Ұлыстың ұлы күні 2-сынып

Сабақтың тақырыбы:   Ұлыстың ұлы күні  Сыныбы:3

Сабақтың мақсаты: Наурыз мерекесін өткізе отырып, оқушылардың дүниетанымын кеңейтіп, халқымыздың ұлттық мәдениетін дамыта отырып, гуманистік қатынасын қалыптастыру.

Қойылатын міндеттер: Үйретілген әндердің тәрбиелік маңызын ашу.

 – Ән айту дағдысын қалыптастыру.

– Саналы түрде халқымыздың өткен мәдени өмірімен байланыстырып табиғат сұлулығына тамсандыра отырып, халық дәстүрін жалғастыру.

Сабақтың барысы: Құрметті ұстаздар, ата – аналар, оқушылар!

Дәстүрімізге айналған Ұлыстың ұлы күні – Наурыз мерекелеріңіз құтты болсын! Күлімдеген шуақты көктеммен бірге қазақ даласына жаңа жыл келді, әр адам келер жылдан үлкен үміт күтіп, оны ақ тілекпен, ақ ниетпен қарсы алады. Ұлы мерекелеріңізбен құттықтап: дендеріңізге табыс тілейміз. Ұлы мереке сіздерге тек бақыт сыйласын.

1- бастаушы. Тыңдаңыздар! Тыңдаңыздар!

Той дабылын қағып тұрған,

Мына біз бар!

2 – бастаушы: Естімеген естіңдер!

Тыңдамаған тыңдаңдар!

Наурыз тойы басталды.

Мұғалім  :  Шаттықтың бірге шалқып тасқынымен. Жолықсын қариялар жас күнімен.Үлгі алсын жас ұрпақтар, той бастайық. Ежелгі ата – баба дәстүрімен. Ақынның шарықтасын асқан әні. Көтеріп жұрт көңілін тастағалы. Ағайын жолыменен бұрынғының. Отырмыз осы тойды бастағалы.

1- бастаушы   Шапағатын аямай.

Бұл жақта аспан.

Жадырайды әр адам. 

Мұң шақпасын.

2 – бастаушы  Ой, ағайын келіңдер!

Бүгін бізде – Наурыз той.

Қызықтаңдар көріңдер!

Мұғалім.   Наурыз көнеден келе жатқан мейрам.  Наурыз сөзі парсы тілінің  Нау – жаңа, рыз – күн деген сөздерінен шыққан, жылдың бірінші күнін білдірген.  Ал, қазақ тілінде «Наурыз» сөзі біріншіден – жыл басында тойланатын думанды, халықтың мейрамы, екіншіден – Наурыз айы, үшіншіден – ұлыс күні жасалатын көжеге қатысты айтылады.  Бұл күн – аспан денелері өздерінің ең бастапқы нүктелеріне келіп, күн мен түн теңеліп, жан – жануарлар төлдеп, адамдардың аузы аққа тиетін, жер үстіне шаттық орнаған күн.  Қазақ елі осы күнді «Ұлыстың ұлы күні – ұлыс күні» деп атаған.

Мұғалім.   Жаңа жыл келсе, құт келгені, халайық!

Есік ашып, шашу шашып,

Ел боп қарсы алайық (Жаңа жыл кіреді, шашу шашылады)

2 – бастаушы   Қош келдің ит жылы. Біз сені көптен күттік. Келгеніңе өте қуаныштымыз. Кел, қонағымыз бол төрлет.

Ит жылының сөзі: Армысыздар, құрметті ұстаздар, ата – аналар, оқушылар және мерекенің қонақтары! Мен сіздерді бүгінгі қуанышты күндеріңізбен құттықтаймыз. Сіздерге зор денсаулық, ұзақ өмір, еңбекте жеміс, оқуда озат болуды тілеймін!

Ата – ана:          Үйді тазарту, яғни аластау рәсімін көрсетеді.              Ән.  «Наурыз – думан», ортаға жас әншілер шығады.                           Би.   «Қуыршақ».

Мұғалім. Уа, жараңдар, жараңдар,

Бәрің бері қараңдар,

Сіздер үшін жасалған

Тоқсан түрлі тағам бар!

Қымызбенен шұбат бар.

Қымызда дәрі, қуат бар,

Қымыран мен саумал бар,

Сусындауға келіңдер!  

Міне, балалар, көрдіңдер ме, мұнда небір түрлі тағамның аттарын естіп жатырмыз. Қазақтың киелі астарының бірі – ет, наурыз көже, қазы – қарта, сүт, ірімшік, май, қатық, құрт, жент екен. Бұл тағамдардың өздеріне тән ерекшеліктерімен қатар, тіл үйірер дәмі де бар. Бізде Наурыз мерекесі – не арналып, наурыз көже дайындалған. Оған 7 түрлі тағамның түрін салады. Ет, қатық, арпа, тұз, су, қамыр, сүт жатады. Наурыз көже ішкен адам жақсылыққа кенеліп, бәле – жаладан алыс жүреді екен.

Ән.  «Қазақтың дастарханы»

Мұғалім. Халықтың салттары да өте көп. Бала шыр етіп дүниеге келген тойлар тойланып, салттар сақталады. Ол салттарға бала дүниеге келген де: азан шақырып ат қою, баланы бесікке бөлегенде бесік тұсау кесері, одан әрі жүрер шағында тұсау кесер тойы, мектепке алғаш қадам аттағанда жасалатын тіл ашар той т.б көптеген салттар бар соған орай қазір сендерге бесікке салу және тұсау кесу салтын көрсетеміз.

Ән.  «Шілдехана – бесік той»

Мұғалім. Уа, жаратқан жарылқа

Бақ дәулетін алмас қыл

Ала ауызды алмас қыл

Ниеттерің ақ болсын

Бейнеттерің пәк болсын

Мұраттарың асыл қыл!

Жүрген жерін жасыл қыл!

Ата – аналар ішінен бата – тілек күтеміз. (ата –ана сөз айтады)

Қызыр баба:Күнің шуақты болсын

Көлің суатты болсын

Қонысың өрісті болсын

Еккенің жемісті болсын

Өмірің өрлей берсін

Өнерің төрлей берсін

Ұлы бақты болсын!

Мұғалім.  Ата – аналар, сіздерге де көп рахмет. Осы ашық тәрбие сағатымызға сіздердің көптеген еңбектеріңіз бар деп айтсақ, артық кетпесін. Ендігі орындалатын ән өздеріңізге арналады.

Ән .  «Анашым»

Қорыту