар бәріміз тақтаға қарап,суретте
қандай көлік түрлері бар екенін анықтайық.
1-сурет: -Машина, автобус,
жүк машинасы, туралы әңгімелесу.
-Балалар, суреттегі көліктердің аттарын
атайықшы?
-Оларды бір сөзбен қалай атауға болады?
Сергіту сәті
Орнымыздан тұрамыз,
Қанатымызды жаямыз
Ұшақ болып ұшамыз
Суда жүйткім жүреміз
Кемелерді түземіз,
Жол тәртібін сақтап,
Троллейбусқа мінеміз.
2-сурет: -Жеңіл машина және жүк
машиналары туралы әңгімелесу. Балалар мына екі машина туралы не айтуға болады?
Екеуінің қайсысы жүк машинасы? Екеуінің қандай айырмашылықтары бар? Жүк
машинасының дөңгелектері көп. Ол жүк тасиды. Мысалы: Құм,тас,ағаш сияқты
заттарды тасымалдайды. Ал, жеңіл машина кімдерді тасымалдайды? Иә, дұрыс
айтасыңдар. Жеңіл машинамен адамдарды тасымалдайды. Оның адамдар отыратын
салоны болады.
-Көліктердің пайдалы жағы: -адамдар баратын жерлеріне
осы көлікпен жетіп қалады.Ауыр жүктерін осы көліктермен тиеп апарады. Ауырған
жағдайда біз жедел жәрдем көлігін шақырамыз, өрт шыққан кезде өрт сөндіру
көлігін шақырамыз.
-Зиянды жағы: -көліктерден
шыққан түтін, улы газдар қоршаған ортаның ауасын ластайды, адамдардың
ағзасына яғни ден саулығына кері әсерін тигізеді. Кейбір жағдайларда жол
апатына ұшырап адамдар қаза табады, сондықтанда жолдан откенде абай болып
өткен жөн. Үлкен қалаларға барғанда бағдаршамға қарап өту керек.
-Тілдік жаттығуы
Ме-ме-ме – мынау кеме
ақ-ақ-ақ – ұшады ұшақ
ақ-ақ-ақ – менде бар тікұшақ
ық-ық-ық – жүзеді қайық
ік-ік-ік – бәрінің аты көлік
-Балалар, мен
сендерге жұмбақ жасырайын. Жауабын тауып көріңдерші.
Алысты жақын еткізеді,
Керек жерге жеткізеді.
Бұл не? Автобус
-балалар, біз
бүгінгі сабағымызда автобустың суретін саламыз. Ол үшін бірінші үлкен шаршыны
саламыз. Шаршының астына екі дөңгелек саламыз. Енді, автобустың терезелері мен
есігін саламыз.
Жарайсыңдар, балалар, сендер қонжыққа
көліктердің түрлері жайлы айтып бердіңдер. Суретін салып бердіңдер.
-Қонжық: рахмет, балалар. Сендер маған көп
көмектестіңдер. Сендердің көмектеріңмен мен көліктің түрлерімен, олардың адамға
пайдасымен таныстым. Сау болыңдар.
3.Қорытынды:
Балалар, бүгінгі сабағымызда біз кімге
көмектестік?
Сонымен, көліктер не үшін керек екен?
Көліктердің қандай түрлері болады екен?
Балалар, біз ненің суретін салдық?Автобус
қандай көлік түріне жатады?Салғансуреттерің ұнады ма?
Оставьте свой комментарий
Авторизуйтесь, чтобы задавать вопросы.