Сабақтың
тақырыбы: Сан есімнен өткенді қайталау.
Сабақтың мақсаты: Оқушылардың сан есім тақырыбы бойынша білімдерін
пысықтау, жинақтау.
Жаттығу жұмыстары барысында ойлау қабілеттерін
арттыруға, қиялын дамытып, көркем жазуға дағдыландыру.
Сауаттылыққа, білімділікке баулу.
Сабақтың әдісі: сұрақ - жауап, ой қозғау қызығушылығын,
белсенділігін арттыру.
Пәнаралық байланыс: ана тілі, математика.
Сабақтың көрнекілігі: үлестірмелі карточкалар, тест тапсырмалары, оқулық,
суреттер.
Сабақтың барысы:
1. Ұйымдастыру. Психологиялық дайындық.
Жарқырап күнде ашылды,
Айналаға нұр шашылды
Қайырлы күн Біз көңілді баламыз.
Қайырлы күн Сәлемдесіп аламыз.
Мақсатымыз білім алу
Міндетіміз еңбектену
Еңбектену арқылы
«5»- ке қолды жеткізу
2. Үй тапсырмасын
тексеру.
Сан есімді
қатыстырып бес сөйлем жазып келу.
3. Өткенді қайталау.
- Сөз таптары туралы алған білімдерімізді
қайталап, пысықтап алайық.
- Міне, балалар қандай көрініс көріп отырмыз
- Көктем мезгілі
- Көктемде табиғатта қандай өзгерістер болады
- Жаңбыр жауады. Шөптер өседі. Әдемі гүлдер
шығады.
Ол үшін мына жерді күн көзін бұлттардан арылтып,
әдемі көріністің куәсі болайық!
1 бұлт – Зат есім дегеніміз не? Мысал келтір.
2 бұлт - Етістік дегеніміз не? Мысал келтір.
3 бұлт - Сын есім дегеніміз не? Мысал келтір.
4 бұлт - Сан есім дегеніміз не? Мысал келтір.
- Жаңбырдан кейін аспанда не пайда болады?
- Кемпірқосақ.
- Дұрыс, бүгінгі сабақта кемпірқосақтың
әрбір түсіне саяхат жасаймыз. Бір қызығы әр түсте ертегі кейіпкерлері бар. Сол
ертегі кейіпкерлерінің тапсырмалары бар. Сендердің білімдеріңді көргісі келеді
екен.
Олай болса бірінші «Қожанасырдың»
тапсырмасы (көк түс)
1. Көркем жазу.
«Қасқыр мен қоянның» тапсырмасы (сары түс)
2. Оқулықпен
жұмыс.1-жаттығу(ауызша)
Зат есім-
заттың атын білдіретін сөз табы.
Етістік-заттың
қимылын,іс-әрекетін білдіретін сөз табы.
Сын
есім-заттың түрін,түсін,сапасын білдіретін сөз табы.
Сан
есім-заттың санын білдіретін сөз табы.
«Білгішбектің» тапсырмасы (қызыл түс)
3. Дәптермен
жұмыс. 2-жаттығу
Адамның аты-жөні,
жер-су аттары бас әріппен жазылады.
Мысалы: Диас,
Ақбота, Ернар, Жансая.
Көкшетау, Астана,
Алматы, Есіл, Ертіс, Балқаш т.б
4. Сергіту сәті.
Бас
бармақ бастық екен,
Сұқ саусақ
сақтық екен,
Ортан қол
ойшыл екен,
Аты жоқ
саусақ тойшыл екен,
Ал шынашақ
еңбекшіл қойшы екен.
Бастық
басқар, сақтық сақтар,
Ойшыл ойла,
тойшыл тойла.
Саусақтарды
бүгеміз,
Саусақтарды
бүреміз.
Бүгіп ,
бүріп саусақты,
Сергіп
қалдық, міне, біз.
«Алдар көсенің» тапсырмасы (күлгін түс)
5. Тақтамен
жұмыс. 3-жаттығу. Бірінші
бағанға «А» әрпінен басталатын сөздерді, екінші бағанға «Қ» әрпінен
басталатын сөздерді жаз.
Асқар, Астана,
Абай, Айнұр, Ақбақай, Алтай.
Қанат, Қарағанды,
Құнанбаев, Қарақат, Құлагер, Қаратау.
«Шректің» тапсырмасы
(құм сары)
6. «Кім тез табады» ойыны
Саны бар сөздің шешуін тауып, сөйлем құрастыру.
К+ 3+ ІК=КҮШІК
ЖЕЛ + 90=ЖЕЛТОҚСАН
7+ К=ЖЕТІК
1+ҚАЗАН=БІРҚАЗАН
ТҮ+ 1=ТҮБІР
6+БАҚАН=АЛТЫБАҚАН
ДЕР+5=ДЕРБЕС
8+КӨЗ=СЕГІЗКӨЗ
4-жаттығу.
Сын есімдерді зат есімдермен сәйкестендіріп,
жұбымен жаз.
Қызыл доп,
аппақ қар, әдемі қыз, қу түлкі, жылы қолғап
«Етікші
мысықтың» тапсырмасы.
Ребус
шешу.
7.
Сабақты бекіту.
Тест тапсырмалары.
1. Заттың атын білдіретін сөз табы қалай
аталады?
А) Сын есім
Ә) Сан есім
Б) Етістік
В) Зат есім
2. Мына сөздер қай сөз табына жатады: Бес,
жеті, отыз төрт
А) Сын есім
Ә) Сан есім
Б)Етістік
В) Зат есім
3. Заттың қимылын білдіретін сөз табы
қалай аталады?
А) Сын есім
Ә) Сан есім
Б) Етістік
В) Зат есім
4. Мына сөздер қай сөз табына жатады:
қара, қоңыр, таза, ұқыпты
А) Сын есім
Ә) Сан есім
Б) Етістік
В) Зат есім
5. Әже
сөзіне қандай көптік жалғауы жалғанады?
А) – лар
Ә) – лер
Б) – дар
В) – тер
6. Жалқы есімді тап.
А) сырға
Ә) асық
Б) Ақтөбе
В) қалам
7. Жалпы есімді тап.
А) Қазақстан
Ә) кітап
Б)Ақтөс
В) Ертіс
8. Күрделі етістікті тап.
А) секірді
Ә)жүрді
Б) кетті
В) ойнап
жүр
9. Заттың ретін білдіретін сан есімді тап?
А) он
Ә) жиырма екі
Б) бесінші
В) бес жүз
10. Дұрыс байланысқан сан есім мен зат
есімді көрсет?
А) үшеу терезе
Ә) екі түйе
Б) қақпаға
алтыншы
В) алтау дәптер
Өзін - өзі бағалау.
10 – 9 балл – «5»
8 – 6 балл – «4»
5 – 3 балл – «3»
2 – 0 балл – «2»
8.
Үйге тапсырма. 5-жаттығу. Бір-бірімен байланысты
айтылған зат есім мен сын есімді тауып көшіріп жазу.Сұрақ қою.
Оставьте свой комментарий
Авторизуйтесь, чтобы задавать вопросы.