(Урок ) "Алтын күз"

Білім беру саласы:Коммуникация.

Ұйымдастырылған оқу қызметі:Сөйлеуді дамыту.

Тақырыбы:Алтын күз.

Мақсаты:Балалардың күз туралы түсінігін кеңейту.Алтын күздің ерекшеліктері туралы әңгімелеу.Суреттер бойынша әңгіме құрастыру арқылы балалардың тіл байлығын дамыту.Құстарға қамқорлық жасау білуге тәрбиелеу.

Қажетті құрал-жабдықтар:Күз көрінісі бейнеленген суреттер,геометриялық пішіндер,жапсырғыш құралдар,бейнеленген құстың ұясы,күріш,қарақұмық,құм.

Сабақтың барысы:Балалар бүгін біздерге қонақтар келіп қалыпты.Олай болса барлыгымыз орнымыздан тұрып амандасайық.

Шаттық шеңбер!

Қуан шаттан алақай!

Қуанатын күн туды,

Қайырлы таң!

Қайырлы күн !

Сәлеметсіңдер ме қонақтар!

Жарайсыңдар балалар орындарымызға отырамыз.

Балалар қазір жылдың қаймезгілі

Қазір жылдың күз мезгілі.

Ия дурыс айтасыңдар,күз мезгілі.Күз мезгілінде үш ай бар.Олар қырқүйек,қазан,қараша айлары.Күз мезгілінде күн суыта бастайды,адамдар жылы киімдерін киеді.Күзде құстардың бәрі бірдей жылы жаққа ұшып кетпейді.Қалып қойған құстарға қамқор болуымыз керек.Ағаштардың жапырақтарды сарғайып жерге түсе бастайды.Күз мезгілінде жел болады,жаңбыр жауады,жаңбыр жауғанда адамдар қолына қолшатыр ұстайды.Күзде адамдардың еңбегі орасан зор.Олар көктем мезгілінде еккен егінді,жемістер мен көкөністерді,жаз бойы суарып,баптайды.Сөйтіп күзде жыл бойы еккен еңбегінің жемісін көре бастай.

-Балалар, казір жылдың қай мезгілі?

-Қазір жылдың күз мезгілі.

-Күз мезгілінде неше ай бар?

-Күз мезгілінде үш ай бар.Қыркүйек,қазан,қараша.

-Күз мезгілінде қандай құбылыстар болады?

-Күн салқын болады,суыта бастайды,жел болады,жаңбыр жауады.

-Агаштардың жапырақтары қандай түске айналады?

-Сары,қызыл түске айналады.

Ғажайып сәт;Балалар біреу есік қағып тұрғандай ма,есікті қағып Күз ханшайымы кіреді.

-Сәлеметсіздер ме,балалар.

-Сәлеметсіз бе,күз ханшайымы.

Күз ханшайымы:Балалар манадан бері сендердің мен туралы айтып жатқан әңгімелеріңді естіп келе жатырмын.Менің сендерге арнаған бір тапсырмам бар.

-Күзде құстардың бәрі бірдей ұшып кетеді ме?

-Жоқ.

-Қалып қойған құстар тоңып қалмау үшін оларға ұя жасап,жем швшуымыз керек,оларға қамқор болуымыз керек.

1.Жапсырғыш құралдар мен құстарға ұя құрастырамыз.

2.Бейнеленген құстың ұясының  шатырына  күрішті,қабырғасына қарақұмықты жабыстырамыз.

3.Құмға саусақ арқылы құстың ұясының бейнесін саламыз.

4.Геометриялық пішіндерден  құстарға  ұя құрастырамыз.

-Жарайсыңдар балалар,құстар тоңып қалмау үшін оларға  ұя жасап,құрастырып бердік.

-Құстың ұясының шатыры қандай геометриялық пішін?

-Ұш бұрыш.

-Түсі қандай?

-Түсі қызыл.

-Құстың ұясының қабырғасы қандай геометриялық пішін?

-Құстың ұясының қабырғасы төрт бұрыш.

-Түсі қандай?

-Түсі сары.

Сергіту сәті:Теледидардан қарап қымыл жасаймыз.

Күз ханшайымы:Өте жақсы,жарайсыңдар балалар,менің тапсырмамды дурыс орындадыңдар.Енді мен кетейін,сабақтарыңызды жақсы оқып,тәртіпті болыңдар.

-Сау болыңдар,балалар.

-Сау болыңыз.

Сабақты қорытындылау,балаларды мадақтау.