Тақырыбы: Наурыз - жыл
басы!
Түрі: Әжелер сайысы
(Роза Рымбаеваның «Наурыз- думан» әні
жүріп тұрады).
Залда мерекеге сай безендірілген киіз үй
орнатылған. Мерекеге дайындық жүріп жатқан ауыл көрнісі.
Мақсаты: ұлттық мәдениетке
қызығушылықты арттыру, халықтың салт-дәстүрін құрметтеуге, қазақ халқының
әдет-ғұрпын өсіп келе жатқан ұрпақ санасына сіңіру, ұлттық өнерге баулу.
Жүргізуші: Армысыздар,
халайық.
Бармысыздар халайық.
Наурыз тойын жұп
жазбай,
Жылда бірге қарсы
алайық!
Наурыз – жыл басы болып саналады.
Ата-бабаларымыздың салтымен ұлттық мерекені той-думанмен, ойын-күлкі,
қуанышпен өткізеді. Кез-келген игі істе, жақсылыққа аналар мен әжелер
құрт,кәмпит, күміс тиіннан шашу шашады. «Той тойға ұлассын» деген ниетпен,
бүгінгі мерекеде әжелердің өнерін тамашалайық. Сіздерді Наурыз – жыл басы
мерекесімен құттықтаймын!
(Сырттан дауыстар естіледі. Әжелер жиналып
абыр - сабыр болып, құшақтасып, көрісіп, шашу шашып залға енеді
Жүргізуші: Жаңғырар дәстүр
салтымыз,
Көзделсін бұлақ
жалғасы.
Қастерлі менің
халқымның,
Мереке Наурыз – жыл
басы.
Бүгін біздің ортамызда ақ жаулықты
әжелеріміз біздерге қазақ халқының салт-дәстүрін ала келіпті. Олай болса,
әжелер сайысын бастайық.Сайысымызды бастамас бұрын сайыстың әділ өтуін
қадағалау үшін әділқазылар алқасын сайлап алайық. Олар:
1. Балабақша
меңгерушісі С.Тулегенова
2. Кітапхана
меңгерушісі Н. Куталиева
3. МАД
тобының тәрбиешісі М. Габдрашиева
Сайыс бөлімдерімен
таныс болыңыздар.
1. «Мен -
анамын, ұрпағын әлдилеген» - таныстыру сайысы
2. «Сегіз
қырлы, бір сырлы» - шұлық жамау, ұршық иіру,
ою қию сайысы
3. «Өнерлінің
өрісі кең» - өнер сайысы
4. «Қазақы
дастархан» дәм-думан сайысы
5. «Жақсы
сөз, жарым ырыс» бата беру
сайысы
6. «Қазақтың
салт-дәстүрі»- қол өнер сайысы
Жүргізуші: Наурыз
тойы бітпейді,
Келер
жылы тағы да күт дейді.
Алтынмен аптап
көңілді,
Күміспенен күптейді
– таныстыру бөлімі
Жүргізуші: Ал, әжелер
тұрайық,
Ою-өрнек сызайық.
«Түйетабан», «Ботакөз»,
«Қой ізі» мен «Қос
мүйіз»,
Ою өрнек әлемі, Сәнді
өрнек ояйық- деп сегіз қырлы, бір сырлы әжелеріміздің шұлық жамау, ұршық иіру,
ою қию сайысын тамашалайық.
Жүргізуші: Наурыз күні той
думан,
Ортамызды ашайық.
Ән мен жырды
төгілтіп,
Биден шашу
шашайық,
Өнерлінің өрісі кең дегендей келесі
кезекті өнер сайысына жолдаймыз.
Жүргізуші: Арпа, бидай бас
тағам,
Жеті дәмнен
аспаған.
Наурыз көже ежелден
Бұл тойдағы бас тағам.
- дәм-думан сайысына кезек береміз.
Жүргізуші: Сыйлай білсең
ата- баба мұрасын,
Қазақтардан табылады
жыр асыл.
Бата берсін көпті
көрген дария,
Әр қазақтың
тойбастары болғасын - келесі бата беру сайысы
Жүргізуші: Сәулесі бар
наурызда таңғы үміттің,
Басын қосқан сан
адам, сан ғұрыптың.
Ұлыстың ұлы күні паш етейік,
Қазақтың ұлттық
салт-дәстүрін – қол өнер сайысы
Жүргізуші: Жеңбедім, жеңілдім
деп ренжімеген
Қатысу да бір -
жеңіс,
Жан болса соны ұғатын
– деп, сөз кезегін әділқазылар алқасына жолдаймыз.
Әжелерге сыйлықтар мен
номинациялар беріледі.
Жүргізуші: Осымен «Наурыз -
жыл басы» атты әжелер сайысы мәреге жетті. Аман-есен
жетейік, келер Наурыз тойына - дей келе бүгінгі ертеңгілігімізді аяқтаймыз.
«Асылай» бөбекжай балабақшасы
«Наурыз – жыл басы»
Әжелер сайысы
Дайындаған
балабақша әдіскері
Минажева Айман Сейтжановна
Наурыз 2016 жыл
Оставьте свой комментарий
Авторизуйтесь, чтобы задавать вопросы.