«Салауатты өмір салты. /Компьютердің пайдасы және зияны/» сынып сағатының жоспары

Күні:             Сыныбы:         Пән мұғалімі:       Ильясова Б.О.

Кіріспе. Көрініс  «Бүгінгі таңдағы мұғалім, оқушы  үшін әлеуметтік желілердің ролі».

Баяу әуен ойнап тұрады. Сыныпта мұғалім мен оқушы отыр.

Мұғалім:

Оқушы мына жастардың,

Келешегін ойланам.

Зеңді алғыр жастар аз,

Білімге терең бойлаған.

Интернет пен агент тұр,

Бар әлемді жайлаған

Алыстатып білімнен,

Жастардың жолын байлаған.

Оқып білім алмаған,

Дей ме екен жастар «қой бағам»

Тосқауыл қойып әлеуметтік желіге,

Ден қою керек білімге

Өмірге керек қорегің,

Ойлаңдар жастар, білімде.

Көп оқыңдар кітапты,

Өзіңнің ана тіліңде

Агент,ВК, Ватцап,твиттерге алданып,

Тегіс жерде сүрінбе.

Кітаптан алсаң білімді,

Жарқырап сенің тұрады,

Аспандағы күнің де.

Оқушы:

Керектіні өмірге,

 Агент, ВК, Другтан  біз аламыз.

  Түрлі-түсті фотоларды  көз тартар.

Мирымызға саламыз.

       Миллиондаған достармен,

Жақындайды арамыз.

   Мұхитың, өзен, теңізің,

   Ішінде барлық қаламыз

Іздегеннің барлығын,

     Агенттен дереу  табамыз.

 Оқыңдар дейді кітапты,

                                          Мұғалім, ата- анамыз.

   Кітапты оқи күндіз- түні,

  Қатардан қалай қаламыз.

Әлеуметтік желіге,

 Бауыр басып қалғанбыз.

Сабақтың тақырыбы: «Салауатты өмір салты. /Компьютердің пайдасы және зияны/»

Сабақтың мақсаты:  оқушылардың бойына салауатты өмір салтын дарыта отырып, зиянды әдеттерден аулақ болуды түсіндіру, насихаттау.
Білімділік: жаман әдеттерден туатын аурулар туралы білімдерін жетілдіру, ізденімпаздыққа, тапқырлыққа, шыдамдылыққа және өз ойын мәдени түрде жеткізе білуге үйрету.
Дамытушылық: өмірге, адамзат ұрпағына деген аяушылық сезімін ояту, аурудың алдын алуды үйрету, білімгерлердің зердесін көтеріп, ақыл - ойын дамыту. 
Тәрбиелілік: тәні де, жаны да таза, әрі сау болашақ ұрпақты тәрбиелеу білімгерлерді алғырлыққа, тапқырлыққа, шапшаңдыққа ұстамдылыққа, мәдениетті сөйлеуге тәрбиелеу

Сабақтың типі: Дебат /пікірталас/

Сабақтың әдісі: Сұрақ – жауап /ситуация туғызу, шешу жолын айту, нақты дәлелдер келтіру/

Сабақтың көрнекілігі: постер, презентация, сайттар, бейнефильмдер.

Оқушылар екі тонқа бөлінеді:

1 топ – КІТАП

2 топ - ИНТЕРНЕТ

1. Ұстаздың сөзі СӨС деген не?

Салауатты өмір салты (СӨС) — бұл ең әуелі денсаулықты сақтауға және нығайтуға бағытталған сауықтыру жолындағы белсенді іс-әрекет. Өмір Адамның өмір салты өздігінен қалыптаспайды, ал салауатты өмір салты өмір сүру барысында мақсатты түрде қалыптасады. Қазіргі мәліметтер бойынша денсаулық 53-55%- ға салауатты өмір салтына тәуелді болады екен. Бұдан салауатты өмір салтын ұстанудың қаншалықты маңызды екендігі айқын.

Компьютерлік ойындар келесі қабілеттерді дамытады:

есте сақтау, көңіл бөлу, ойлау жылдамдығын, ұсақ моторикалық дағдыларды, ақпараттарды қабылдау.

Білім алу кезінде компьютерді нақты көмекші ретінде пайдалануға болады.

Компьютерлік ойындар ерекше жағдайда жіктеуді және қорытындылауды, ойластыруды үйретеді.

Компьютерлік ойындар:зияткерлік қабілеттерін жақсартуды және өз мақсаттарына жетуді үйретеді.

2. Бейнефильм көру       1- ИНТЕРНЕТ деген не?

                                            2- Әлеуметтік желінің пайдасымен зияны

3.Постер қорғау (екі топтан ойларын айтатындар кезектесіп шығады. Регламент 3 - 5 минут)

 Екі топ өзара пікір таласу

Бейнефильм СИЛИКОН  АЛҚАБЫ

4. Сергіту сәті.  

Екі жағдаят

1-    баласы компьютерде отыр анасы тамақ ішуге шақырады. Анасының және оқушының іс-әрекеті

2-    оқушы сабақта телефон қолданып отыр. Ұстаздың және оқушының іс-әрекеті

Әр топ мүшелері орта шығып өз бжағдаяттарып көрсетеді.

5.Ұсыныстар алмасу

Ұсыныстар ағашына оқушылар өз пікірлерін стикерге жазып іледі.

6. Блиц-сауалнама

8. Қорытынды. Сарапшыларды тыңдаймыз.

             Сіз интернетке тәуелдісіз бе? Анықтап көріңіз!
                                                  Тест.
1.Компьютермен қанша сағат жұмыс істейтініңізді алдын ала анықтап айта аласыз ба? Ия, Жоқ.
2.Жоспарлаған ісіңізді монитордан үзіле алмағандықтан орындамаған кездеріңіз болды ма?
3.Интернетте «отырған» сәтте қуаныш сезімі бола ма?
4.Компьютер алдында қазіргіден де көп уақыт өткізгіңіз келе ма?
5.Интернет қол үзіп, off-line болғанда мазасызданып, ашуланасыз ба?
6.Виртуалды кеңістікте әдеттегіден ұзақ уақыт өткізетініңізді сезесіз бе?
7.Компьютер алдына ұзақ уақыт болғандықтан достарыңыз, туыстарыңызбен қатынасыңыз бұзылған жоқ па?
8.Сүйікті ісіңізден интернет үшін бас тарттыңыз ба?
9.Шынай өмірден қарағанда интернет арқылы танысу, араласу көбейіп кетті ме?
10.Достарыңыздан, отбасыңыздан интернетте шын мәнінде немен айналысып отырғаныңызды жасырасыз ба?
11.Көзіңіз ауыр тартып, арқаңыз бен басыңыз ауырып, салмағыңыз өзгерді ме?
12.Интернетте жиі отырғандықтан күнделікті өміріңіз өзгерді ме?

Егер осы сұрақтардың жартысынан көбіне «иә» деп жауап берсеңіз, ғаламтордың «торына » түсетін келесі тұтқыны болып қалуыңыз мүмкін.

Аты- жөніңіз: .........................................................................

№40 орта мектеп

Ашық сынып сағаты

«Салауатты өмір салты»

/компьютердің зияны және пайдасы/

8 А сынып

Информатика пәнінің мұғалімі

Ильясова Ботакоз Орынбасаровна

2017-2018 оқу жылы

Краткое описание документа:

Салауатты өмір салты (СӨС) — бұл ең әуелі денсаулықты сақтауға және нығайтуға бағытталған сауықтыру жолындағы белсенді іс-әрекет. Өмір Адамның өмір салты өздігінен қалыптаспайды, ал салауатты өмір салты өмір сүру барысында мақсатты түрде қалыптасады. Қазіргі мәліметтер бойынша денсаулық 53-55%- ға салауатты өмір салтына тәуелді болады екен. Бұдан салауатты өмір салтын ұстанудың қаншалықты маңызды екендігі айқын.

Компьютерлік ойындар келесі қабілеттерді дамытады:

есте сақтау, көңіл бөлу, ойлау жылдамдығын, ұсақ моторикалық дағдыларды, ақпараттарды қабылдау.

Білім алу кезінде компьютерді нақты көмекші ретінде пайдалануға болады.

Компьютерлік ойындар ерекше жағдайда жіктеуді және қорытындылауды, ойластыруды үйретеді.

Компьютерлік ойындар:зияткерлік қабілеттерін жақсартуды және өз мақсаттарына жетуді үйретеді.