Күні:
Сыныбы: 10
Тақырыбы: Саясат
және мемлекет
Сабақтың мақсаты:
Білімділік: Саясат,
мемлекет және оның түрлері, саясат пен мемлекеттің байланысы жайлы толық
мағлұмат беру;
Дамытушылық: Мемлекеттің
түрлері жайлы ой қозғау;
Тәрбиелік: Оқушыларды
отансүйгіштікке елін, жерін құрметтеуге тәрбиелеу.
Сабақтың типі:
жаңа сабақ
Сабақтың түрі: аралас
сабақ
Сабақты ұйымдастыру әдісі: баяндау,
интерактивті тақтамен түсіндіру.
Көрнекілігі: сызба,
кесте, интерактивті тақта
Сабақтың барысы
І. Ұйымдастыру кезеңі:
1)
Амандасу
2) Оқушыларды
сабаққа әзірлеу, сабақтың тақырыбы және мақсатымен танысу
3)
Ынта-зейіндерін сабаққа аудару
ІІ. Үй тапсырмасын тексеру:
Оқушылармен
берілген ұяшықтар арқылы үй тапсырмасының сұрақтарына жауап береді.
ІІІ. Жаңа білімді меңгеру
1.
Саясат және мемлекет.
2.
Саясат және мемлекеттің саяси өмірге
қатынасуы.
Оқушылар екі топқа бөлінеді: бірінші
топ саясат, екіншісі мемлекет.
Саясат -
(гр. politika - мемлекетті басқару өнері) - алғашында мемлекеттік және қоғамдық
істер немесе мемлекеттік басқару шеберлігі деген мағынаны білдірген. Кейін келе
оның мағынасы кеңейді және мынаны білдіреді:
-
өз мүдделерін іске асыруға, қорғауға
бағытталған және саяси билікті басып алуға, қолында ұстауға, оны пайдалануға
тырысушылықпен байланысты мемлекеттер, топтар, ұлттар, үлкен әлеуметтік
топтардың арасындағы қатынастар саласындағы азаматтар мен жеке адамдар
билігінің мекеме, бірлестіктердің қызметі;
-
мемлекеттің істеріне қатынасу, оның
қызметінің түрін, мақсат, мазмұнын, анықтау;
-
адамзат қоғамының даму тарихында бұл ұғым
көбінесе шебер жасырылған басшылар мен оның сыбайластарының ниеттерін,
мақсаттарын және амал-әрекеттерінің түрлерін білдіреді;
-
әдеттегі тілде - адамдардың өзара
қатынастарында белгілі бір мақсатқа жетуге бағытталған іс- әрекеттің сипаты;
-
мемлекеттік және қоғамдық өмірдің
күнделікті мәселелер немесе оқиғалар жиынтығы.
Мемлекет–бұл арнайы басқару және
мәжбүрлеу аппараты бар, қоғамның өкілі бола тұра, оны басқаратын және оның
дамуын қамтамасыз ететін, бұқаралық биліктің саяси-аумақтық, егеменді ұйымы.
Мемлекетті
рулық құрылымдағы әлеуметтік биліктен ажырататын төмендегідей белгілері болады:
1.
Бұқаралық биліктің болуы. Міндетті түрде
мемлекеттің басқару және мәжбүрлеу аппараты болуы тиіс, себебі, бұқаралық
билік–бұл шенеуніктер, әскер, полиция, түрме мен басқа да мекемелер.
2.
Аумақтық бөлініс. Мемлекет өз аумағында
өмір сүруші барлық адамдарды өз билігімен және қорғау арқылы біріктіреді.
3.
Салықтар жүйесі. Олар мемлекеттік
аппараттың өмір сүруін қамтамасыз ету үшін қажет.
4.
Егемендік. Бұл мемлекетке тән өз
аумағындағы үстемдік пен халықаралық қатынастардағы тәуелсіздік.
5.
Құқықтың болуы. Мемлекет
құқықсыз өмір сүре алмайды, себебі, құқық мемлекеттік билікті заңдастырады.
Мемлекет саяси жүйеге белгілі бір
жекелеген органдары арқылы емес, өзіндік бір саяси, аумақтық, құрылымдық
бөлік ретінде кіреді. Ол өз функцияларын басқа әлеуметтік инстиуттармен,
партиялармен, кәсіптік одақтармен, жергілікті басқару органдарымен бірлесе
отырып атқарады. Ол саяси жүйеде жетекші рөлді иеленген, себебі:
а)
оның аумақтық шекараларында азаматтық белгісі бойынша біріккен халықтың жалғыз
ресми өкілі рөлін атқарады;
ә)
егемендіктің жалғыз иесі болып табылады;
б)
қоғамды басқаруға бағытталған әлеуметтік аппараты болады;
в)
қарулы құрылымдары болады;
г)
құқықшығармашылыққа қатысты монополияға ие;
д)
материалдық құндылықтардың ерекше жиынтығына (мемлекеттік меншік, бюджет,
валюта және т.б.) ие.
1- тапсырма.
Алдарына
мемлекет пен саясат жайлы қосымша мәліметтер беріледі және оқулықтағы
деректерге сүйене отырып екі топ өз тақырыптарына дайындалыңдар.
2- тапсырма.
Топ
ішіндегі тақырып талқыланып болған екі топ тақырыпты бір-біріне түсіндіреді.
3- тапсырма.
Саясат
және мемлекет тақырыбында екі топ бір-біріне сұрақтар дайындайды және ол
сұрақтарды конверттің ішіне саламыз. Сұрақтарға жауап берген соң екі топ өз
сұрақтарына жауап береді. Кері байланыс парағы беріледі.
4- тапсырма.
Саясат
және мемлекет жайлы мәтін беріледі. Көп нүктенің орнына тиісті сөздерді қойып
мәтінді толықтыр.
Саясат
әлемінің дәл ортасында ... билік және биліктік қатынастар орналасқан сондықтан
осылар арқылы біз ... мәні мен мақсатын тереңірек ұғынамыз. ... және мемлекет
... ұғымдарының байланысы терңде жатыр. Саясат болмаса ... те болмайды. ...
саясат бар жерде ғана өмір сүре алады. Саясат мемлекеттен тыс ... өмір сүре
алмайды. Мемлекет қоғамның ... ішкі негізін құрайтын басты институт болып
табылады. Аристотель ... жалпы игіліктің зерде мен әділдіктің орнығуының кепілі
деп сипатталады.
IV. Жаңа сабақты бекіту.
Мемлекет
және саясат тақырыбына байланысты терминдік сөздер берілген яғни деректер
берілген деректердің қалай аталатынын жазу керек.
1.
Теократиялық тұғырнама
2.
Патриархалдық теория
3.
Экономика
4.
Монархия
5.
Унитарлы мемлекет
6.
Федеративтік мемлекет
7.
Конфедеративтік мемлекет
8.
Тоталитарлық саяси режим
9.
Авторитарлық режим
V. Бағалау.
VI.
Үй тапсырмасын беру. Саясат
және мемлекет
Оставьте свой комментарий
Авторизуйтесь, чтобы задавать вопросы.