8 март- әсәйҙәр байрамына арналған сценарий

                     Изгеләрҙән- изге, гүзәлдәрҙән –  гүзәл....

Хәйерле  көн, хөрмәтле  ҡунаҡтар, уҡыусылар, әсәйҙәр  һәм дә  өләсәйҙәр.  8- се  март  байрамына  бағышланған кисәне  асырға  рөхсәт  итегеҙ.

                                «Әссәләмәғәләйкүм»  йыр.

                         Һәр  йыл  һайын  килә  был  байрам,

                          Һәр  көн  сыҡҡан  ҡояш  шикелле.

                          Йылдар  һайын  данлай  был  байрам,

                          Гүзәл  кеше  -  әсә  кешене.

   Ҡәҙерле  әсәйҙәр, апайҙар, өләсәйҙәр,әхирәттәр, ҡыҙҙар.Һеҙҙе Халыҡ- ара ҡатын- ҡыҙҙар  көнө  һигеҙенсе  март  байрамы  менән  бөтә  йөрәктән  тәбрик  итәбеҙ.  Һеҙгә  ныҡлы  һаулыҡ, ғаилә  бәхете, эшегеҙҙә  һәм  уҡыуығыҙҙа  ҙур  уңыштар  теләйбеҙ.

                           Ҡотлайбыҙ  һеҙҙе, әсәләр,

                           Көләс  йөҙлө  инәйҙәр,

                           Эшкә  уңған  апайҙар,

                           8-се  Март  менән.

1-се  бала. Донъяла  иң  яҡын  кеше  -ӘСӘ. Беҙҙе  ҡәҙерләп  үҫтергән, иң  беренсе  бишек  йыры  йырлаған, изгелеккә  өйрәткән  дә  әсәй.

             Әсәй... Әсәкәйем...Йөрәк  түренән  сыҡҡан  ошо  изге  һүҙҙәрҙе  ишетеү  менән  күңелгә  рәүәт  булып  китә. Күҙ  алдына  тәмле  ҡоймаҡтар, йомшаҡ, йылы  ҡулдар, бөхтә  йыйыштырылған, яҡты  өй, таҙа  кейемдәр  килеп  баҫа.

2-се  бала. Әсәй.  Донъялағы  иң  изге, иң  күркәм  һәм  яғымлы  кеше.Зәңгәр  күктә  балҡыған  ҡояш  кеүек  кешелеккә  нур  сәсеүсе  һәм  йәм  биреүсе  -  әсә  лә  берәү  генә.  Ер йөҙөндәге  бөтә  тереклек  үҙенең  әсәһен  ярата, уның  менән  һоҡлана, ғорурлана.  Ә  донъялағы  иң  йомшаҡ, иң  уңған  ҡулдар  тик  әсәләр  ҙә  генә.

3-сө  бала. Әсә- бөйөк  исем. Йән  биреүсе, йәм  бөркөүсе,ғәзиз  күҙ  нурҙары-  балаларының  шатлығын  да, ҡайғыһын  да  берҙәй  кисереүсе, көн-төн  уларҙың  яҙмышы  өсөн  борсолоусы, ғүмер  юлдарында  тик  изгелек  кенә, яҡшылыҡ  ҡына  теләүсе  гүзәлдәрҙән-гүзәл  әсәйҙәребеҙ.

****************************************************

  Донъяға  килтергән,

 Бәхет  теләгән, именлек  юраған,

 Берҙән-берем  Әсәйем.

  Төрлө  ауыр  саҡтарҙа,

 Беҙ  киләбеҙ  әсәйгә.

 Ҡайғыны  ла, шатлыҡты  ла

 Беҙ  һөйләйбеҙ әсәйгә.

Бер  ҡасан  да  әрләмәҫ,

 Ауыр  һүҙ  ҙә  әйтмәҫ  ул.

 Йоҡлар  алдынан  үбеп,

 Тыныс  йоҡо  теләр ул.

 Иртән  иртүк  тороп  ул,

 Өҫтәлен  дә  әҙерләр.

 Көндәрең  һәйбәт  үтһен  тип,

 Бар  теләктәрен  теләр.

*****************************************************

Әсәйемде  бик  яратам,

 Һағынып  шиғыр  яҙам.

 Бөтә  эштәрҙе  лә  эшләйем,

 Уға  булыр  тип  ярҙам.

 Һауыт- һабалар  йыуылған,

 Самауырым  ҡайнаған,

 Әсәйемә  сәй  эсерәм,

 Йәлләмәйем  ҡаймағын.

 Иҙәндәрҙе  йыуып  алам,

 Тәртиптә  тотам  өйҙө.

 Ҡошсоғом, тип  әсәкәйем

 Минең  арҡамдан  һөйҙө.

*****************************************************

 Йыраҡ  араларҙы  яҡынайта

 Татлы  уйҙар, хыялдар,

 Һин ҡабыҙған  утты  төштә  күреп,

 Төштә күреп  килеп  уянам.

 Өйгә  ҡайтһам, арып, оҙон  юлдан,

 Ҡулдарыңа  ятып  хәл  йыям.

 Рәхәт  булып  ҡала  күңелгә  лә,

 Ҡуйыныңа  һәр  саҡ  мин  һыям.

 Теләйем  һиңә, әсәй, оҙон  ғүмер,

 Яҡты  теләктәрҙе  аҡланың

 Өшөтмәнең,

Йылы  ҡанаттарың  менән

 Мине  серҙәй  итеп  һаҡланың.

******************************************************

 Әсәйем  бигерәк  уңған,

 Керҙе  үтекләп  ҡуйған.

 Әсәйемә  булышам,

 Иҙәндәрҙе  йыуышам.

 Әсәйҙең  ҡулы  алтын,

 Тәмле  аштар  бешерә.

Дәрестән  мин  ҡайтыуға,

 Бәлештәрен  төшөрә.

 Наҙлап  уята  иртән,

 Дәрестәргә  оҙата.

 Ҙур  ҡыҙ  булырһың  тиеп,

 Әсәй  мине  ярата.

 Ҡәҙерлем  һин, әсәй, берҙән-берем

 Күңелемдең  һүнмәҫ  ҡояшы.

   Ауыр  саҡта  ярҙам  ҡулы  һуҙыр,

  Ғүмеремдең  тоғро  юлдашы.

 Сабыр  ҡараштарың  йылылығы

 Яғымлыраҡ  бөтә  яҙҙарҙан.

  Йомшаҡ ҡулдарыңда, әйтерһең  дә,

 Яҙ  килтерер  күпме  наҙҙар  бар.

 Рәхмәт  әйтәм  һиңә  бары  өсөн,

 Күңелемдең  һүнмәҫ  нуры  һин.

 Әсәкәйем, бүләк  итәм  һиңә,

 Йөрәгемдең   бөтмәҫ  йылыһын.

 Ҡатын –ҡыҙ -  мәңге  асылып  бөтмәҫ  сер, мөғжизәле  зат. Ә  асылы  һис  тә  баһалап  булмаҫлыҡ, фәнни  юҫыҡта  ла  аңлап – төшөндөрөп  бирә  алмаҫлыҡ  йәһәттәргә  эйә. Ул-  һиҙгерлек, зирәклек, аҡыл...

Быуындарҙы- быуындарға ялғаған, кешелек  донъяһына  тере  һулыш  өргән  изге  бурысы   илаһи, камил  зат  итә  ҡатын- ҡыҙҙы.

  Иманлы, серле, хикмәтле  һүҙҙәр  ҙә  уның  теле  менән  әйтелә.

                   *** Йыр.   Әсәйем,  ҡәҙерлем.***

                               1  класс  шигыр  һөйләй.

Яҙҙың  тәүге  байрамы

Һеҙгә  бүләк  әсәләр.

 Сөнки  тормоштоң  йәме

 Байлығы  һеҙ,  әсәләр.

Әсә  тигән  оло  һүҙҙе

Тәү  башлап  әйтә  бала.

  Әсәләрҙәй изге  йәндәр

 Юҡтыр  ул  был  донъяла.

Гәзиздәрҙән- гәзиз  әсәйем

Серҙәремде  һиңә  сисәйем,

 Һаҡланаһың  һин ғүмергә

Күңелемдең  алтын  түрендә.

Айҙан,  ҡояштан  ҡәҙерле,

 Әсәм  миңә  һин  генә.

 Иң  нәфис  һәм  татлы  һүҙле

 Әсәй,  миңә  һин  генә.

                     “  Әсәйем  доғалары.»  йыр.

        Әсәй  -  донъяла  иң  яҡын, иң  ҡәҙерле  кеше  ул!

-          Бала  саҡта  төн  йоҡоларын ҡалдырып,   кем  ҡараған?

-          Әсәй!

-         Илағанда, ҡосағына  алып, кем  йыуатҡан?

-          Әсәй!

-         Ергә  баҫып  беренсе  тапҡыр  атлап киткәндә  кем  етәкләгән?

-          Әсәй!

-          Беренсе  тапҡыр  һине  мәктәпкә  кем  алып   килгән?

-          Әсәй!

Миңә  башлап  матурым  тип,

Йом, ҡәҙерлем, күҙҙәрең  тип,

 Бишек  йырын  көйләгән.

 Төндәр  буйы  матур-матур

 Әкиәттәр  һөйләгән-

 Әсәйем.

  Күгәрсенкәйем  минең  тип,

 Ебәк  кеүек  сәстәрең  тип,

 Орсоҡ  хәтле  сағымда  ла

 Ҙур  ҡыҙым  һин,  тип  һөйөүсе,

 Күлдәгемде  сигеп  тегеүсе-

 Әсәйем....

Сәстәремә  таҫма  бәйләп,

 Сәскәләрҙән  йыйып бәйләм

 Мәктәпкә  оҙатыусы,

 Аҡ  таҫмалай  саф  булырға

 Теләк  теләп  уятыусы  -

 Әсәйем.....