4-сыныпқа қазақ тілі пәніне арналған "Біріккен сөздер" тақырыбына сабақ жоспар үлгісі

Қазақ тілі 4-сынып

 Тақырыбы: Біріккен сөздер

 Мақсаты: Күрделі сөздер ұғымын бекіте отырып, біріккен сөздер туралы түсінік беру.

 Сөздік қорларын байыту.

 Ұқыптылыққа, алғырлыққа тәрбиелеу.

 Көрнекілігі: үлестірмелі карточка, плакат

 Барысы:

 1. Ұйымдастыру кезеңі

 2. Үй тапсырмасын тексеру

 «Қысқы тіршілік» тақырыбында жазған шығармаларын оқыту. Шығарма құрамындағы күрделі сөздерді тапқызу, олардың жолдарына тоқталу. Жаттауға берілген ережені жатқа сұрау.

 224 – жаттығуды дәптерді жинап алып тексеру

 3. Жаңа сабақ

 1. «Фигураны тап» ойыны (берілген фигурамен жұмыс жасайды)

 Фигура атауларын тақтаға тізіп жазып шығады.

 Шаршы, төртбұрыш, үшбұрыш, көпбұрыш, түзу, бұрыш

 Сол сөздердің ішінен күрделі сөздерді табу. Жасалу жолына тоқталу.

 төрт + бұрыш, үш + бұрыш, көп + бұрыш,

 Осы мысал арқылы ережені балалар өздері құрап шығарады.

 2. Жұмбақ шешу

 Алғашқы буыным,

 Көшті бастар ұлымын.

 Сосын тоғай нуының

 Жыртқышының бірімін.

 Екеуін қоссаң ірімін,

 Көп аңдардың дүрімін.

 Жол + барыс

 Бір ақынның атында,

 2 түбір, 4 буын.

 Мұны тауып қанекей,

 Айтар екен кім бұрын?

 Сұлтан + махмұт

 Әкесі тышқан,

 Шешесі құстан.

 Жар + қанат

 Сауыттан мықты шапаны,

 Жәндіктің нағыз шабаны.

 Тас + бақа

 3. Оқулықпен жұмыс

 226-жаттығу (ауызша)

 227-жаттығу (кезектесіп тақтада орындайды)

 Қос+құдық, Қара+жол, Ақ+теңіз, көк+жиек, Ай+дос, ақ+сақал, Ақ+қу, Бір+жан, әлде+қалай

 228-жаттығу (орындарында орындау)

 Біргу арқылы жасалған жер-су атауларын теріп жазу.

 Кітаптағыдан басқа да бірігу арқылы жасалған жер су атауларымен таныстыра кету. Таулар: Ақшұнақ, Мыңшұқыр, Амантекше, Қалмақасу, Қаражырық, Салқынбел, Үшбүйен, Күреңбел, Мұзбалақ, Көкжамбас, Көкбұлақ, Көктөбе, Торыайғыр, Қызылауыз.

 Өз өлкемізге қатысты жер – су атаулары : Қызылту, Сарыжал, Ақбұлақ, Шетбай, Сарыөзек, Бәдутұсаған т.б.

 Тапсырманы бұрын орындап болған оқушыларға берілетін қосымша деңгейлік тапсырмалар:

 №1.

 Біріккен сөзді тап.

 Жетісуда жүрмесең,

 Тауды қайдан білесің?

 Алма теріп көрмесең,

 Бауды қайдан білесің?

 №2

 Төмендегі сөздерден біріккен сөз жаса

 Бөрі, жол, басар, барыс, дос, гүл, ай, жан.

 №3

 Біріккен сөздерге сөйлем құра.

 Қосаяқ, асқабақ, ақбөкен.

 4. «Сандар сыр шертеді» ойыны

 1+қазан 1+неше 6+бақан 6+атар

 7+қарақшы 7+су 3+бүйен

 8+аяқ 9+құмалақ 40+құлақ 80+көл

 40+аяқ 1000+тамыр 1000+шұқыр

 Қорытынды: «Ақ» түбірі арқылы жасалған біріккен сөздерді табу (схема бойынша жұмыс)

 Ортадағы сөзден "ақ" жан жаққа осындай сөздер кетеді: сақал, тоғай, су, марал, бөкен, дана, қу, жарқын, бөпе, ерке, бота, жайық, нұр, төбе, адыр , су, бауыр

 «Аққа құдай жақ» деген нақылды басшылыққа ала отырып, сабақ соңында оқушылар келген қонақтарға бір – бір ауыз ақ тілектерін айтады.

 Үйге тапсырма: 229-жаттығу.

 Біріккен сөздерді қатыстыра отырып «Біздің жанұя» тақырыбында ойтолғау жазуға беру.

 Бағалау.