"Қыс қызығы" ашық іс-әрекеті

«Тұмар» жекеменшік балабақшасы

«Құлыншақ» ортаңғы тобының

«Қыс қызығы» оқу іс-әрекеті.

Дайындаған: Караматдинова М.Р

Маңғыстау облысы, Ақтау қаласы

Ақпан, 2021

Тақырыбы: «Қыс қызығы»

      Мақсаты:  Балаларға қыс мезгілінің ерекшелігі  туралы түсінік беру. Табиғатқа деген сүіспеншілігін ояту.

     Ақпараттық құзыреттілігі:  Сурет арқылы әңгіме құрастыра білуге, қыс келбетін суреттеуге үйрету.

     Проблеманы шешу құзыреттілігі: Қар туралы білімдерін бекіту.

    Коммуникативтік құзыреттілігі:  Балалардың  шығармашылық  қабілетін ояту, ойлау қабілеттерін арттыру, сөздік  қорын молайту.

       Сұрақтарға дұрыс жауап беруге үйрету.

       Әдіс-тәсілдері:  Көрсету, әңгімелесу, түсіндіру, сұрақ-жауап, зерттеу.

      Көрнекі құралдары: Қыс мезгіліне байланысты суреттер, қардың сүреті, мұз, шаңғы, шана, коньки.

      Пән-аралық байланыс: Көркем әдебиет, қоршаған ортамен танысу, қарапайым математика.

    Қостілдік компоненті: Қыс-зима, қар-снег, мұз-лед, аққала-снеговик.

Рефлексивті-коррекциялаушы:

Балалар бүгінгі оқу сі-әрекетіміз ерекше болмақ.Сендер бүгін өте көңілді  екенсіңдер.

-Бізде бүгін туған күн бе? (Жоқ)

-Сендерге сыйлық тарту етті ме? (Жоқ)

-Мен тапқан сияқтымын! Сендердің көңілді болып тұрғандарын ,

Жақында көктем мезгілі келеді екен ғой.

Жақында біздер қыс мезгілімен қоштасамыз,олай болса қыс мезгілінің қызықты күндерін есімізге түсірейік. Қыс мезгілінде біз не істедік?

(-Жаңа Жыл мерекесін тойладық,Аяз Ата келді,шанамен,шаңғымен сырғанадық,қармен ойнадық,аққала жасадық.)

-Өте жақсы,қыс-бұл ерекше мезгіл. Біз қыс мезгілін өте көңілді өткіздік.

-Балалар бізге бүгін топқа қонақ келу керек  еді. Оның кім екенін сендер жұмбақ арқылы білесіңдер. Мен жұмбақ жасырайын, сендер шешуін табыңдар.

                             Шелек қалпақ басында,

                             Сәбіз екен таңауы.

                             Қыста қардан туады,

                             Тауып көрші сен оны. (Аққала)

Ғажайып сәт:  Есік қағылып, топқа аққала кіреді. (Балалармен амандасады).

Аққала:-Сәлеметсіздер ме, балалар. Бұл «Құлыншақ» тобы ма?

-Балалар бізге қонаққа келген кім? (Аққала)

Аққала: -Балалар сендер мені сыртқа серуенге шыққанда қардан әдемі етіп жасадыңдар. Енді мен бүгін сендерге қонаққа келдім.

Тәрбиеші:-Балалар аққаланың түсі қандай? (Ақ)

Денесі қандай пішінен жасалған? Аққала неше бөліктен тұрады? (Шеңбер тәрізді, үш бөліктен тұрады)

-Мұрны қандай? (Үшкір)

Аққала: Ой, балалар сендер мен туралы көп нәрсе біледі екенсіңдер. Балалар менімен бірге ойын ойнайсыңдар ма?

Енді бәріміз бірге «Қатырмақ» ойынын ойнайық. Балалар дөңгелене тұрып, қолдарын созып тұрады. Аққала қыстың қатаң аязы болып, сиқырлы таяғымен балалардың қолдарына тигізіп, қатыруға тырысады. Епті, жылдам балалар қолдарын тез жасырып үлгеруі керек. Үлгермегендері қолдарын таяқ тиген қалпында біраз уақыт қозғалтпай ұстауы тиіс (2-3 рет қайталатып,ойнауға болады).

Аққала: Балалар сендер өте жақсы ойнадыңдар,сендерге рахмет.

 Ой балалар қараңдаршы, менің пингвиндерімнің орындары ауысып кетіпті. Оларды орын орындарына коюға көмектесіп жібересіңдерма?

Тәрбиеші: Әрине Аққала! Біздің балалар сізге көмектеседі. Ал сіз келіңіз, балалармен бірге отырыңыз.

Пингвиндермен  жұмыс: (қарапайым математика) тапсырманы орындайды.

Тәрбиеші: Балалар, «қыс» деген сөзді орысша қалай айтамыз? (Зима)

- «Зима» сөзінің қазақшасы қалай?(қар, мұз, аққала, шана, шаңғы сөздерінің аудармасы сұралады).

(-Қыс. (снег, лед, снеговик, сани, лыжи) деп аударып береді.)

Тәрбиеші: Ендеше, балалар Аққаламен бірге «шығармашылық» орталығына барайық.

(Аққаланың артынан ұстап балалар музыка әуенімен пойезд болып айналады. Шеңбер болып айналып жүрген балалар төрт баладан бөлініп әр үстелге тұрады) (Балалар тапсырманы орындайды.)

Тәрбиеші: Балалар,енді орнымыздан тұрып бойымызды бір сергітіп алайық.

Аққала балалармен «Жұбын тап» ойынын ойнайды.

Аққала: Балалар,мен сендермен уақытты өте жақсы өткіздім. Сендер өте ақылды, мейрімді балалар екенсіңдер. Мына жер маған ыстық болып бара жатыр,мен енді қайтайын.

Тәрбиеші: -Сау болыңыз Аққала. Бізге келесі жылы тағы да қонаққа келеңіз. Балалар аққалаға бояған суреттерінді тарту етіңдер.

        (Аққала балалармен қоштасып шығып кетеді).

Қорытынды:

 Балалар біз бүгін қай мезгіл туралы айттық? (-Қыс мезгілі туралы айттық.)

-Бізге қонаққа кім келді? (-Аққала келді.)

-Бүгін біздер нені зерттедік? (-Қар мен мұзды зерттедік.)

-Қыста қандай ойындар ойнайсыңдар? (-Коньки,шаңғы тебеміз,аққала жасаймыз,қар атысып ойнаймыз)

-Қазір қыстың ең соңғы айы қандай ай? (-Ақпан айы.)

Күтілетін нәтиже:

 Білуі: Балалар қыс мезгілінің ерекшелігін біледі, тақпақ, жұмбақтарды айта алады. Сурет бойынша сөйлем құрастырады.

Меңгеруі: Қар мен мұздың неге еритінің меңгереді. Аққаламен ойынды меңгеріп ойнайды.

Жасай алады: Аққаланың суретін бояп, мүсіндеп, жапсыра алады. Сергіту сәтін қимылмен көрсете алады.