Сценарий на тему"Норуз мәйрими"

Кәлди Норуз сеғиндурған!

Мавзуси: «Кәлди Норуз сеғиндурған!»

Мәхсити: оқуғучиларға хәлқимизниң урпи-адатини, тарихини, рәсим-қаидилирини үгитишкә қолайлиқ шараит яритиш. Оқуғучиларниң аилигә, достға, аләмгә болған көз қаришини шәкилләндүрүш.

Бериши

1.     Уюштуруш

Дәрис нахша саз билән башлиниду. Барлиқ оқуғучилар миллий кийимдә синипқа кириду.

Муәлим:

Салам саңа

Норуз аләм .

Әй, гөзәл көкләм .

Салам саңа,

Әмгәк мәйрими

Салам саңа,

Баһар мәйрими

Оқуғучи: Әссалам, мәрһаба Норуз  мәйримигә кәлгән меһманлар, қериндашлар, синипдашлар! Хәлқимизниң мәдәний тарихи қанчилик қедимий болса , униң өәр хил мәрасими  шунчелик қедимийдур. Норузниң мәйрәм сүпитидә нишанлиниши тәбиәт билән инсан оттурусидики мунасивәт асасида вужутқа кәлгән.

Норуз – жил беши

Норуз – йеңи күн

Норуз – гүл баһар

Йәргә хуш бақар.

Оқуғучи: «Кәл баһар»

Ойғатти сәһәр мени сайрап қушлар ,

Көйдүрүп  баһар – қизниң от ишқида

Тоңлитип йәр-зиминни гүкиригән ,

Тәғдиригә тән бәргәндәк гоя қишма.

Изнаси қалмай әнди аппақ қарниң,

Қениға айланғандәк йәр жаһанниң .

Қиймастин ақлиғини гоя униң

Ақ чечиги еп қалғандәк гүл-баһарниң

Оқуғучи: Жилниң башлиниши йәни Йеңи жил түрк хәлиқлиридә  жилниң һәр түрлик вақитлириға тоғра кәлгән. Мундақ болишниниң өзигә хәс  сәвәплири бар. Бәзи хәлиқләр иссиқ жайларға учуп кәткән қушларниң  келиш вақтини йәңи жил йесаплиса , бәзиләр деңиз  вә дәрия сулилириниң көпийиши , өсүмлүкләрниң  өсүп чиқиши, һайванатларниң төлләш вақти вә башқа шундақ тәбийәт һадисилирини жил беши Йеңи жил қобул қилған.

Оқуғучи:  Әнди оттура Азия хәлиқлири вә парслар  болса, күнниң һәмәл  боржиға кириши вақтини жил беши – Йеңи жил  қилип бәлгүләп Норуз дәп атиған.

«Кәл баһарим» шеирини оқуйду.

Оқуғучи: «Норуз  нағриси» Йеңи норуз һарписида барлиқ йеза , сәһәрләрда Норуз мәйриминиң кәлгәнлигидин  учур берип нағра- сүнәй челиниду.