Тренинги учиетлям на тему "Біз біргеміз, берік іргеміз"

Мұғалімдерге арналған тренинг:

-  Сәлеметсіздерме, ұлағатты ұстаздар! Бүгін сіздерді психикалық көңіл-күйлеріңізді көтеруге, өз бойларыңыздағы шығармашылық қабілеттеріңізді бағалай білуге өз-өзіңізге құрметпен қарауға, бір-бірімізбен сыйластық қарым-қатынаста болуға арналған «Біз - біргеміз, берік іргеміз» тренинг сағатына ұйымшылдықпен қатысуға шақырамын. 

Мақсаты: ұжым арасындағы байланысты нығайта отырып, эмоционалды жігер беру, бірін - бірі кеңірек танып білуге шақыру, көңіл күйлерін көтеру.

1 - жаттығу Қатысушылар шеңбер құрып отырады.
Нұсқаулық: Барлығымыз орынымыздан тұрып бір-бірімізбен қол беру арқылы, құшақтасып, оң иықпен, сол иықпен, оң аяқпен, сол аяқпен, оң тіземен, сол тіземен, балалық еркелікті еске алып мұрын ұшымен сәлемдесеміз.

2 - жаттығу. Қатысушылар шеңбер құрып отырады.
Жүргізушінің қолында доп болады.
Нұсқаулық: Қазір бір бірімізге допты беру арқылы допты қағып алған адам: Сіз өмірде қандайсыз? Деп сұрақ қояды, қағып алған адам өз бойындағы жақсы қасиетін айтады. Әркім өз бойындағы жақсы қасиеттерін айтып шығуы керек.

3 – жаттығу. «Орынды ауыстыру»

Қазір менің айтуым бойынша тұра қаласыздар.

1.Осы жазда кім көлдің жағасына демалуға барды?

2.Кім басқа қалаға қыдырып барды?

3.Кім бау-бақша өсірді?

4-жаттығу. «Сергіту сәті».

5 – жаттығу. «Тату алақан» жаттығуы.Әр қатысушы өз парағына алақанының суретін салады да, өз орнында қалдырып кетеді, келесі қатысушының орнына барып, оның алақаны салынған суреттің ішіне оған жақсы тілек жазады. Осылай шеңбер бойымен барлығы бір-біріне тілек жазып шығады.

Рефлексия: «Ашығын айтсам» 
1. Бүгінгі тренинг сіздерге ұнады ма? 
2. Тренингтен қандай әсер алдыңыз? 
3. Тренингтен кейінгі көңіл күйіңіз қандай? 
Қорытынды: Адам өмірде екі нәрсемен қартаймайды, біріншісі-қайырымды ісі, екіншісі- жүректен шыққан жылы сөзі. Әрқашанда бір-бірімізге жылы сөздер айтып, бір-бірімізге қайырымды болайық.