Ештен
кеш жақсы
Әпкелі –сіңлілі Айым мен Күнсұлу
бір үйдің қыздары. Айым болса еңбекқор, ал Күнсұлу болса - бойкүйез, ештеңе
істемей жүре бергенді ұнатады. Көбінесе, ата-анасы тапсырып кеткен үйдегі бар
шаруаны елгезек Айым істеп тастайтындықтан, Күнсұлудың бұл мінезіне үйдегілерге
көріне бермейтін.
Күн дүйсенбі болатын.Анасы екі қызына
біраз шаруа тындырып қоюларын сұрап, өзі іссапарға кетті.Сабақтан келген соң,
тамақтанып алып, демалмастан Айым апасының тапсырмасын орындауға кірісіп
кетті.Ыдыстарды тазалап жуып, жарқыратып қойды, үй-ішін жиыстырды. Күнсұлу
компьютердің алдынан шықпай өз мультфильмдерін тамашалады. Айым : «Күнсұлу,
маған көмектесіп жіберші» десе, Айым оған әртүрлі сылтау айтып, бас тартады.
Анасы да сапардан
келді.Тапсырмаларының қалай орындалғанын көріп, қуанып: «Айналайын, қыздарым!
Көмекшілерім менің! Мен сендерге қатты ризамын, енді мен сендерге тамаша бір
бәліш пісіріп берейін» деді. Күнсұлудың екі беті ду етіп, қызарып кетті. Айым
мен апасының алдында қатты ұялды. Өзінің қалай бәліш жеп отырғаны көз алдына
елестеп кетті. « Мен ешбір еңбек сіңірген жоқпын ғой...» деген ой келді.Ол
өзінің осы кезге дейінгі қылықтарынан қатты ұялды. Анасына шындықты айтты.
Анасы оған: «Ештен кеш жақсы, қызым. Өз кінәңді түсінгеніңе қуанып тұрмын»
деді. Содан бері осы отбасында бірлік, ынтымақ, өзара түсіністік, көмек деген
қасиеттер берік қоныс тепті.
Құрастырған:
3-сынып оқушысы
Қошмағамбет
Айдана
«№2
Ұзынкөл орта мектебі» КММ
Ұзынкөл
ауданы
Талас
Аспан көгінде
қалықтаған торғай сонадайдан жас баланың қолынан түсіп қалған ірімшікті
көрді. Жақындап келіп қонып, енді тістемек болғанда, екінші торғай ірімшікті
іліп түсті. Жанжал басталды.Әрқайсысы өзіне қарай тартады. Осылайша «әрі тарт,
бері тарт» болып тұрғанда ірімшік өздігінен бөлініп кетті. Екі торғай өз
тістеген ірімшіктерімен аңырап қалды. Таласпай-ақ бөлуге болатынын түсінген
олар өз қылықтарынан қысылғандай үн-түнсіз екі жаққа ұшып кетті. «Көңіл сыйса,
көрпе жетеді» деген мақал осындайдан шықса керек
Байқап,
қағаз бетіне түсірген: 3-сынып оқушысы
Аида
Нұржалғас
«№2
Ұзынкөл орта мектебі» КММ
Ұзынкөл
ауданы
Жұмбақтар (табиғатқа байланысты)
Тұяқтары
бүркіттей бүреді
Құлағымен
мысыққа келеді
(Үкі)
Өзі
ақ-ақ,
Өзі
сақ – ақ,
Көргенінен
шықылықтап хабар береді,
Бір
нәрседен сескенсе – жалт береді.
(Сауысқан)
Қонысы
жоқ - қоныс табады,
Өзін-өзі
қонаққа шақырады.
(Көкек)
Өзі
бір ағаш шебері – дағы,
Тоқылдатып
күні бойы шеге қағады.
(Тоқылдақ)
Естіген әнін ешкім де ұмыта алмас,
Не
қылған әнші – екінің бірінен табылмас.
(Бұлбұл)
Лимон десем - аяғы көрінеді,
Лимон
емес десем – түсі келеді.
(Балапан)
Құрастырған:
3-сынып оқушысы
Темірхан
Әлия
«№2
Ұзынкөл орта мектебі» КММ
Ұзынкөл
ауданы
Сайғақ
–киелі жануар.
Дүниеде бір жануар бар сайғақ
деген,
Ақ киікке ұқсаған жануар дер ем.
Мөлдіреген көздері жаутаңдайды
-«Ей, адамдар қорғандар»
дегендейін.
Сол жануарды адамдар атады екен,
Небір амал-айламен алады екен.
Жоғала бастаған соң осы жануар,
Қызыл кітапқа енгізген қойған екен.
-Адамдар, сайғақтарды атпаңдаршы?!-
Ол да бір табиғат сыйы екен.
Қазақтың киелі бір жануары,
Жер бетінен құрыса не болады?
Кейінгі ұрпаққа тек суретін
көрсетіп,
«Аталарымыз осылай болған» дегізіп,
Масқара болар жеріміз осы екен.
3-сынып
оқушысы
Кауезханова
Дана
«№2
Ұзынкөл орта мектебі» КММ
Ұзынкөл
ауданы
Оставьте свой комментарий
Авторизуйтесь, чтобы задавать вопросы.