"Қош бол, төл Әліппем!"

Қош бол, төл Әліппем!

Мақсаты: Әліппеден алған білімдерін тексеру, оқушылардың сөздік қорын, тіл байлығын дамыту, ана тілі пәніне деген сүйіспеншілігін арттыру, ұйымшылдыққа, достыққа тәрбиелеу.

Көрнекілік: слайд, шармен, плакатпен безендірілген класс.

Барысы:

Музыка қосылып тұрады.

Мұғалім: Сәлеметсіздер ме, құрметті қонақтар, ата-аналар, ұстаздар! Балаларыңыздың білім шыңына басқан алғашқы қадамдары құтты болсын! «Әліппе бітіру» мерекесіне арналған ертеңгілігімізді бастауға рұқсат етіңіздер!

Өсті міне, бойларың,

Өсті міне, ойларың

Қуанышқа ортақпын

Құтты болсын тойларың!

Жеміске құты тола ма,

Бір бірлеп теріп алмаса?

Әп-сәтте шыға қоя ма,

Еккен дәнің ойласаң

Білім де солай қарағым

Біртіндеп сіңір бойыңа! – дей келе балаларымыздың ең алғашқы баспалдағының бірінші сатысы «Әліппемен» де қоштасатын кез келген екен олай болса ортаға жүргізушілерімізді шақырамын:

1 – жүргізуші:Ассалаумағалейкум, халайық!

2 – жүргізуші:Армысыздар ардақты ата – аналар, ұстаздар!

1 ж :Кешегі сәби балаңыз

Жарады міне, қараңыз.

Ғылым , білім жолына

Енді қайық саламыз

2ж:Әріптерді таныған

Өңкей білгір балдырған

Өсті білім, ойларың,

Құтты болсын тойларың!-дей келе,бүгінгі әліппемен қоштасу кешіне арналған ертеңгілігімізді ашық деп дариялауға рұқсат етіңіздер!

1ж: Қуаныш бүгін мереке

Шуағын шашып тұр әлем

Тойға келген қуанып

Қонақтар сізге мың сәлем!

2ж:Кешегі сәби балаңыз

Есейіпті қараңыз

Ғылым, біліа ,жолына

Сапар шегіп барамыз

1ж:Балалар, мен сендерге сұрақ қойғым келіп тұр.

Іші толы әріпке

Білімдіге жарық не? (Барлығы хормен айтады)

Болашаққа жол ашар,

Ол сүйікті Әліппе!

Ол сүйікті Әліппе!

2ж: Балалар, онда мен ортаға кімді шақырмақпын,білесіңдер ме?

Балалар хормен: Әліппе

1ж: Олай болса,бәрімізге ең қымбат Әліппені ортаға шақырайық

Хормен: Әліппе, Әліппе, Әліппе,

Әліппе:Армысыздар,ата-аналар!

Армысыздар ,жас достар

Әліппең келді ортаға

Болашаққа жол бастар

жақсы білім көрімдік

Болсын сізге халайық,

не үйрендік, не білдік?

Қәне, ортаға алайық!

Әліппе: -Олай болса, алғашқы Әліппені кім жазды?

Оқушылар:Ыбырай Алтынсарин

Осы сендер қандайсыңдар?

Барлығы: Біз қазақ елінің болашағымыз

Мұғалім:Балалар,олай болса Сүйікті әліппемізге рахметімізді айтып, өзімізден кейінгі бауырларымызға табыс ету біздің міндетіміз. Сондықтан біз осы уақытқа дейін алған білімімізді көрсетіп,ән-күй,өлеңдермен өрнектеп,өнерімізді ортаға салайық

Әліппе, бүгінгі кешіміздің еңи қадірлі қонағымыз.Сондықтан құрмет тағына жайғасыңыз

Ғалым:Қош бол,құтты әліппем!

Көп нәрсені үйреттің

Таныстырып әріппен

Тақылдатып сөйлеттің

Нұржігіт:Әліппем, менің әліппем

Сені қолға алып мен

Есігін аштым мектептің

Ертеңгі сәуле жарықпен

Аружан:Енді біз жаза аламыз

Әріпті қосып әріпке

Ырза боп саған жүреміз

Қош бол сүйікті Әліппе!

Инабат:Біз жазамыз «ана» деп

Біз жазамыз «дана» деп

Біз жазамыз «бала» деп

Біз жазамыз «Отан » деп

Биік-биік таулар деп,

Қызыл-жасыл баулар деп

Қаһарманды ел қазақ деп

Болашағы ғажап деп

Ермек:Оқуды көп ойладық

Әріптерді үйреніп

Әріпсіз сөз болмайды

Буын онсыз толмайды

Адам барлық әріпті

Ардақтайды,қолдайды

Хор: «Рахмет,саған Әліппе!»

Әріптерді үйретіп

Жақын болған кім бізге?

Хормен: Ол мұғалім.

2ж:

Жамандықтан жиреніп,

Ақыл болған кім бізге?

Хормен: Ол мұғалім.

1ж:

Ең алғаш алғанымда әліппені

Қызығып қарай бердім әріптерге

Мен үшін жұмбақ болып қалар ма еді

Ұстазым оның кілтін ашып берді.

Мұғалім:Алфавиттер шығыңдар

Орындарыңа тұрыңдар

Бастайық қане айтысты

Жібермейік намысты.

Би: вальс

Мұғалім:Рахмет шәкірттерім, білімнің кілті Әліппемен де қоштасатын уақыт жақындады, әліппеге қош айтайық:Хормен: Қош бол, сүйікті Әліппе!

Әліппе:Білімнің көп қой саласы

Әліппе соған жолбасшы

Ғылымның қиын жалғасын

Басқа кітаптан табарсың!

Қош болыңдар балалар!Мұғалім: балалар енді алдағы уақытта біз Ана тілі деген кітаппен достасамыз. Олай болса Ана тілін ортаға шақырайық, танысайық!

Хормен: Саламатсызба, Ана тілі!

Ана тілі:

Мен қазақтың тілімін,

Беретін көп білімін.

Достасатын сендермен,

Жаңа пәннің бірімін.

Үйретем тіл заңдарын,

Сөзіме құлақ сал бәрің.

Менімен тез іске асар,

Ойға алған арманың.

Балалар, енді сендер мені оқитын боласыңдар. Ынтамен оқысаңдар көп нәрсені үйренесіңдер.

Балалар,Отан,ақын-жазушылар туралы білесіңдер ма?

-Білеміз

Нұрислам:

Отаным-менің кең далам

Жатыр ол гүлге бөленіп

Жетілсем өсіп мен ертең

Жасасын жұртым төрелік

Балалар, мен сендерге жұмбақ алып келдім, соны шешесіңдер ме?

Ана тілі: жарайсыңдар, балалар.

Мұғалім: Ана тілі отырып балалардың өнерін тамашалаңыз.

2ж: Хор: «Әліппе»

Осылардың бәрін кім үйретті?

Хормен: Мектеп, Әліппе, Ұстаз, Ата-ана!

1ж:

Бәрімізді сүйіп өткен,

Балаларға үйреткен

Әліппе мен ұстазға

Бас иеміз құрметпен!

Мұғалім:

Әліппем, менің әліппем,

Өмірді келем танып мен.

Қайталап айтам 1000 рет

Өзіңе көп-көп рахмет

Құрметті ата-аналар, ұстаздар «Қош бол, Төл Әліппе!» атты ертеңгілігіміз осымен аяқталды, назар салып тыңдағандарыңызға көп-көп рахмет.

Сөз кезегін ата – аналарға береміз.