Разработка урока в предшкольном классе на тему "Көліктер"

Умыт Турсынгожакызы Мешелова – бастауыш сынып мұғалімі.

Санаты – II.

 Білім саласы: қатынас

Сабақ: Көркем әдебиет.

Сабақтың  тақырыбы: Көліктер( Музафар Әлімбаев «Тролейбус»)

Сабақтың мақсаты: Балаларды көлік түрлерімен таныстыру.

Мұзафар Әлімбаевтың «Троллейбус» өлеңімен таныстыру. Сөздік қорларын аспалы сым жол, баған деген сөздермен молайту.

Балалардың сүрет арқылы сөйлем құрастыру дағқдыларын қалыптастыруды жалғастыру. Балаларға көлік туралы түсінік беру. Көлік түрлерін ерекшеліктеріне қарай топтастырып (жерде, суда, әуеде)білуге үйрету.Балалардың қызығушылықтарын  және есте сақтау қабілеттерін дамыту.  Өлеңді жатқа мәнерлеп оқу дағдыларын қалыптастыру.

Әдіс тәсілдер: Сұрақ жауап, әңгімелеу, көрсету.

Сөздік жұмыс: баған, аспалы, сым жол.

Көрнекіліктер: Көлік түрлерінің суреттері.

Сабақтың барысы:

Ұйымдастыру кезеңі:

Балалар сәлеметсіңдер ме? Бүгін біздің сабағымыз ерекше болып өтпек, себебі біздің сабағымызға қонақтар келді. Қане қонақтармен сәлемдесейікші. Балалар сәлемдеседі. Ал енді отырайық. Балалар саяхат жасауды жақсы көреміз бе? Ол не саяхат деген? Саяхатқа немен шығамыз? (Көлікпен)

Қазір мен сендерге саяхат жасауға ұсынамын ол үшін біз көзімізді жұмайық. (Баяу музыка қосылады)

Көз алдымызға саяхатқа қалай шыққанымызды елестетейікші. Жеңіл көлікпен аялдамаға жеттік. Аялдамадан автобусқа міндік. Автобуспен вокзалға келіп онда поездға мініп, портқа жеттік. Кемемен жүзіп отырып әуежайға, әуежайдан ұшаққа отырып демалатын жерге де келдік. Көзімізді ашамыз. Балалар қандай сезімде болдыңдар. Барлығымыз саяхаттауды жақсы көреді екенбіз.

Жақсы балалар , қазір бізде көркем әдебиет сабағы. Бүгінгі сабақта біз Көлікте жайлы әңгімелесемі.

Суретпен жұмыс. Балалар мына суретке қараңдаршы, бұл не не? (Автобус, трамвай, ұшақ, тікұшақ, метро,жеңіл машина, жүк машина, әуе шары, кеме, қайық, ) балалар айтыңдаршы бұлардың барлығын бір сөзбен не дейміз? (Көліктер)

Қане балалар қазір  тақтаға бір оқушы шығып  мен көрсеткен суретке қажетті көлікті орналастырамыз. (Сұрау балалардан мынау ненің суреті? Балалар аспан екенін айтады, сосын барып қажетті көлікті орналастырамыз, бұл жерде ұшақ, тікұшақ, әуе шары орналасуы керек) Балалар ауада ұшатын көлік түрлерін бір сөзбен қалай айтамыз? Әуе көлігі.

- Мынау ненің суреті? (Судың суреті) қане кім шығады мына жерге қандай көлік керек деп ойлайсың?  Балалар бір – бірден шығып біреуі кеменің,  біреуі қайықтың суретін орналастырады.

- қане балалар мынау ненің суреті? (жердің суреті, балалар бір - бірден шығып жерде жүретін көліктерді орналастырады) 

Оқушылар орналастырып болған соң тағы да бір рет қайталату. Мынау қандай көлік ? Ауада жүретін көлік яғни «Әуе көліктері», жерде жүретін көлік, суда жүзетін көлік

Ал ендеше мына суретке қарайықшы. Мынау балалар троллейбус. Ол неге ұқсайды? (Автобусқа, трамвайға) . Бірәқ балалар троллейбустың бір ерекшелігі бар. Трамвай темір жолмен жүреді ал  троллейбус кәдімгі тас жолмен жүреді.  Бірақ ол тоқпен жүреді. Ал автобус жанармаймен жүреді. Троллейбус біздің Өскемен қаласында жоқ. Өскеменде трамвай бар.

        Қазір балалар біз сендермен Музафар Әлімбаевтың жерде жүретін көліктің бір түрі  «Троллейбус» жайлы бір өлеңмен танысамыз.

Қане әдемілеп отырайық мұқият тыңдаймыз. Мұзафар Әлімбаев «Троллейбус»  тақпақты оқу.

Бағанға ілінген

Аспалы сым жолы бар.

Көшелерде жүгірген

Троллейбус жолығар.

Сым жолымен зырлайды

Басқа жаққа бұрмайды.

Балалар сендерге тақпақ ұнады ма?

Ол не жайлы?

Сөздік жұмыс баған, аспалы, сым жол.

Балалар сендер баған деген не екенін білесіңдер ме? (Ол сымдар тартылып тұратын столбы)

Ал аспалы деген сөзді білесіңдер ме?

Ол дегеніміз бір нәрсені асып қою. Ал сым жол дегеніміз ол сыммен жүреді, яғни сол сымнан  ол қуат алады да тоқ арқылы жүреді. Тоқ болмаса троллейбус жүре алмайды.

Ал енді балалар өлеңді тағы да бір рет тыңдайық.

Қазір мына сұрақтарға жауап берейікші.

 - Балалар өлеңде тролейбустың қандай жолы бар?(  бағанға ілінген, аспалы сым жолы бар)

- Тролейбус қайда жолығады? (көшелерде жүгірген троллейбус жолығар)

- Ол немен зырлайды? (Сым жолымен зырлайды)

- Троллейбус басқа жаққа бұрама? (Басқа жаққа бұрмайды)

- Неліктен троллейбус басқа жаққа бұрмайды? (Өйткені ол сым жолмен зырлайды) ол ненің бойымен жүреді?( сымның)

 Жақсы балалар. Енді бәріміз бірге осы өлеңді қайталайық.

Жаттап алған балалардан сұрастыру.

Қорытындылау:

- Балалар біз кімнің өлеңін айттық?

- бұл өлеңнің тақырыбы қандай?

Балалар мен өзімнің үстелімде мынадай бір хат тауып алдым, бұл хаттың ішінде не бар екен көрейік пе? (иә)

Бұл балалар жұмбақтар екен.

Қане шешіп көрейікші.

Жұмбақ шешу:
Төбесінде ебелек,
Ұшады өзі керемет. /Тікұшақ/
Табанында жолы бар,
Төбесінде қолы бар. /Трамвай/
Құстан аумайды,
Көкке зулайды, (ұшақ)
Сымға асылып,
Жүр асығып./троллейбус/
Аяғы жоқ ,қолы жоқ,
Не жүретін жолы жоқ.
Мініп алсаң зулайды
Бірақ ізі қалмайды. (Ұшақ)

Өздігінен жүрмейді, жарыспайды,

Кісі мінсе жарыстан қалыспайды.

Аяғы екеу болғанмен ізі жалғыз,

Сағатта талай жерді қарыштайды   (велосиепд)

Бір жануар домаланған екі көзді,

 Адамның ықпалымен жүреді өзі.

Сияды ішіне оның төрт-бес кісі,

 Жарқырап түнде жортса екі көзі.(автомобиль)

Қанаты бар, жаны жоқ ,

Табаны бар, аяғы жоқ .

Өзі ұшады, аспанда жүреді ,

Теңізден де, таудан да өтеді.(Ұшақ)

Өте жақсы балалар. Сендер жұмбақты жақсы шешеді екенсіңдер. сонымен сабақ сендерге ұнады ма?

Кімнің өлеңімен таныс болдық?

Ол өлең не жайлы?

Бұл сабақта не қызықты болды?

Сонымен сендер қандай көлік түрлерін білесіңдер?

Өте жақсы балалар маған да сендердің сабаққа қатысқандарың ұнады.

Мен енді сендерге мына жұлдызшаларды бергім келіп отыр.

Сабақ аяқталды балалар.