Проект паспорты "2020 йыл - Хәтер һәм Дан йылы"

2020 йыл – Хәтер һәм Дан йылына проект эше паспорты.

.1.   Проект эшенең исеме: “Бер кем дә, бер нәмә лә онотолмай”.

.2.   Проект “Башҡорт әҙәбиәте” дәресендә синыфтан тыш дәрес булараҡ алып барыла.

.3.   Класс: 6

.4.   Маҡсат: Бөйөк Ватан һуғышы йылдарында халҡыбыҙҙың фронтта һәм тылда күрһәткән тиңдәшһеҙ батырлығы үрнәктәре менән йәш быуынды таныштырыу, быуындар араһындағы бәйләнеште нығытыу, намыҫлы хеҙмәт менән көн күргән һуғыш һәм тыл ветерандарына, әбей-бабайҙарға ҡарата оло хөрмәт тәрбиәләү, ғәҙел, татыу, тырыш, игелекле булырға ынтылыш уятыу, эҙләнеү-тикшеренеү эше аша балаларҙың Бөйөк Ватан һуғышы тураһындағы белемдәрен тәрәнәйтеү.

Бурыстар: 1) Һуғыш ветерандарына, әбей-бабайҙарға иғтирам хисе, иғтибарлылыҡ, ҡайғыртыусанлыҡ хисе тәрбиәләү;

2) Уҡыусыларҙың ижади эшсәнлеген, фекерләү ҡеүәһен үҫтереү;

3) Эште ойоштороу һәм уны башҡарыу һәләтен тәрбиәләү;

4) Көндәлек матбуғат, өйрәнелгән сығанаҡтар менән эшләргә өйрәтеү.

                  5. Үткәреү ваҡыты: 7 май 2020 йыл.

                  6. Проект эшенең етәксеһе: башҡорт теле һәм әҙәбиәте уҡытыусыһы

                  7. Проект төркөмөнөң составы: 10 кеше

                  8. Проект төрө: презентация

                  9. Аннотация: Проект эше уҡыусыларҙың илебеҙ тарихында тәрән эҙ                         ҡалдырған азатлыҡ һуғышында ҡатнашыусылар алдында баш эйергә,          фронтта ҡан ҡойғос һуғыштарҙа һәм ауыр тыл һынауҙарында сыҙамлыҡ                 һәм рух ныҡлығы күрһәткән еңеү яулаусыларға хөрмәт күрһәтергә кәрәк                икәнлеген аңлау буйынса өҫтәмә белемдәр алыуына йүнәлтелгән.

               10. Проект һорауҙары:

                          - Быйылғы йыл ил башлығы В.Путин тарафынан ниндәй йыл тип                               иғлан ителде?

                          - Бөйөк Ватан һуғышы ҡасан башланған һәм нисә йыл дауам иткән?

                          - Ниндәй ил беҙҙең илгә баҫып ингән?

                        - Һуғыш тураһында ниндәй әҫәрҙәр уҡығаның һәм фильмдар                          ҡарағаның бар?

                          - Һинең олатайҙарың һуғышта ҡатнашҡанмы?

                          - Быйыл һуғыш бөтөүгә нисә йыл?

             Проблемалы һорауҙар:

           - Һуғыш булмаһын өсөн кешеләр нимә эшләргә тейештә

           - Нимә ул “Үлемһеҙ полк” ? Уны кем уйлап сығарған? Һин унда ҡатнашҡаның            бармы?

           - Өфөлә ниндәй Бөйөк Ватан һуғышы геройҙарына һәйкәл ҡуйылған?

           - 112-се Башҡорт атлы дивизия тураһында нимә беләһең?

           - Һуғышта ҡатнашҡан ниндәй герой-пионерҙар тураһында беләһең?

       11. Проект эшенең этаптары:

Этаптар	Эш йөкмәткеһе
Әҙерлек	Проекттың темаһын һәм маҡсаттарын билдәләү
	Ижади төркөмдәр булдырыу
	Проект эшенә материалдар әҙерләү
	Отчет формаһын һайлау, һөҙөмтәне баһалау критерийҙарын билдәләү
Планлаштырыу	Мәғлүмәт йыйыу, анализлау сараларын асыҡлау
Проектты эшләү	Әҙәбиәт менән эшләү, анализ, эҙләнеү эше алып барыу
Һөҙөмтәләрҙе әҙерләү	Һөҙөмтәләрҙе алдан билдәләнгән формаға ярашлы әҙерләү
Презентация	Башҡарылған эште тапшырыу
Эште баһалау	Алдан билдәләнгән критерийҙарға ярашлы эште баһалау

     12. Кәрәкле ресурстар, материалдар:  һүрәттәр, һуғыш  темаһына китаптар күргәҙмәһе,  шиғырҙар, уҡыусыларҙың иншалары.

 13. Эш һөҙөмтәләре. Уҡыусылар тәҡдим иткән слайдтар, ижади эштәр.