Мектепішілік "Жас маман 2017" сайысы

«Жас маман сайысы»

 I тур    « Ұстазы жақсының ұстамы жақсы» ашық сабақтар мен тәрбие   

               сағаттары.

II тур  « Мен мұғалім» таныстыру.            Уақыты - 3 мин.

III  тур   «Мен мұғалім ретінде: кешегі, бүгінгі күнгі және болашақтағы 

                ұстанымдарым» атты мини зерттеу жұмысы. 

               ( шығармашылық жұмысы)           Уақыты – 5 мин.

IV тур  «Білгенге маржан»(сұраққа жауап, жағдаяттар шешу) Уақыты – 3 мин

V тур     Қол моторикасына арналған шығармашылық жұмыстар.

              Уақыты – 5 мин

VI тур   «Өнерліге өріс кең»  өнер сайысы

«Үздік жас маман - 2017» сайысы

Жүргізуші: - Қайырлы күн, әріптестер, ұстаздар және жас мамандар!

 «Үздік жас  мамандар - 2017» сайысына қош келдіңіздер!

Байқаудың мақсаты:

Жас ұстаздардың біліктілігін, өз кәсібінің жан-жақты шебері екендігін сынау арқылы, оларды іскерлікке, мәдениеттілікке, өз кәсібіне үлкен жауапкершілікпен қарауға бар күш- жігерін жұмсауға баулу.

Міндеттері:

1.   Мектептің жас мұғалімдерінің шығармашылықтарын, жұмыс   істеу  қабілеттерін анықтау;

2.   Жас мамандардың   кәсіби  мәртебесін  көтеру және қолдау;

3.  Оқушылардың жоғары сапалы білім алуын қамтамасыз ету мақсатында оқыту мен тәрбиелеу әдістері  мен нәтиже беретін педагогикалық технололгияларды көрсету;

4.  Жаңа  педагогикалық тәжірибені тарату  және насихаттау.

Жүрг:

Әр сөзі мейіріммен басталатын,

Қатайтқан шәкіртінің жас қанатын,

Білімнің нәрін сепкен ұстаздардың,

Қалайша атамасқа асқақ атын!

---Ұстаз, ұстаз!!!                                                            
Осы сөзде жатыр қанша ұлылық,
Осы сөзде таусылмайтын жылылық.
Әль Фараби, Ыбырай мен, Ақаңды
Осы сөз ғой қойған бізге ұлығып.

--Қайырлы күн! Қош келдіңіздер, қымбатты ұстаздар!

--Бүгін біздің мектебімізде тамаша кеш өткелі отыр. Бұл кеште бала жүрегіне жол таба білген, білім нәрімен сусындатып қана қоймай, бала бойына тәлім-тәрбиенің асыл қазынасын құя білетін, жас та болса ұстаз деген атқа лайық жас ұстаздарымыз сайысқа түскелі отыр. Құрмет пен қошемет көрсетіп, сайыскерлерімізді ортаға шақырайық.

---Әр сөзі мейіріммен басталатын,

Қатайтқан шәкіртінің жас қанатын,

Білімнің нәрін сепкен ұстаздардың,

Қалайша атамасқа асқақ   атын!

1.Рахметова Әсел Елеусінқызы -бастауыш сынып мұғалімі

Ұстанымы: «Білім кілті ізденісте»

Тәлімгері: Бегесинова Нұргүл Табарқызы

2.Исатаева Мариям Урынбасарқызы-ағылшын тілінің мұғалімі

 Ұстанымы: «Білсе білім – күнде бақыт кісіге,

             Үлкен атақ содан келер кішіге»

Тәлімгері: Губайдулиина Гаухар

3.Нұрмаш Әсел –технология пәнінің мұғалімі

  Ұстанымы: «Еңбек етсең ерінбей, тояды қарның тіленбей»

Тәлімгері: Сахипов Болатбек Қияқбайұлы

4.Махуова Айдана Өмірзаққызы-логопед

Ұстанымы: «Өзіңе сен, өзіңді алып шығар, Еңбегіңмен ақылың екі жақтап»

Тәлімгері: Кенжеғали Райгүл Ғинаятқызы

5.Шарафеденова Орынгүл Какимовна-математика пәнінің мұғалімі

Ұстанымы: «Тиыннан теңге құра білгеннің есебі түгел деп пайымдайды»

6.Иманалиева Марта Абылайқызы-төменгі топ тәрбиешісі

Ұстанымы: «Өнерлі ойға ие, өнегелі тұлға қалыптастыру»

Тәлімгері: Аманова Зульфия Серікбайқызы

7.Кабдушева Айнур Аслановна- жоғары топ тәрбиешісі

Ұстанымы: «Өзге тілдің бәрін біл, өз тіліңді құрметте»

Тәлімгері: Ахмолдаева Алмагүл Нағимқызы

8.Уразғалиева Гүлнәр Қуанышқызы-төменгі топ тәрбиешісі

Ұстанымы: «Тәрбиесіз берілген білім – адамзаттың қас жауы» (Әл –

Фараби)

Тәлімгері: Құсайынова Айгерім Уапқызы

 (сайыстың шығу ретін жеребе бойынша анықтап алайық.)

Әр тур сайын қатысушылар жеребе арқылы шығып отырады.

Жүрг: 

Әділдікпен баға берер ұстазға,
Әділдікпен қара қылды жаруға,
Әділқазы алқаларын сайлайық.

 Үздіктерді таңдап бүгін алуға

-бүгінгі сайыста төрелік ететін қазылар алқасымен таныс болыңыздар.

Әділ қазылар алқасының төрағасы:

1.     Ғали Ақсерік Құлжанұлы -мектеп директоры

2.     Хасанова Светлана Сайханқызы Оқу ісінің меңгерушісі

3.     Жаманғараева Сара Мәдениетқызы- тәрбие ісінің меңгерушісі

4.     Бегесинова Нұргүл Табараковна кәсіподақ ұйымының төрайымы

5.     Кенжеғали Райгүл Ғинаятқызы-жоғары санатты логопед

Жүрг: Құрметті қазылар алқасы жұмыстарыңызға сәттілік тілейміз!

--Осындай тапқыр сәт кез- келгенде,

Жетсін-ау, жарыстарда жеңгенге не?

Қарсылас болғанменен,  әріптестер.

Тілейміз ізгі тілек сендерге де

     Енді бүгінгі сайысты бағалау туралы мәлімет бере кетсек, қазылар алқасы мүшелері барлық кезеңін бағалау парағында толтырады. Жеңімпаздарда анықтау сайыстың соңында қазылар алқасының шешімімен анықталады.

Жүргізуші:

Олай болса, сайысымыздың  кезеңдерімен таныс болыңыздар.

I тур “ Өзін-өзі  таныстыру.                            2-3 минут

ІІ тур  Пән бойынша сабақтан үзінді.           10-15 минут

III тур Шығармашылық зерттеу жұмысым.    5 минут

IV тур «Білгенге маржан» (жағдаяттар шешу)    1минут

V тур  Қол моторикасына арналған шығармашылық жұмыстар.

VI тур «Өнерліге өріс кең» өнер сайысы

Барлық сайыстарға 5 ұпай баға беріледі.

Жүргізуші: Арыстандай айбатты,
Жолбарыстай қайратты,
Қырандай күшті қанатты,
Мен жастарға сенемін –   деп , жетпеген жеңісіне, орындай алмаған арманына артында қалған жастардың жететініне нық сенім білдіріп кеткен. Ақын-жазушы Мағжан Жұмабаев айтып кеткен.Сол сенімді сөзбен емес, іспен көрсететін жастарымыз.

Нұрлы үмітін арқалаған болашақ,

Нұр сәулесін тарататын дос құшақ,

Жас мамандар сайысатын кез келді,

Танытатын бар болмысын барын сап.

І.Таныстыру уақыты: 3 минут

Ескеріледі: -   Мазмұны

-         Көрерменге әсер етуі

-         Орындау шеберлігі

-         Эмоцоналдығы

Ортаға кезекпен жас мамандарды шақырамыз.

 1.Рахметова Әсел Елеусінқызы -бастауыш сынып мұғалімі

2.Исатаева Мариям Урынбасарқызы-ағылшын тілінің мұғалімі

3.Нұрмаш Әсел –технология пәнінің мұғалімі

4.Махуова Айдана Өмірзаққызы-логопед

5.Шарафеденова Орынгүл Какимовна-математика пәнінің мұғалімі

6.Иманалиева Марта Абылайқызы-төменгі топ тәрбиешісі

7.Кабдушева Айнур Аслановна- жоғары топ тәрбиешісі

8.Уразғалиева Гүлнәр Қуанышқызы-төменгі топ тәрбиешісі

Жүргізуші:

---Таныс болдық мамандардың тегіменен,

Туып өскен мекені жеріменен,

Таныстыру бөлімінің бағалары әзір болғанша келесі сайысқа кезек береміз.

Жүрг:--- Мұғалім!  Бұл адамның ардақты аты.

   Білімдік бар биікке шығар саты.

   Ең алғаш басталады осы адамнан,

   Сүйеді сондықтан да жақын, жаты…

   Бар ғалым, барлық қоғам құрметтейді,

   Нұр сепкен шәкіртіне  мұғалімді.

         Келесі кезекте ІІ-тур:  Пән бойынша сабақтан үзінді.   Уақыты –1 5 минут

Жүргізуші:-

Ескеріледі:

1)    Тақырыптың өзектілігі;

2)    Сабақтың құрылымының сақталуы;

3)Жаңа технологияны пайдалануы; әдіс-тәсілдердің бір-бірімен байланысы.

4)Жаңа сабақтың өткен сабақпен байланысы;

       5.)Ұстаздың шеберлігі, өзін-өзі ұстауы;

       6.)Оқушылардың белсенділігі.

       7.)Оқушылардың бағалануы.

        8.)Үй тапсырмасының көлемі

Ортаға сайыскерлеріміз реттік номерлері бойынша шақырылады

Жүргізуші:-

Пікірлесіп көрейікші біз ашық,
Даурықпайық, берекесіз шуласып.
Жүгінейік ақиқатқа әрқашан,
Дос көңілмен ақтарыла сырласып.

Бәрімізді бей - жай қылған тақырып,
Сырласайық ой - теңізін сапырып.
Батыл болсын, анық болсын пікірлер.
Сөз маржаны жатсын тыңнан атылып

Келесі кезекте ІІІ тур: Шығармашылық зерттеу жұмысым.

                            Уақыты – 5 минут

- Зерттеу өзектілігі мен теориялық тұжырымдамасының маңыздылығы

-         Мақсаты мен міндеттері

-         Жүзеге асырылуының дұрыс сипатта болуы

-         Дәлелдемелері

-         Зерттеу  әдістерін таңдау шеберлігі

-         Жетістіктері

Ортаға кезекпен сайыскерлерімізді  шақырамыз.

Жүргізуші:

Ал, мамандар сайысқа қалайсыңдар,

Сендер өтер әлі де талай сын бар,

Білімді бір тексеріп көрейік біз,

Жауап қатсаң сұраққа жарайсыңдар.

Жүргізуші:--

Келесі кезекте IV тур «Білгенге маржан» (жағдаяттар шешу)    1минут

Ескеріледі: - Жағдайды шешу шеберлігі

-         Педагогикалық  - психологиялық сауаттылығы

-         Түсінікті баяндауы

-         Жедел әрі нақты жауап беруі

-         Өзіне, жауабына сенімділігі

Жүргізуші:

  Білім мен өнер қуып жас мамандар өтер дейміз,

  Бір басына жеті өнер жетер дейміз – дегендей, сайыскерлеріміз барлық жағынан да қолдарынан іс келетін, кез – келген нәрсені пайдалы затқа айналдыра алатын болулары сынға түседі.

Жүргізуші:

Келесі кезекте V тур  Қол моторикасына арналған шығармашылық жұмыстар.                  Уақыты – 5 минут.

Жүргізуші:

О, заманда ашқан қазақ өнер сырын,

Шақырған сайыстарға бірін – бірі.

Қарайық тамашалап жиылған жұрт,

Көрсетсін сайыскерлер өнерлерін.

Келесі кезекте өнер сайысы.

Ескеріледі: - Орындау шеберлігі

-         Образдылығы

-         Шынайылығы

-         Көрерменді баурап алуы.

Ортаға кезекпен сайыскерлерімізді шақырамыз.

Жүргізуші:

Рахмет! Өнерлерің үстем болсын!

Жас көңілдер жайнасын,

Шешен тілдер сайрасын.

Айтып жібер бір әнді,

Әншілерім қайдасың?

Жүргізуші:

Әділ қазылар төрелігін айтқанша, ортаға ------------  шақырамыз.

ӘН:  ...........................................................................................

 Ән:....................................................................................................

Бүгінгі «Үздік жас маман-2017» байқауы өз мәресіне жетті.  Сайыс қорытындысын жариялап, жеңімпаздарға сыйлықтарды табыстау үшін қазылар алқасының құрамын ортаға шақырамыз.

МАРАПАТТАУ

Жүргізуші:

Тәуелсіздік таңы сендер, білемін,

Болашаққа бар білімін берерін.

Барыс текті жастар ғана келешек,

Жалындатып биік шыңда жүретін.

жүргізуші:

Еңбек етсем, ертеңгі- бақытыма сенемін,

Мақcатыма жеткізер- уақытыма сенемін,

Достық іспен қасты да- жеңеріме сенемін,

Ақыл, сана білім мен өнеріме сенемін.

Арым- таза, ақ көңіл- адалдыққа сенемін,

Абыройлы, ақ ниет- адамдыққа сенемін!

 Назар салып тамашалап, зейін қойып тыңдағандарыңыз үшін көп рахмет.

 Ал қадірменді сайыскерлер сіздерге шыңдардың биігінен көріне беріңіздер дегім келеді. Алар асуларыңыз, жетер белестеріңіз әлі де алда шығармашылық табыс тілейміз.

 Сайысқа түскендеріңіз үшін алғыс айтамыз сіздерге.