М.
ӘУЕЗОВ АТЫНДАҒЫ ОҢТҮСТІК ҚАЗАҚСТАН МЕМЛЕКЕТТІК УНИВЕРСИТЕТІНІҢ КОЛЛЕДЖІ
БЕКІТЕМІН
ОҚМУ
колледж аға тәлімгері
_____________
Тәлімгерлік сағат
Тақырыбы: Алғыс
айту күні.
Топ: ҒСн 18-10к
Топ тәлімгері: Әділ
А.Ж.
Шымкент
2019 ж.
Тақырып: Алғыс
айту күні.
Тобы: ҒСн -18-10
к
Топ
жетекшісі: Әділ А.Ж.
Мақсаты:
1) Білімгерлердің «сыйластық» құндылықтары туралы түсініктерін кеңейту.;
2) Ризашылық пен алғыс туралы түсінік беру;
Қазақстан халқы
Ассамблеясының жиырма жылдығын мерекелеу аясында Елбасы этномәдени бірлестіктер
өкілдерінің ұсыныстарды қолдап, бұл күнді этностардың бір-біріне және көптеген
этностар елге күштеп қоныстандырылған кезде төзімділік пен қонақжайлылық
танытқаны үшін қазақ халқына алғыс білдіре алатын күн деп жариялады.
Ассамблеяның ХХІІ
сессиясының ашылу салтанатындағы сөзінде Мемлекет басшысы қиын-қыстау заманда
елімізге көптеген халықтардың жер аударылғанын, сол кезеңде жергілікті жұрттың
оларға үлкен қамқорлық көрсеткенін, елдің жағдайы ауыр болса да, барын бөлісіп,
тату-тәтті тірлік еткенін еске алды. «Сталин режімінде әр жылдары, өздеріңіз
білетіндей, халықтар түгелдей жер аударылды. Оларды вагондардан ауылдарға
тастап кете берді, олардың еш дүниесі болған жоқ. Сол уақытта бұл далада өздері
мұқтаж бола отырып, оларды саман үйлеріне қабылдаған қазақтар, қазақ отбасылары
ғана өмір сүрді», деді Елбасы. Нұрсұлтан Назарбаевтың осы сөздері «Алғыс айту
күні» мерекесінің басты философиялық іргетасы болды. Бұл күнде барлық ұлттың
бір-біріне және осы адамдарды қабылдаған, барынша қамқорлық білдірген
қазақтарға алғыс айтуы тамаша дәстүрге айналды. Алғыс айту күннің халықаралық
дәрежесі жоқ, бірақ еліміз үшін бұл үлкен аса маңызды мерекелердің бірі. 1 наурыз
– Елбасының бейбітшілік пен келісімге негізделген сарабдал саясатының
нәтижесі паш етілетін күн. Ұлы Дала елінің жастары үшін біртұтас елдіктің,
ынтымақтастық пен татулықтың және де өткенге салауат пен болашаққа деген
үміттің мерекесі. Алдағы уақытта Елбасы бастаған Қазақстан халқы Ассамблеясы
жастар саясатын жаңартуды жоспарлауда. Саяси, экономикалық, рухани жаңғырудың
аясында ҚХА жастар қанатын реформаландыру да көкейкесті мәселе. Бүгінгі буын
бір шаңырақтың астында, біртұтас ұлт ретінде қазақтың еліне, жеріне, тіліне
құрмет білдіре жүріп, Ұлы Дала елінің дамуына үлес қосуға дайын.
1 наурыз –
елімізде тұрып жатқан барлық этнос бір-біріне ризашылығын айтатын күн. Әсіресе
қиын-қыстау заманында жер аударып келген түрлі ұлт өкілдері шыдамдылық танытып,
ерекше қонақжайлылығын көрсеткен қазақ жұртына алғыстарын білдіретін күн. Өткен
ғасырдың басында саяси қуғынға ұшыраған мыңдаған адамның отбасылары қазақ
жеріне көшіріліп, тағдыр талқысына ұшыраған еді. Сындарлы заманда өздері
қиналған жергілікті қазақ халқы шетелдіктерді бауырына басып, шаңырақтарына шақырды.
Түрлі этнос өкілдері сол кезден бері Қазақстанда тұрақтап, біте қайнасып кетті.
Алғыс айту күні осымен үшінші жыл қатарынан аталып өтіледі.
Былтырғы
жылдың 14 қаңтарындағы Қазақстан Республикасы Президенті Н.Ә.Назарбаевтың
Үкімімен 1 наурыз, яғни көктемнің алғашқы күні «Алғыс айту күні» болып
белгіленді. Бұл ұсынысты Елбасымыз Қазақстан Халқы Ассамблеясының 22
сессиясында талқылаған болатын. «Әртүрлі ұлт пен ұлыстарды өз туысындай
бауырына тартқан халқымызға ризалығын білдіру және де бір-бірімізге деген
жылулығымызды сезіндіру мақсатында біз осы күнді арнайы мейрам ретінде
жариялағымыз келеді», - деген болатын Елбасымыз. Алғыс айту күні – ең алдымен
елімізде тыныштық пен үндестік, өзара сенімділік пен барлық қазақстандықтарға
деген құрметтің орнығуына негіз болған Президентіміздің бейбітшілік пен келісім
саясатының салтанатты күні. Иә, шынында әр адам бір-біріне мейірім танытып,
қамқорлық көрсетіп, қолдау, сүйеу болса бұл әрине үлкен адамдықтың белгісі.
Ризашылық білдіру, алғыс айту – жалпы адамзат өркениетінің жеке адам мәдениеті
мен адамгершіліктің ең бір асыл көрінісі. Алғысқа тарылмау, рахметке арланбау –
қоғам үшін кемелділіктің, ал жеке адам үшін тектіліктің белгісі. Мұндай
тектілік біздің қанымызға көнеден сіңген. Көк тәңіріне табынған көне түркілерде
алғыс сөзі ізгі тілек айту мағынасында қолданылған. Ұлы дала ислам дінін
қабылдаған кезеңде алғыс түсінігін бата ұғымы алмастырып, қазақ қоғамында
ризашылық пен алғыс белгісі ретінде бата беру орнықты. Осылайша ұлттық ұғымда
алғыс алған адамды тәңірі жарылқап, оның құты көбейеді, ырысы артады деген
сенім қалыптасқан. Ұлт санасында алғыс түсінігімен астасып, қазақтың
тұрмыс-тіршілігіне дендей енген «Асар», «Жылу», «Ерулік», «Бата» және
«Бұйымтай» секілді ұғымдар талай дәуірлер дүрбелеңінде ынтымақты бұзбай елдікті
сақтауға қызмет етті. Халқымызда алғыстың елдік үшін паш ететін аталы сөзі де
аз емес. Міне, бүгін мыңдаған жылдық тарихы бар алғыс айту дәстүрі жаңа
Қазақстанның ресми мерекесіне айналып, қоғамдық құндылықтар қатарына еніп отыр.
Жиырмасыншы ғасырдың басынан аяғына дейін Қазақстан аумағында діні мен ділі
әралуан халықтың күрделі қалыптасу үрдісі жүрді. Қызыл империяның қаһарына
ұшыраған 100-ден аса ұлт өкілі қазақ жеріне қоныс аударды. Қазақ елі атамекенге
келген ұлттарға қонақжайлық қасиетінен айнымай, құшағын айқара ашты. Бүгінде
олардың ұрпақтары Қазақстанды өз отандары санайды. Сондықтан ҚХА құрылған күні
1-наурызды жыл сайын барлық этностардың бірі-біріне деген мейірімділігінің,
қазақ халқына деген ризашылығының құрметі белгісі ретінде атап өтуінің мәні
зор. Бұл мейрамды көктем айының алғашқы күнінде тойлануының өзіндік мәні мен
мағынасы бар. Аталмыш мереке достықтың, ынтымақтастықтың, сыйластықтың
жастарымызға берері мол тәрбиелік мәні бар тәлімді мереке екендігін түсіне
біліп, еліміз кеңінен тойлауда.
Оставьте свой комментарий
Авторизуйтесь, чтобы задавать вопросы.