Қашықтықтан білім беру - заман талабы

Қашықтықтан оқыту - заман талабы

«Ақырын жүріп, анық бас,

Еңбегің кетпес далаға.

Ұстаздық қылған жалықпас,

Үйретуден балаға» деп Абай атамыз айтқандай қызығы мен қиыншылығы қатар жүретін ұстаздық қызметтің жауапкершілігі өте жоғары.

Ел басқарған президент те, мәртебелі министр де, адам жанының арашашысы дәрігер де,  ғылым иесі ғалым да, ел қорғаған батыр да, тілінен бал тамған ақын да, егін салған диқан да, мал бағып терін төккен шопан да, аспан әлемін шарлаған ғарышкер де, бәрі-бәрі ұстаздан білім, тәлім алған.

«Ғалым да, шахтер де бас иетін,

Ұстазым, бар сенің қасиетің.

Білім берген, ой берген, ақыл берген,

Көз алдымнан кетпейді асыл бейнең» деген өлең жолдары осыған арқау болса керек.      

Тұңғыш президентіміз Н.Ә. Назарбаев жолдауында айтқандай: «Болашақта өркениетті дамыған елдердің қатарына ену үшін заман талабына сай білім қажет». Сондықтан қазіргі даму кезеңі білім беру жүйесінің алдында оқыту үдерісінің технологияландыру мәселесі қойылған. Бүгінгі таңда елімізде орын алған төтенше жағдайға байланысты жедел әрекет ету қажеттілігі туындап отыр. 

ҚР Білім және ғылым министрінің «орта білім беру ұйымдарында                 1-11(12) сыныптарда, оның ішінде «Назарбаев Зияткерлік мектептері» ДБҰ-да, халықаралық және жеке меншік орта білім беру ұйымдарында қашықтықтан білім беру технологияларын пайдалана отырып, төртінші тоқсанның басынан 2020 жылғы 6 сәуірден бастап заңнамада белгіленген тәртіппен оқытуды ұйымдастыруды қамтамасыз етсін» деген бұйрығымен шұғыл қолға алынды.

Сонымен, қашықтықтан оқыту дегеніміз — оқушының дербес білім алу принципіне негізделген оқу процесінің жаңа ұғымы. Оқу процесі көбінесе оқытушы мен оқушының алшақ жағдайында өтеді. Дегенмен, олар кез-келген уақытта телекоммуникацияны қолдана отырып, диалог жүргізуге мүмкіндік алады.
        Қазіргі өмірдің динамикасы қажеттіліктерге жауап беретін қашықтықтан оқытудың тиімді жүйесін талап етеді. Осыған сәйкес орын мен уақытқа қарамастан, жеке-жеке оқу; ашық оқытудың жоғары қағидаттарына сәйкес үздіксіз және жеке траектория бойынша оқуға оқушы, студент басқа да білім алғысы келетін адамдар тез бейімделіп жатыр.

Қашықтықтан оқыту- бұл ғаламторды пайдалана отырып қашықтықтан оқыту тәсілі. Мұнда мұғалім мен оқушы физикалық тұрғыдан әр түрлі орындардан табылады. Қашықтықтан оқытудың ерекшелігі — бұл сабақты мектептің сыныбында емес, үйде отырып оқу.

Қашықтықтан оқудың тағы бір ерекшелігі — компьютер мен телефонды білім алу үшін қолданылады. Қашықтықтан оқу кезінде оқушы  өз бетінше оқу материалын меңгеруді, бос уақытты тиімді пайдалануды(онлайн курстар) үйренеді. Елімізде болып жатқан жағдай кезінде қашықтық оқыту ең тиімді болып табылады.

Алматы облысы, Райымбек ауданы, Талас елді мекенінде орналасқан Уалиханов мектебі өзіне ыңғайлы «Bilim Land», «Online mektep», «Telegram» жүйелерін және смартфонда «WhatsApp» жүйесін пайдалануда. Қашықтықтан оқыту технологиясының дамуы - біздің білім беру жүйесінің болашағы болып табылады. Қазірше бұл өз қиындығын тудырған мәселе болғанмен, болашақта кедергілер жан-жақты қарастырылып шешімі табылады деп сенеміз.

Краткое описание документа:

Қашықтықтан білім беру - заман талабы

Қазіргі өмірдің динамикасы қажеттіліктерге жауап беретін қашықтықтан оқытудың тиімді жүйесін талап етеді. Осыған сәйкес орын мен уақытқа қарамастан, жеке-жеке оқу; ашық оқытудың жоғары қағидаттарына сәйкес үздіксіз және жеке траектория бойынша оқуға оқушы, студент басқа да білім алғысы келетін адамдар тез бейімделіп жатыр.

Қашықтықтан оқыту- бұл ғаламторды пайдалана отырып қашықтықтан оқыту тәсілі. Мұнда мұғалім мен оқушы физикалық тұрғыдан әр түрлі орындардан табылады. Қашықтықтан оқытудың ерекшелігі — бұл сабақты мектептің сыныбында емес, үйде отырып оқу.