Инфоурок › Классному руководителю ›Другие методич. материалы›Тақырыбы: "Көктем аруы" сайыс сабақ

Тақырыбы: "Көктем аруы" сайыс сабақ

Тақырыбы: «Көктем аруы»

Сабақтың мақсаты: 1.Білімділік: Қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт-дәстүріне байланысты әдептілікке, инабаттылыққа, ізеттілікке тәрбиелеу. 2. Дамытушылық: Әр қыз баланы парасатты, жан-жақты білімді болуға тәрбиелей отырып, бойындағы табиғат сыйлаған қасиеттерінің ашылуына ықпал ету. 3. Тәрбиелік: Қыздарды ұқыптылыққа, ұйымшылдыққа, жауапкершілікке тәрбиелеу. Көрнекілігі: Қанатты сөздер: «Қызды тәрбиелеген – ұлтты тәрбиелейді» фото-стенд

Барысы:

1-жүргізуші: Құрметті ұстаздар, ата-аналар, оқушылар! Сіздерді және осы сайысқа қатысатын аяулы аруларымызды келе жатқан 8-наурыз мерекесімен құттықтаймыз! 2-жүргізуші: Қазақ қызы десе ашық, бірақ жүзінде ұяңдық бар, әдепті, инабатты жан елестейді. Бүгінде сол әдепті де әдемі, инабатты да мейірімді ару қыздарымыз сынға түскелі тұр. «Көктем аруы» байқауына қош келдіңіздер!

1-жүргізуші: Қызғалдағы қаптаған,

Әнші – жыршы мақтаған,

Есігінен әр үйдің

Бақыт болып аттаған

Қыз – көктем !

2-жүргізуші: Алтын шуақ шашылған,

Алтын моншақ тағылған,

Табиғаттың өзі де,

Тағат таппай мақтаған.

Қыз – көктем!

1-жүргізуші: Күйдіргендей өртімен,

Қызықтырған көркімен,

Шуағын шашып келіп тұр,

«Қыз сыны» мен Қыз - көктем.

2-жүргізуші: Бозбаланың ән – жыры,

Арта берсін мерейі,

Көп күттірген құрбыны,

Қыз – көктемде «Қыз сыны».

1-жүргізуші: Бүгінгі сайыстың әділ бағасын беріп, сайыстың жеңімпазын анықтайтын әділ қазылар алқасымен таныс болыңыздар.

-2-

1. Директордың тәрбие ісі жөніндегі орынбасары –

2. Директордың оқу ісі жөніндегіт орынбасары –

3. Технология пәнінің мұғалімі –

4. Математика пәнінің мұғалімі –

5. Қазақ тілі мен әдебиеті пәнінің мұғалімі –

2-жүргізуші: Мен қазақ қыздарына қайран қалам,

Жанары жаны жаздай жайраңдаған.

«Қыз өссе елдің көркі» деген сөзді,

Қапысыз қалай айтқан қайран бабам.

(Осы кезде ортаға сері жігіттерді ерткен ханзада шығады) 1-жүргізуші: Не қылып жүрген жансыздар? Ханзада: Дастан - Мен атақты Байболсын жерінің ханзадасы боламын.

2-жүргізуші: - Ханзада,қабағыңыз түсіңкі, көңіл-күйіңіз жоқ қой?

Ханзада: Дастан - Көңіл-күйім қайдан болсын. Қанша жыл болды бармаған жерім, баспаған тауым жоқ, ғажайып ханшайымды іздеп жүрмін.

1-ші сері: Ермаш Біз ханзадамен көп елді болдық. Жолымызда хор қызындай сұлу, жақсы қыздар кездесті. Бірақ, бірде-біреуі біздің ханзадамыздың көңілінен шықпады.

2-ші серИлхам : - Сонымен, ханзадамен бірге ақылына көркі сай қазақтың қарапайым қызын іздеп жүрміз.

1-жүргізуші: О, ханзада «Жолы болар жігіттің, жеңгесі шығар алдынан» демекші, дәл бүгін сіздің жолыңыз болайын деп тұр. Өйткені дәл қазір мына сахнада «Көктем аруы» байқауы өтеді. 6 d сыныбының ақылына көркі сай қыздары сынға түседі.

2-жүргізуші: Ханзада,ендеше қыздардың өнерін бірге тамашалаймыз.

1-ші сері жігіт: Ханзада, мүмкін ғажайып ханшайымды дәл осы жерден кездестіреміз.

(«Қыз сыны» әуенімен қыздарды сері жігіттер ортаға алып шығып, жарты дөңгелек жасап тұра бастайды)

1-жүргізуші: Ендігі сәтте «Көктем аруы» байқауының шарттарын атап өтейік.

Бірінші бөлім: «Сәлем сөздің анасы» деп аталады. Бұл бөлімде әр ару өзін таныстырады.

2-жүргізуші: Екінші бөлім: «Өнерліге өріс кең» деп аталады. Бұл бөлімде әр ару өз өнерін көрсетеді. (Өнердің барлық түрі жатады).

1-жүргізуші: Үшінші бөлім: «Қыз еркем, кестесімен көркем» деп аталады. Аруларымыз түйме қадаудан, ерлер жейдесін бүктеуден жарысады.

2-жүргізуші: Төртінші бөлім: «Ас адамның арқауы» айдарымен қыздарымыз салат жасап, сүлгі бүктеуден жарысады.

1-жүргізуші: Бесінші бөлім: «Білімдіден шыққан сөз, талаптыға болсын кез» деп аталады. Аруларымыз өз білімдерін сынайды.

-3-

1-жүргізуші: Аяулы асыл армандай,

Жанымда менің жүзді арай.

Танысып өскен талдардай,

Қазақтың ару қыздары-ай!

2-жүргізуші: Халқының сақтай білсе ізгі салтын,

Арулар «толған айдай» жүзі жарқын,

«Тегін білу тектілік» депті халқым,

Арулар таныстырып, сөз бастасын.

(Әр ару өзін жеке таныстырады)

№ 1-ші ару

: Көркем сөз оқып мәнерлі.

Жеткізген ойын әдемі.

Талапты қыз Жансая

Бағалай білген өнерді.

Өнері бар, ойы ұшқыр

Жансая әртіс боларсың.

Сахнаның ашып сырларын,

Әлемді тәнті қыларсың.

№ 2-ші ару –

: Жаралған ба ақ сезім таңнан-нұрдан.

Көрген адам қиялдай арман қылған.

Мінезімен, көркімен таңқалдырған.

Алдыңызға келіп тұр ару –Аружан.

№ 3 -ші ару -

: Шыға келсе, жарқ етіп таң атқандай,

Демің тартып қарайсың тағат таппай,

Әр қимылы, әсем ән, әуез, ырғақ,

Аққу жүзіп айдында баратқандай,

Қарсы алайық аруды – Куанайдай.

Балғын дене, гүл шырай,

Мүсінінің мінсіз-ай,

Шуақ шашқан Куанай.

№ 4-ші ару –

: Атқан таң шұғыласын жиып алып,

Бақыттың жанарында оты жанып,

Балдай тәтті қылығы, әсем сөзі.

Біздің Тахмина арудың нағыз өзі.

№ 5-ші ару –

: Алыста ойлары, биікте қиялы,

Қиялмен аспанда жұлдыз боп жанады.

Жадырап күн дидары сәуле шашты.

Қарсы алып, құрметтейік Арайды.

-4-

№ 6 -ші ару - : Аяжан нағыз шәкірт өнегелі.

Үлгі алған қайда жүрсе төңірегі.

Баптаған бәйге атындай сыныптасын

Жүлдені озып ал деп сөредегі.

№ 7-ші ару -

Сыныптың спорттан намысын

Қорғап жүрген Алуа

Осы жолдан таймаса

Үмітір ақтар елінің.

Мінезі жұмбақ Алуаның,

Біле алмадым арманым.

Қалаймын енді мен оның

Жолының алда болғанын.

№ 8-ші ару –

: Көзі қандай – еліктің жанарындай,

Белі қандай өріктің сабағындай.

Алма мойын, ай қабақ, ақша маңдай,

Көріп пе едің сұлуды дара мұндай,

Қарсы алыңдар аруды, келе жатыр

Мен мақтаған ару қыз Диана ай.

№ 9-ші ару –

: Талапты қыз, ынталы.

Арайлап атсын ақ таңы.

Сүйкімді қыз Арайлым

Сыныптың нағыз қорғаны.

№ 10-ші ару –

: Құйылған ақ сезімнен дара шыңдай,

Жүрегі Аяулынын пейілге бай.

«Ана көрген тон пішер» - деген бабам,

Шеберлігі бұл қыздың таң қалғандай.

: Сабырлы Аяулының жүзі жарқын.

Гүл өсіп жатар басқан ізіне әр күн.

Өзгелер ұрсар жерде ол күледі.

Сақтап сын сағатта ірі қалпын.

№ 11-ші ару –

: Атыңнан айналайын Адель деген,

Сенің ісіңе жақсы баға берем.

Жеңіс туын тігерсің, болашақта,

Үміті зор мектептің саған деген.

2-жүргізуші: Жадырап сәуле бейне күн дидары

Бұлбұлдай дауысыңмен ән силашы.

Күй тартып, би де биле, өлең оқы.

Аруға қай өнер де жарасады.

-5-

Аруларымызды өз өнерін көрсетуге шақырамыз.

№ 1 ару – Давлет жансая

№ 2 ару – Кусайынова Аружан

№ 3 ару – Құрманғалиева Қуанай

№ 4 ару – Ушамова Тахмина

№ 5 ару – Қуат Арай

№ 6 ару – Рай Аяжан

№ 7 ару – Нурдавлетова Алуа

№ 8 ару – Махмут Диана

№ 9 ару – Қайшыбек Арайлым

№ 10 ару – Ешетаева Аяулым

№ 11 ару – Низахунова Адель

1-жүргізуші: Ханзада, сізге не болды?

Ханзада: Қыздардың өнеріне тәнті болғаным сондай, абайсызда түймемді үзіп алдым. Енді не істерімді білмей тұрмын.

2-жүргізуші: О, ханзада, жан-жағыңызға қараңызшы. Он саусағынан өнер тамған қаншама ару тұр. Олар түймеңізді лезде қадап береді.

Ханзада: Жо-жоқ! Тоқтай тұрыңыз, мен шапанымды кім көрінгенге тіктіре алмаймын. Өйткені шапанымның матасы қымбат, түймесі алтын.

1-жүргізуші: Мен сізді түсіндім ханзада. Ендеше, қыздарымыздың түймені қалай қадайтынын көрейік. Содан соң, ең шебер қыз сіздің шапаныңыздың түймесін қадай жатар.

2-жүргізуші: Құйылған ақ сезімнен дара шыңдай.

Жүрегі қыздарымның ақылға бай.

«Ана көрген тон пішер» - деген бабам,

Шеберлігі бұл қыздардың таң қалғандай.

1-жүргізуші: Ендігі кезекте қыздарымыз түйме қадап, ер адамның көйлегін бүктеп жарысады.

(Осы кезде қыздар түйме қадап жатқанда, сынып ұлдары ортаға шығып қыздар жайлы мақал-мәтелдер айтады)

2-жүргізуші: Пір тұтқан адамдықты, адалдықты,

Көркімен таң қалдырған тамам жұртты.

Қыздардың қылығымен өмір қызық,

Қыздардың ғұмырымен заман құтты.

1-жүргізуші: Сайысымыздың 4-ші бөлімі «Ас адамның арқауы» деп аталады. Бұл бөлімде қыздарымыз салат жасап, сүлгі бүктеуден жарысады.

(Осы кезде сыныптың ұлдары «Жігіт болудың қиындықтары» деген әзілді көрсетеді)

2-жүргізуші: Жас ару ғұмырдың талғамысың.

Қуантқан әрбір үйдің арманысың.

Дәл бүгін қанат қомдап, сыналарда,

Сан сұрақтан сүрінбей, самғап ұшқан.

Ақылдылық қыздарға жарасады.

Көзі ашықпен бәрі де санасады.

Келесі сұрақ-жауап сайысында,

Сыналар білімі мен парасаты – дей келе, сайысымыздың келесі «Білімдіден шыққан сөз, талаптыға болсын кез» бөлімін бастаймыз.

Енді аруларымыз сұрақтарға жауап береді.

1-жүргізуші: Мен қазақ қыздарына қайран қалам,

Жанары жаны жаздай жайраңдаған.

«Қыз өссе елдің көркі» деген сөзді,

Қапысыз қалай айтқан қайран бабам.

2-жүргізуші: Сүймеген сені азамат азамат па?

Көңілің тәрізді аппақ таза мақта.

Бәрін айт, бірін айт та лайықтысың,

Қазақтың қызы деген ғажап атқа – дегендей.

Қыздарымыз апаларының өнегелі істерін өз бойларына дарытып өссе екен дейміз. Ата-бабаларымздың ықылым заманнан келе жатқан салт-дәстүрін, әдет-ғұрпын сөндірмей жалғастыратын өнерлі де ибалы боп өссе дейміз.

1-жүргізуші: Осымен байқауымыз өз мәресіне жетті.

Ару қыздарымызға рахмет айтамыз.

Мерекелеріңіз құтты болсын!

2-жүргізуші: Сайыстың қорытындысын шығару үшін әділ қазылар алқасына сөз береміз.

(Жарыстың қорытындысын шығару).

Қыздарды марапаттау.

Қорытынды сөз.

Ш.Уалиханов атындағы орта мектеп

Көктем аруы

(«Қыз сыны» байқауы)

Технология пәнінің мұғалімі З.А.Толымбекова

Cұрақ 1