Күзгі орманға саяхат ойын сауығы бірінші сәбилер тобы

  Күзгі  орманға   саяхат. (Ойын-сауық)

                «Құлыншақ»  1- сәбилер   тобы.

Күз  ханшайымы  топқа  келеді.

-Сәлеметсіңдер ме, балалар. Мен  Күз ханшайымымын. Сендерді күзгі  орманға  саяхат жасауға   шақырамын.

- Барасыңдар  ма?

-Олай  болса  поездбен  барайық.  Бір-біріміздің  артымызға тұрайық.

Пыш –пыш,пыш-пыш

Гу –гу, гу-гу  біз  кеттік.

Күзгі  жапырақтармен  безендірілген  залға, балалар  әсем  әуен  ырғағымен  кіреді.

Күз  ханшайымы: Ой балалар қараңдаршы күзгі  орман қандай әдемі. Айналаның бәрі сап – сары. Жерге сары кілем  төселіпті. Күзгі орманның сұлулығын қараңдаршы неткен әдемі, неткен ғажап.

Балалар  қазір  күз  мезгілі,  далада  жаңбыр  жауып, жеміс-жидектер  піседі. Ағаштағы жапырақтар  сарғайып  жерге  түседі. Сондықтан   күз мезгілін «Алтын  күз» дейді.

«Кел,  балақан»   әннің  сөзіне  байланысты  қимылдар  жасаймыз.  (Балалар шеңберге  тұрып   жасайды.)

-«Бауырсақ»  ертегісі білесіңдер ме? Қазір біз  тыныш  отырып  осы  ертегіден  көрініс  көреміз.

-Ертегі  ұнады ма?

Тосын  сый:  қоян  келеді ,  балалар  қоян  секілді  секіреді.

-Сәлеметсіңдер  ме,  балалар. Мен  орманда  адасып қалдым. Енді  не  істеймін?

-Күз  ханшайымы: сен  уайымдама  одан  да бізбен  бірге  ойын  ойна.

«Көкөністер  мен  жемістерді  жинайық»  ойыны  ( балалар  себеттерге  көкөністер  мен  жемістерді  жинайды).

 Би  «Жайдарман» .

Қоян :  балалар, менімен  бірге  ойын  ойнағыларың  келе  ме?(Иә)

-Ойынның   аты  «Күн  мен  жаңбыр». Күн  дегенде  билеп,жаңбыр  дегенде  үйге  тығыламыз. (балалар  ойын  ойнайды).

Қоян: балалар,мен  сендермен  көңіл көтеріп ойнадым ,биледім  сендерге  рахмет. Маған қайту керек. Айтпақшы  менің сендерге  сыйлығым  бар, алма  береді.

Балалар  қоянмен  қоштасады.

-Күз  ханшайымы:  біздің де топқа  қайтатын  уақытымыз  болды. Күзгі  орманда сендерге  ұнады  ма?

Олай  болса поездға  отырып  топқа  қайтайық.

-Пыш- пыш,  пыш-пыш

Біз  кеттік.

                       КМҚК   «Дәншік»     балабақшасы

           «Құлыншақ»  бірінші  сәбилер  тобында  өткен

                 «Күзгі   орманға   саяхат»

                            ойын-сауығының  жоспары.

                                       Өткізген  тәрбиеші:  Кусаинова  С.Г.

                              2014-2015  оқу   жылы