"Саптық дайындық" (10 класс)

Күні: 8.10.2015 жыл

Сабақтың тақырыбы: Саптық тұрыс. «Саптал», «Түзел», «Тіктел»,«Еркін тұр»,

«Жинақтал» пәрмендерін орындау.

Сабақтың мақсаты: Оқушыларды саптық тұрысты қабылдау пәрмендерін үйрету.

Білімділік: жалпы қабілеттілікті дамыту.

Тәрбиелік: әскери патриотизмге, Отанды қорғауға, Отанымыздың адал-ұл қыздары болуға тәрбиелеу.

Уақыты: 45 минут

Өткізілетін орны: Саптық алаң

Сабақтың түрі: Практикалық

Сабақтың әдісі: Сұрақ-жауап

Көрнекілік құралдар: Саптық жарғы, АӘД оқулығы, саптық алаң

Сабақтың барысы:

А) Ұйымдастыру кезеңі- 3 минут

Взвод командирі оқушыларды сапқа тұрғызады, оқытушыға рапорт береді, амандасу, түгендеу, оқушылардың сырт көрнісін тексеру.

Ә) Үй тапсырмасын тексеру- 7 минут

Сап түрлері және олардың элементтері, алдын –ала және орындауға берілетін пәрмендер қалай беріледі? Алдын-ала берілетін және орындалатын пәрмендер ерекшелігі туралы айтып беріңдер?

Б) Негізгі бөлім-25 минут

Саптық тұрыс. Саптақ тұрыс. «Саптал», «Түзел», «Тіктел», «Еркін тұр», «Жинақтал» пәрмендерін орындау.

Саптық тұрыс «Саптал» немесе «Тіктел» пәрмендері бойынша қабылданады.Осы пәрмен бойынша тығыздалмай, тік тұру керек. Өкшелерді қосып,аяқтың ұшын маңдайшептің сызығы бойынша, оларды табанның еніне қойып түзету керек; иықтарды жазып, ішті тартып,кеудені тік ұстап, денені біршама алға ұмсыну керек; Саусақтарды жартылай бүгіп жамбасқа тигізіп, төмен жіберу керек;басты жоғары және тік ұстап иекті алға шығармай ұстау керек.

«Еркін тұр» пәрмені бойынша оң немесе сол аяқтың тізбелерін бос ұстап, орнынан кетаей, сөйлеспей еркін тұру керек.

«Жинақтал» пәрмені бойынша саптағы өз орнын тастап кетпей, қаруын, киімдерін, жабдықтарын түзу керек, жинақталу бас киімнен басталады.

«Жинақтал» пәрменінің алдында «Еркін тұр» пәрмені беріледі.