"Шалбардың түймелігін өңдеу" тақырыбындағы сабақ жоспары

Сабақ № 21

Күні: 09.02.2017 ж

Сыныбы: 9 «е»

Сабақтың тақырыбы: Шалбардың  түймелігін өңдеу.

Сабақтың мақсаты :

Білімділік: Оқушыларға шалбар түймелігін өңдеудегі технологиялық реттілігін айтып түсіндіру

Дамытушылық: Теориялық білімдерін практикамен ұштастыру арқылы өз бетімен жұмыс  жасауға  дағдыландыру.

Тәрбиелік: Эстетикалық талғамын арттыра отырып ұқыптылыққа, ептілікке, икемділікке, енбек тәртібін сақтауға тәрбиелеу.

Сабақтың типі:   аралас

Сабақ  әдісі:  баяндау, сарамандық, практикалық

Құрал-жабдықтар мен материалдар: бұйым, қайшы, түйреуіш, ине, оймақ, үтік, тігін машинасы, үтіктегіш тақтай, сыдырма-ызба.

Пәнаралық байланыс: сызу, математика

Сабақтың барысы:

І Ұйымдастыру кезеңі

Оқушыларды түгіндеу,

Құрал-жабдықтарын тексеру

.ІІ.Үй  тапсырмасын сұрау 

1.Мата қалыңдығыына байланысты  бүкпелерді өңдеу?

2.Қалыңдығы орташа матадан тігімен бұйымдағы бүкпелер қалай үтіктейді?

3.Қатты матамен тігілген бұйымдардағы қосымша мата жалғап тігілген бүкпелердің үтіктелуіі?

4.Қатпарларды өңдеу. Бір жақты қатпарлар.

5.Күлтелі қатпарлар: екі жаққа қарай жатқыза үтіктелген бүктемелерді біржақты қатпарлар сияқты өңдейді?

6.Қарсы қатпарларды өңдеу?

Шалбарда кездесетін ақаулар және оларды жою жолдары

Кездесетін ақаулықтар	Себебі	Жою жолдары
Шалбардың бел тұсы кең  .	а) бел айналымы өлшемі дұрыс алынбаған; б) шалбардың жоғарғы қиығы созылған	а) артық матаны бүйір тігісіне,  бүкпеге немесе белден мықынға дейінгі ортаңғы тігіске алу; ә) шалбардың жоғарғы қиықтарының белге қонымдылығын сәйкестендіру
Шалбардың мықын тұсы кең – бүйір тігісін бойлай артқы жартысының мықын деңгейіне тік қатпарлар түскен	Мықын айналымы өлшемі дұрыс алынбаған немесе мықынды бойлай қосылған қосымшасы үлкен	Мықын деңгейінен артық матаны бүйір тігісіне жіб еру.
Алдыңғы жартысының бүктемелері сыртқа қарай жылжыған	а) шалбар жартысы адымдық тігіспен қате біріктірілген; ә) конструкциялағанда аяқ позициясының ерекшелігі ескерілмеген – табан ішке қараған; б) бөксе тұсында шалбардың артқы жартысы в) бүйір тігісі қысқа – денебітім ерекшелігі ескерілмеген (бөксе шығынқылығы)	а) шалбардың алдыңғы жартысынан қажет мөлшерге дейін адымдық тігіс бойымен жоғары жылжыту, күлте сызығын тереңдету; күлте сызығын тереңдету; қажет жағдайда алдыңғы жағының бел тұсынан артық матаны қиып тастау; соған сәйкес сондай мөлшерде артық матаны балаққа жіберу және бақылау нүктелерінің орналасуын тізе сызығына өзгерту

Сергіту сәті.

Кім тапқыр ойыны.
Әрбір сұрақта мағыналары әртүрлі, бірақ айтылуы және оқылуы бір анықтамалар берілген (омонимдер)
1. Бұйымға пайдаланатын фурнитура немесе тыйым етістігі (түйме)
2. Мата қиындысынан дайындалатын бұйым немесе көл жағасындағы өсетін өсімдік (құрақ)
3. Су өтетін арық немесе іс - қимыл етістігі (жап)
4. Қамырды дайындау процессі немесе құмырсқаның ұясы (илеу)
5. Спорт түрі немесе ерлердің шаш үлгісі (бокс)
6. Өсімдік мүшесі немесе мектептегі оқыту процессі (сабақ)
7. Жұқа синтетикалық мата немесе көгілдір отын (газ)
8. Иірім жіп немесе конфет атауы (ирис)
9. Қыздың бұрымы немесе іс - қимыл етістігі (шаш)

ІІ Жаңа сабақ.

Шалбар түймелеуінің тілігін өңдеу үшін шалбардың әрбір алдыңғы жартысындағы алдыңғы орта сызығынан  тұтас пішілген әдіп пішіледі. Әдетте, шалбар пішімінде өңдеу тігімі сызығы беріледі. Жоқ болған жағдйда оны өзің сызып алуың керек. Өңдеу тігімі сызығын пішілетін бөлшектің теріс жағына арнайы көшіргіш қағаздың көмегімен көшіру керек. Одан соң сызылған сызық бойымен бөлшектің өң жағынан көрінетіндей етіп көктеу жүргізу керек.

Сыдырма түймелеуді қондырып тікпес бұрын бүйірлік және адымдық тігістер жасап алу керек. Түймелеу үшін тілік белгісінен төмен адымдық тігіске жеткізбей  күлте қиығын сырып тігу. Тігіс соңын бекіту.

Сарамандық жұмыс

І Кіріспе нұсқау

Жұмыс барысы    Техникалық қауіпсіздігін еске түсіру. Нұсқау картасымен

                              таныстыру.

Сабақты қорытындылау:

1.     Қателер мен оның себептерін талдау

2.     Жаңа сабақты қорытындылай келе оқушыларды мадақтау және бағалау.

ҮІ. Үйге тапсырма:  Жұмысты жалғастыру.