«Таным» білім беру саласының жаратылыс тану ұйымдастырылған оқу қызметінің технологиялық картасы Тақырыбы: « Нан-біздің байлығымыз»

«Таным» білім беру саласының жаратылыс тану ұйымдастырылған

 оқу қызметінің технологиялық  картасы

 Жасы:(4-5)  Ортаңғы «Көгершін» тобы

Тәрбиеші: Исмакова Б.С

15.12.2017.

Тақырыбы: « Нан-біздің байлығымыз» 

 Мақсаты: Нанның өсірілу процесі туралы түсініктер беру. Нанды қастерлеуге тәрбиелеу, ересек адамдардың еңбектерін сыйлауға тәрбиелеу.

Алдын –ала жұмыс және оқу қызметіне дайындық: нан туралы тақпақ, тыйым сөздерді жаттау,  қайталау

Сөздік жұмыс: нан қиқымы, бидай, ас атасы, диірмен, наубайхана

Дидактикалық құралдар: суреттер, игровизор

Іс-әрекет кезеңдері.	Тәрбиешінің іс-әрекеті	Балалардың іс-әрекеті
Мотивациялық  қозғаушы	Тәрбиеші өлең оқиды, балалардан өлең не туралы екенін сұрайды. Нанда өмірдің иісі мен дәні бар, Нанда адамның еңбегі мен ары бар. Нан - өмірдің ана сүті, арқауы, Нансыз жерде қай өмірдің сәні бар. Дастарханға қойылатын дастархан сәні, ең қадірлі ас қалай аталады?	Балалар өлеңнің нан туралы екенін айтады. - Нан.
Проблемалық ізденушілік	- Балалар, нан неден алынады? - Бидай туралы тақпақ білесіңдер ме? Ендеше біз бидайды қайдан аламыз? Қандай нан түрлерін білесіңдер? - Балалар, ендеше нанның  қайдан, қалай келгеніне тоқталайық. Қырманнан, диірменнен, наубайханадан, дүкеннен дастарханға келген. Нан – дастарханның көркі. Олай болса, мына суретке назар аударайық. - Балалардың көңілді, әрі қуанышты өмір сүруі үшін дастарханға келетін бір түйір нанға қаншама адамның маңдай тері сіңеді. Енді соған тереңірек тоқталайық. - Ерте көктем келісімен адамдар трактормен жер жыртып, дән себеді. Оны күтіп, баптайды. Тыңайтқыштар сеуіп, арам шөптерін жұлып, зиянкестерге қарсы дәрі сеуіп жаз бойы егін басында жүреді. - Егін піскен кезде адамдар оны комбайнмен жинауға кіріседі. Күн демей, түн демей егін алқабында егін жинаумен болады. Жиналған егінді машинаға құйып, диірменге апарады. Диірменде бидайдан ұн тартады. Ұнның үш сорты болады. Ұнды қапқа салып, вагондарға тиеп, қалалар мен ауылдарға жөнелтеді. Қапқа салынған ұн наубайханаларға апарылады. Наубайханада ұнның әр сортынан нан түрлері пісіріледі. Міне, нанның дастарханға келуі үшін қаншама адамның маңдай тері сіңеді.        Біздің елімізде көптеген облыстарда бидай егіліп жиналады. Атап айтқанда Ақмола, Ақтөбе, Қостанай, Павлодар, Орал облыстарында бидай егіліп, өндіріледі. Біздің еліміз өте бай. Осы байлығымызды Қазақстан Республикасының рәміздерінің бірі Елтаңбада көрсеткен. Мақал айтып, оны қайталау: Д/О «Бидай тағамдарын тап»  Тыйым сөздер 1.Нанды бір қолмен үзуге болмайды. 2.Нанды төңкеріп қоюға болмайды. 3.Нанды аяқ астына тастама. 4. Дүкенге барғанда нанның сапасын қолыңызбен анықтамаңыз. Бұл тазалыққа да, мәдениеттілікке де жатпайды. 5.Нанды сатып алғанда таза дорбаға салыңыз.	- Бидайдан Нан анасы бидаймын, Елге астық сыйлаймын. Дәнім толып піскенде Қауызыма сыймаймын. Ол далада өседі. Балалар суретке қызығушылықпен қарап, тәрбиешіні мұқият тыңдайды. Балалар тәрбиешімен қосылып, білетіндерін айтады. Наубайханада ұннан қамыр илеп, қамырдан нанның формасын жасап, пешке салып пісіреді. Наубайханадан дүкендерге жіберіледі. Дүкеннен адамдар сатып алып, дастарханға қояды. Балалар мақалды, тыйым сөздерді қайталайды. Дастархан көркі нанменен, Тойдың сәні әнменен Нан болса, ән де болады. Нан қиқымын шашпаңдар, Жерде жатса баспаңдар
Рефлексивтік-түзеуші	Балалар, бүгін не туралы айттық? Нан бізге қандайеңбекпен, қалай келеді? Нан туралы қандай тақпақ білесіңдер? Қандай тыйым сөздер білесіңдер?

Күтілетін нәтиже:

Қайталай алады: Нанды қастерлеуді;

Түсінеді: Нанның өсірілу процесі туралы;

Қолданады: Ересек адамдардың еңбектерін сыйлауды, құрметтеуді;

.,