"Жұрнақ пен жалғау" ашық сабақ

№76. Сабақтың тақырыбы  Жұрнақ пен жалғау

Пәндік нәтиже  жалғаудың сөзбен сөзді  байланыстыру үшін қолданылатындығын, жұрнақтың сөздің  мағынасын өзгертетін  қосымша екенін  ұғындыру   түбір сөзге алдымен жұрнақ, содан кейін жалғау жалғанатынын  түсіндіру.

Тұлғалынәтиже   жинақылыққа, берілген тапсырманы тиянақты орындауға, бір-біріне көмек қолын созуға тәрбиелеу.

Жүйелі-әрекеттің нәтиже   сөздің түбірі мен қосымшасын ажырата білуге үйрету

Сөздік қорларын  арттыру. Сөздерге жұрнақты дұрыс жалғай білуге үйрену   сөз құрамына талдау дағдыларын арттыру.

Сабақтың түрі:   аралас сабақ

Сабақтың көрнекілігі: суреттер

Сабақтың әдісі: сұрақ жауап, өзіндік

         Сабақтың барысы:

І.Ұйымдастыру кезеңі: Кезекші мәліметін тыңдау, назарларын сабаққа аудару.

ІІ. Үй тапсырмасын тексеру.

5жаттығуды тексеру Тұсындағы қосымшаларды тиісті сөзге қосып жаз.

Ертеде адамдар балауыз...жасалған дәптер...жазған.

ІІІ.Үй тапсырмасын қорыту.

Сөз құрамына талдау жұмыстары жүргізіледі.

-Түбір дегеніміз не?

-Қосымша дегеніміз не?

-Жұрнақ деген не?

-Жалғау деген не?

  .Мақсат қою.Сабақтың тақырыбы мен мақсатын хабарлау.

Ү.Жаңа сабақты түсіндіру.

1-жаттығу.Мәтінді түсініп оқу. Қосымшалы сөздердітеріп жазып, ажырат.

Адамның, игілікті , халықтың , қайырымдылық , бақытты.

2-жаттығу. Туынды сөздерге жалғаулар қосып жаз. Өздері қалаған сөздерге 3-4 сөйлем құрап жазу.

Өріс, жеңіс, батыс, суреткер, үміткер, бірінші.\

Түбір сөздерге жұрнақ та, жалғау да жалғана беретінін қайталау. Түбір сөзге алдымен жұрнақ, содан кейін жалғау жалғанады.

Мысал келтіру.

Талап-ты-дан, дәрі-гер-мін, тату-лық-қа.

3-жаттығу.Өлеңді мәнерлеп оқыту.Жұрнақ, жалңау жалғанған сөздерді теріп жазу, белгілеу. Егінін, егінші, балалар,кәрілер, жылқышы, дәрігер.

4-жаттығу. Берілген сөздерге қосымшаларды жалғап, сөйлем құрастыр.

Дүйсен қоянның көжегін асырады. Бейсен қақпаға доп кіргізді. Көктемде құстар ұшып келді. Айзада інісін паркке апарды.

ҮІ.Жаңа сабақты қорыту.

Оқушылардың осы тарау бойынша алған білімдері қорытындыланады. Берілген сөздерді құрамына қарай кестеге жазады.

Үлестірме қағаз

Қала, білім, өзен, өнерпаз, заңгерлер, сабақта, көл, ерлік, егіншіге, домбыраны, дәрігерден.

Түбір сөз	Жұрнақ жалғанған сөз	Жалғау жалғанған сөз	Жұрнақ және жалғау жалғанған сөз
өзен	ерлік	домбыраны	егіншіге

VI. Үйге тапсырма беру. 4-жаттығу, 125 бет.

Бағалау.