Тренинг. Арттерапия, тән
терапиясы, хромотерапия.
Мақсаты: Педагогтардың бір бірімен қарым - қатынасының жақсара түсуі мен
бойларында жылылық пен мейірімділік қасиеттерін ұялата беру, жұмысқа деген
құлшынысын арттыру.
Сәлеметсіздер ме, әріптестер! Сіздерді көргеніме қуаныштымын. Бүгін сіздермен
арттерапия, тән терапиясы, хромотерапия жаттығуларын орындай отырып, тренинг
өткізгелі отырмыз. Олай болса, тренингімізді бастаймыз.
Керекті құралдар: ленталар, топқа тапсырмалар, кішкене парақшалар.
Хромотерапия. 1 - жаттығу. «Ең әдемі өрім»
Ойынға 6 адам қатысады. Үш - үштен екі топқа бөлінеді.Қалауы бойын- ша өздеріне
ұнаған түсті лентаны таңдайды.Үш адам болып осы ленталарды біріктіріп, әдемі
өрім жасайды.Тез және ең әдемі өрілген өрімнің тобы жеңіске жетеді.
Тән терапиясы. 2 - жаттығу. «Сәлемдесу», «Адамға адам»
Сәлем, сәлем бас!
Сәлем, сәлем құлақ!
Сәлем, сәлем құлақ!
Сәлем, сәлем қол!
Сәлем, сәлем арқа!
Сәлем, сәлем аяқ!
Қарсы тұрған адамды көзбен қабылдау. Бір - бірінің алақан жылуын қабылдау.
Қарсы тұрған адамды жүрекпен қабылдау(бір - бірін құшақтау) Басығызды иіп бір -
бірлеріңізге алғыс білдіру.
Арттерапия. 3 - жаттығу. «Суретші»
Ойынға 6 - 7 адам қатысады.Қатысушылар бір - бірінің артына тұрып, өздерін
суретші деп есептеп, арқаларына сурет салады.Суретшілер суретті өздерінің
қалауы бойынша салады.Мысалы: ең қуанышты сәтін, қорқынышты сәтін, бүгінгі
көңіл күйін бейнелеуге болады.
Сергіту сәті. Ән терапиясы.
1. «Әрқашан күн сөнбесін» әні.
2. «Ұстазым» әні.
Әндерді жәй ыңылдап айтып жүріп, өз топтарындағы адамдарды тауып топ құру.
Педагогтар тапқырлықтарын анықтайды.Жауаптарын табу, түсіндіру.
1 - топқа.
1. Шұғыласын төккен күн астында, қол ұстасқан үш бала бейнеленген.
2 - топқа.
2. Түнгі аспан, жымыңдаған жұлдыздар, жарығы сөнбеген бір үй бейнелен ген.
(педагогтар өздері осы бейнені көрсетеді, түсіндіріп береді)
Қорытынды:
«Педагогтың биігі ойлана қарасаң, биіктей береді, үңіле қарасаң, тереңдей
береді, қол созсаң қарсы алдыңда, айналсаң артыңда тұрғандай», деген грек
оқымыстысы Сократтың сөзіне мән бере қарасаңыз, педагогтың даналығы мен
шапағатын сезінесіз деп ойынды аяқтағым келеді.
Рефлексия:
Бала - өмірдің жауқазын гүлі.Өйткені бала ата - ананың ақ тілегі, бақыты. Сол
желкілдеп өсіп келе жатқан сүйкімді де, таза сәби жүрегін түсіне білу, сеніміне
ие болу, білім нәрімен сусындату педагог үшін зор мәртебе десем артық
болмас.Желкілдеп өсіп келе жатқан гүлге одан әрі жайқалып өсуі үшін жарық пен
жылу керек.Сондықтан да осы гүлдерге бүгінгі күннен алған әсерлеріңізді, жылы
тілектеріңізді жазып жапсырайық.
(кішкене парақшалар таратылады, жылы тілектер жазылады)
Оставьте свой комментарий
Авторизуйтесь, чтобы задавать вопросы.