Математика пәнінен 2 қосу кестесі

Сабақтың тақырыбы: екі санын қосу кестесі.

Сабақтың мақсаты: кестелік жағдайларда 2 санын қосу және азайту тәсілдерін таныстыру.

 • 2 санын қосу және азайтуды үйрету, санды қосу және азайтуда амалды таңдай алу білігін жетілдіру;

• Ауызша есептеу дағдыларын, есте сақтау, логикалық ойлау қабілеттерін, сөздік қорын, қиялын дамыту;

• Математика пәніне қызығушылыққа, елжандылыққа, адамгершілікке тәрбиелеу.

Сабақтың түрі: саяхат сабақ.

Сабақтың әдіс-тәсілдері: түсіндіру, сұрақ-жауап, ойын, көрнекілік.

Көрнекіліктері: сандар, слайд, плакаттар, суреттер.

                                                           Сабақ барысы:

І. Ұйымдастыру кезеңі.

Сабақтың ұраны айтылады.

«Математика – үлкен патшалық,

Сандықты ашып, сырын ұқ!»

Сабақтың мақсаты мен міндеттерін таныстыру.

ІІ. Психологиялық дайындық.

- Балалар, бүгін бізде ерекше күн. Бізге бүгін қонақтар келді. Бәріміз амандасып, өзіміздің ақжарқын күлкімізді сыйлайық. Енді Сіздерді қонақтармен бірге «Ертегілер еліне» саяхатқа шақырамын. Сіздер ертегілерді жақсы көресіздер гой. Ал, ендеше саяхатты бастайық!

ІІІ. Өткенді қайталау. - Бірақ, балалар, «Ертегілер елінің» қақпасы жабық екен. Оны ашу үшін сиқыр керек.

 Бәріміз бірге шатаспай 1-ден 10-ға дейін санайық. (Ашылмайды).

- Кері санап көрейік. (Ашылмайды).

- 1санды аттап санайық. (Ашылмайды).

- Енді не істеуге болады екен? Кәнеки, бәріміз 3 рет шапалақтайық. (Ашылмайды).

 - Менің ойымша, бұл қақпаның құпия сандарын білу керек шығар. Сіздер қалай ойлайсыздар?

Тауып көреміз бе?

«Ертегілер қақпасын ашу» топтық жұмыс.

 І-топ :5+0 ; 3+4

ІІ-топ: 8-2; 4+5

ІІІ-топ: 6+4; 9-8

Құпия сандар: 5, 7, 6, 9, 10, 1.

Әр санға түсінік беру: 5 – заттың 5-еу екенін білдіреді. 5 санының көршілері: 4 пен 6 сандары т.с.с.

 - Енді барлығың тыныш отырыңыздар!

Қақпа ашылады.

Қызығушылықты ояту.

Слайд көрсетіледі. «Қасқыр мен қозы» ертегісінің суреті көрсетіліп тұрады. Балалар, не байқап тұрсыздар? Қасқыр қозыны жеп қоймақшы ма? Біз де ертегілер елінде жүргендіктен сиқыр жасап, қозыны құтқарайық. Мына өрнектердің мәнін дұрыс тапсақ қана қозыны құтқара аламыз.

ІV. Жаңа сабақ.

Мағынаны тану. «Домино» ойыны  топтық жұмыс берілген сандарға 2 – ні қосу және өзара кері амалдарды орындау. 2+2=4 4-2=2 т.с.с.

 - Сандарға нешені қостық?

 - Сандарға екіні қосқанда артады екен, ал 2 – ні азайтсақ кемиді.

 - Қосу амалына кері амал қандай амал?

 - Азайту амалы.

 - Балалар, экранға назар аударыңыздар, қозыны аман алып қалдық.

Біз де қошақанмен бірге қуанайық.

V. Сергіту сәті.

VІ. «Түлкіге көмектесу».  Екіні қосу кестесін толтыру

 - Мына суретте нелерді көріп тұрсыздар?

 - Арыстан – қандай аң?

 - Түлкі қандай?

 - Түлкі қанша қумын, айлакермін дегенімен бүгін бір жамандыққа тап болған сияқты. Біз жамандыққа жаны қас мейірімді балалармыз ғой. Түлкіні арыстанның тырнағынан құтқарайық. Екі санын қосу кестесін толтырайық.

- Рахмет балалар, сіздерге түлкі риза болып, құйрығын бұлғаңдатып кетіп барады.

- Балалар, өздеріңіз байқап отырғандарыңыздай ертегілерде аңдар, жануарлар ғана емес, Айлакер бала, Тазша бала да кездеседі. Айлакер бала ормандағы Диюға кездесіп қалыпты. Мына есепті шығармасаң, қараңғы зыңданға тастаймын деп сес көрсетіп тұр. Біз де оқулықтағы 3- есепті шығарып, тезірек Айлакер балаға көмектесейік.

VІІ. Тақтамен жұмыс.

4-есеп. Азайтқыш 2 болатын айырмаларды жаз. Олардың мәндерін тап.

VІІІ.: Дәптермен жұмыс.

Қаламсап қолға аламыз,

Дәптерді қиғаш қоямыз.

Денемізді тік ұстап,

Әдемі етіп жазамыз.

 - Бәрекелді балалар, Айлакер баланы құтқардыңыздар. «Ертегілер елінде» жай саяхаттамай қаншама жақсы істер істеп жатырсыздар. Айлакер бала да барлық жұртқа елімізде сиқыршы балалар жүр екен деп мақтап айтып жатыр.

Енді шаршағанымызды басып, дем алсақ қайтеді.

ІХ. Сергіту сәті.

Х. Тазша баланың тапрсырмалары.

 - Біздің «Ертегілер елінде» жүргенімізді Тазша бала естіп қалыпты. Бұлар менен де тапқыр қандай балалар, тексеріп көрейінші деп, тапсырма ала келіпті. Орындаймыз ба, тапсырманы?

Әр суретте неше үшбұрыш бейнеленген?

Тапсырмаларды дұрыс орындағанымызға Тазша бала риза болды. Қандай тапқыр балалар деп тамсана айтып жүретін болды.

ХІ. Бекіту.

- Балалар, біз қандай жақсы істер істедік?

1. Сандарға 2 – ні қосып, азайтуды үйреніп, қозыны құтқардық. («Қасқыр мен қозы»)

2. Салыстырдық. Түлкіге көмектестік. («Арыстан мен түлкі»)

3. Айлакер балаға есеп шығарып бердік. («Айлакер бала»)

4. Тапсырмаларды орындап Тазша баланы риза қылдық. («Тазша бала») «Ертегілер елінен» қайтатын да уақыт болды. Біз қай елде тұрамыз? (Қазақстан)

- Қазақстан қандай ел?

- Тәуелсіз Қазақстанға – 24 жыл.

ХІІ. Қорытынды.

                          Алдаберген Бисенов атындағы №38 орта мектеп

  Ашық сабақ

Тақырыбы:  Екіні қосу кестесі

Пәні: математика

Сыныбы: 1 «Б»

Орындаған: Байкенова Жанат