Ұялы телефонның пайдасы мен зияны

Ұялы телефонның пайдасы мен зияны.

Мақсаты: Ұялы телефонды пайдалану туралы ой-пікірлерді білу, ұялы телефонның денсаулыққа әсерін түсіндіру.  Баланың денсаулығына өз жауапкершілігі туралы ой салу, ұялы телефонмен сөйлесу әдебіне дағдыландыру.  Ұялы телефонды оңтайлы пайдалануға тәрбиелеу,

Көрнекілігі: суреттер, нақыл сөздер, слайд.

Барысы:

І. Ұйымдастыру. «Жүректен жүрекке» психологиялық ахуал туғызу.

ІІ. Кіріспе

-           Сәлеметсіздер ме? Құрметті бүгінгі «Мәселе»  бағдарламасының  қонақтары. Бағдарламаны бастамас бұрын мына видионы көрсеткім келіп тұр.(телефон туралы видио көрсетіледі)

-           Бүгінде ұялы телефондарсыз жұмыс істеу, істі бітіру мүмкін емес. Қазір екінің бірінің қолында ұялы телефон. Жас та, кәрі де бір-бірімен телефонды құлаққа тосып, күндіз-түні сөйлесумен болады. Бұрын ұялы телефон дегенді тек қана қалталы азаматтардың қолынан көретін болсақ, осы күні титтей балалардың да қолынан түспейтін ойыншыққа айналған. Оны айтасыз, алыстағы ауылдарыңыздың «өзінде» соткасыз» үй жоқ. Ал енді екінің бірінің қолында, жамбасында, қалтасында, сөмкесінде, кеудесінде жүрген осы «сотка» дегеніңіз адамға қаншалықты пайдасы бар немесе зиян екендігі туралы бүгінгі бағдарламамызда сөз қозғамақпыз.Қош келдіңіздер!

1.                Ұялы телефонның адам денсаулығына зияндылығын білесіз бе?

2.                Ұялы телефонның қандай пайдасы бар?

3.                Ұялы телефон қандай ауруларға душар етуі ықтимал?

4.                Ұялы телефон қандай дене мүшелеріне зиянды әсер етеді,

5.                Ұялы телефонды қалай дұрыс пайдалануға болады деген сұрақтарға бүгінгі бағдарламамызда таныс боласыздар.

-                    Бүгінгі бағдарламада ұялы телефонның біздің болашағымыз оқушылардың денсаулығына әсері мен пайдасы туралы сөз қозғалатындықтан студияға бүгін мектеп оқушыларын шақырып отырмыз. қадірменді қонақтарымызбен таныс болыңыздар. Тарих пәні мұғалімі Дюсембаев Дидар Базарбекович, ақ халатты абзал жан Бахыт Құдайбергеновна, 7 сынып оқушылары Хуатхан Ақжүніс, Әнуарбекова Дина, 5 сынып оқушысы Бұлан Әділет, 8 сынып оқушысы Әнуарбекова  Жанерке және 10 сынып оқушысы Хуантхан Бегзат.

-                    Өткен ғасырда байланыстың басты құралдары - дауысы көрші үйге естілетін қарапайым телефон, телеграмма немесе хат жазу еді. Техника дамығалы, бұл қызметтің бәрін бір ғана ұялы телефон атқаратын болды. Қазір алақандай ғана осы құралды еңбектеген баладан, еңкейген кәріге дейін ұстайды. Бар шаруа бір тетікті басумен шешіледі.

-                     Ұялы телефон – сымсыз байланыстың ең озық та, қолжетімді түрі. Қазіргі кезде қалта телефоны зор маңызға ие болып үлгерді. Осыдан 9-10 жыл бұрын қалта телефоны маңызды жұмысы бар азаматтарда ғана болса, қазір екінің бірінде кездеседі. Тіпті мектеп табалдырығын енді аттаған жас жеткіншектердің өзі бұл телефоннның соңғы үлгідегі бағалысын ұстайды.

Қайда? Кімге? Қарамаңыз, қала, мейлі, дала болсын, бала мейлі қарт болсын «соткасыз» жүре алмайды.   Енді осы ұялы телефонның шығу тарихы жайлы тарих пәні мұғалімі Дидар Базарбековичтен ақпарат алсақ:СЛАЙД1

1875 жылдың 2 маусымында Бостон университетінің Шетелдік өнер мектебінің профессоры Грехем Белл ең алғаш рет байланыстырушы сымдардың көмегімен өз көмекшісінің даусын естиді. Өнертапқыш шотландтықтың бұл жаңалығы тарих бетінде телефон деген атпен қалды. Бір қызығы, өнертапқыштың есімі ағылшын тілінен аударғанда, «қоңырау» деген мағына береді.

     Арада бір ғасырға жуық уақыт өткенде ең алғашқы ұялы телефондар пайда болды. Иллинойс технологиялық институтының түлегі Мартин Купердің өнертапқыштық бұл жаңалығын қазір әлем халқының жартысына жуығы күнделікті қолданып отыр.

-                    Ендігі кезекте таразыға салып көрейікші. Осы ұялы байланыстың пайдасы мен зиянына. (Оқушылардың пікірлерін тыңдау)СЛАЙД3

-                    Қорытындылап зияны меп пайдасы жайлы слайд арқылы ақпарат беру. СЛАЙД 4,5,6,7

Ұялы телефонның артықшылығы

1) Әр адам және кез келген уақытында пайдалана алады. Яғни, әр түрлі жағдайда 

     адаммен хабарласа алады.

2) Ол өте кішігірім болып келгендіктен, күнделікті өмір де өзіңізбен ұстай аласыз

3)Ұялы телефондарға суретке түсіп, интернет пен әлуметтік желілерде "отырамыз

4)Оқыс жагдайға   ұшырасақ  (көлік апаты , ұрлық ,  кездесуге уақытылы  улгере  

   алмаған жағдайда,  өз  өміріңе- жақындарыңа  қауіп төнген жагдайда, өз 

   денсаулығыңа қауіп төнген жагдайда) бірінші қолға ұстайынымыз    ұялы телефон

5)Біреудің өліміне куәгер болсаңыз дәлел сіздің қолыңыздағы ұялы телефонның 

   бейнекамерасы

6)Адам  ұрланған жағдайда оның ұялы телефонының чипы арқылы орналасуын   

  тауып алуға болады

7) Оқыс жағдайға  өз сөзіңіздің  растығын дәлелдейтін  бірден –бір айғақ ұялы

   телефонның  камерасы

8)Дүкендердегі киім, әшекей бұйымдар,ойыншықтар,  үй жиғаздары , кітаптар,  т  б  

   заттар  ұнап жатса ұялы телефонының интернеті арқылы тапсырыс беруга болады.

9)Бейнетелефонда ұялы телефонның бейнекамерасы мен бейнебет арқылы бір- бірін

     көріп сөйлесуге болады

Ұялы телефонның кемшілігі

 1 )Ұялы телефон радиация тарататыны үшін өте зиянды. Бір сәттік үшін зияны аңғарылмауы мүмкін. Бірақ ұзақ уақыт қолданылғанда зияны өте көп.

2)Ми, көз, құлақ, кеуде, жүрек және басқа да мүшелерде дегенерация пайда болады.

3)АҚШ дәрігері Девра Давис былай деген: «Ұялы телефонымен сөйлескен кезде ми жасушаларының бір бөлігі өле бастайды...»

4) Жас балаларға және егде жастағы кісілерге өте зиянды.

5)  Ұялы телефонның қосылып тұрғандағы сәулелендіру деңгейі есту, көру, мидың кейбір бөліктеріне кері әсерін тигізеді.

6.Ғалымдар зерттеп, қызықты қорытынды жасады; 10 жылдан астам уақыт ұялы телефонды үзбей пайладанған адамның миына зиянды заттарды енгізбейтін сүзгіштің қабырғалары бітеледі. Болашақта адамды мидықатерлі ісігіне шалдықтыруы мүмкін

7.Шетелдік ғалымдар телефонды көп қолдану адамды Альцгеймер және  

     Паркинсон ауруына шалдықтырады деп шешті.

8) Шетелдік ғалымдар Сәуленің әсері кейінгі ұрпаққа беріледі деген. 1 ай бойы

    түрлі телефон арқылы атжалмандарды сәулелендіру тәжірбиесін жасады. Екі

    аптадан соң олардың иммундық жүйесі өзгерді. Сәулеленген атжалмандар қанын

    басқа атжалман тышқандарға екті. Кейін өліп қалды.

-Жоғарыда айтылған және видиода айтылған аурулар туралы Бахыт Құдайбергенқызының айтары бар екен.

Қорытынды: ( соңғы слайд)

Егерде  ұялы   телефонды қолданғанда өз ережесіне сай қолданса, айтарлықтай  зияны жоқ, бірақ  сол  ережені сақтамаудың  кесірінен көптеген  ауруларды адам өз қолымен тауып отыр.

1) Көшеде сөйлесу керек.
2) Телефон тұтқасын құлақтан кем дегенде 1 сантимерт алыс ұстаған жөн.
3) Ұялы телефонға құлақшын жалғап, сол арқылы сөйлесіңіз;
4) Телефон тұтқасын астыңғы жағынан ұстаған жөн;
5) Телефонды тігінен ұстау керек;
6) Телефондағы дыбыстық сигналды тыңдамаңыз;

« Ауырып ем іздегенше,  ауырмайтын жол ізде» - деп  қазақ халқымыз айтқандай,  ұялы   телефонды қорғану ережесін сақтап қолдансақ, нұр үстіне нұр болар еді.

ҚАЗАҚСТАН  РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ

Михайлов орта мектебі

Тақырыбы: «Ұялы телефонның пайдасы мен зияны»

Өткізген:   А.Т.Бекенова

2017-2018 оқу жылы