Амашепе ашше султалаке(класс тулашенчи уяв).

2017 – мĕш ҫул Амӑшĕпе Ашшĕ ҫулталӑкĕ

(класс тулашĕнчи уяв)

      Тĕллевĕсем:

1)  Çемьери йӑла-йĕркесен хакне ÿстересси;

      2)Аннепе Аттен ятне ҫÿле ҫĕклесси.

Кирлĕ хатĕрсем:

И.Я.Яковлев «Чӑваш халӑхне панӑ халалĕ»,

 Чӑваш    Республикин  Пуҫлӑхĕ  М.В.Игнатьев  кӑларнӑ Указ,

хачӑ, маркер, ҫемье ҫинчен ҫырнӑ сӑвӑсем, юрӑсем.

Уяв йĕрки.

1.Умсӑмах

Хĕрпе каччă  яш пулаççĕ. Тĕл пулаççĕ, пĕр – пĕрне юратса пăрахаççĕ. Çемье  çавăраççĕ. Ача – пăчаллă пулса амăшĕпе ашшĕ пулса тăраççĕ. Ачисене юратса ÿстереççĕ, ыррине кăна вĕрентме тăрăшаççĕ. Аннепе атте- çĕр çинчи пур çыншăн та чи çывăх та юратнă çынсем. Вĕсемсĕр  пурнӑҫ илемĕ ҫук. Ахальтен мар ĕнтĕ юрӑра «Аттепе анне пулсассăн, пуринчен те эп пуян» тесе юрлаҫҫĕ.

    Кашни ҫыннӑн пурнӑҫĕнче Аннепе атте чи пысӑк пĕлтерĕшлĕ пулнине шута илсе  Чӑваш Республикин Пуҫлӑхĕ М.В.Игнатьев пуҫарнипе 2017 ҫула Амӑшĕпе Ашшĕн Çулталӑкĕ тесе ят панӑ. Çавӑн пирки вӑл 2016 ҫулхи чÿк уйӑхĕн 16-мĕшĕнче кӑларнӑ Указра палӑртса хӑварнӑ.  Аннепе  аттене  пирĕн, ачасем, мĕн пĕчĕкрен хисеплемелле. Вĕсем каланине тĕпе хумалла. Вĕсем ачисене нихӑҫан те усал сунмаҫҫĕ.  Çемье тĕрекĕ те ҫавӑнта. Кун пирки чӑваш халӑхне ҫутта кӑларакан И.Я.Яковлев «Чӑваш халӑхне панӑ халалĕнче»  ҫапла  каланӑ:

-Çемйěре лайăх пăхса усрăр: çемье вăл халăх чаракě, патшалăх чаракě. Пěр-пěринпе сапăр пулăр, çукшăн-пуршăн чашкăрса çÿресрен, харкашасран аякка тарăр.

-Çăлаканăн аслă сăмахне асра тытăр. Вăл каланă: хăвăр тăшманăрсене те юратăр, тенě.

- Пěр-пěрин сăмахне тăнланса пурăнни, пěрне пěри ырăлăх туса тăни пурнăçа хăват парать.

   Халап.

Пурӑннӑ тет ҫĕр ҫинче пĕр ҫемье. 100 ҫынтан тӑнӑ тет вӑл. Пěр-пěрин хушшинче вĕсен килĕшÿ пулман тет. Яланах вӑрҫнӑ вĕсем, тавлашнӑ. Каяс тенĕ ҫаксем ӑсчах патне. Ăсчах кашни ҫыннине тимлĕ итленĕ те ҫапла каланӑ: сире туслӑ пурӑнма никам та вĕрентеймест. Сирĕн хӑвӑрӑн ҫакна  ӑнланса илмелле.

Ыйту: Мĕн ӑнланса илмелле-ши вĕсен? (юрату, килĕшÿ, ӑнлану, хисеплени, пулӑшу, тӑрӑшу, шанчӑк, ырлӑх, ĕненÿ  пулмалла ҫемьере)

Çак  ҫемье пахалӑхĕсене астуса юлӑр, вĕсемпе хӑвӑр юратнӑ ҫынсене савӑнтарӑр. Вара чӑннипех те ҫирĕп те туслӑ ҫемье пулса тӑрӑр. Калӑр – ха , тархашӑн  пирĕн класса ҫемье теме пулать – и? 

- Пулать. Эпир  пĕр  пĕринпе  тӑванлӑ мар,  анчах  та  4 ҫул  хушши пĕр ĕмĕтсемпе , пĕр шухӑшсемпе пурӑнатпӑр , ҫĕнтерÿсемпе  пĕр- пĕрнпе савӑнатпӑр хурланатпӑр. Çавӑнпа манӑн сире калас килет сирĕн класс ҫемье ҫак шкула пĕтеричен пĕр – пĕринпе туслӑ пулӑр.

Конкурссем:

1.     Хам чĕрери юратӑва ҫемьери чи ҫывӑх ҫынсене парнелетĕп:

(аттене, пиччене, аппана, асаннене, асаттене….)

 

2.Аннепе атте юратупа, ĕненÿпе пĕр –пĕринпе ҫыхӑннӑ. Унӑн палли сӑ пайлӑ салтак тÿми чечек.  Çемье лӑпкӑлӑхĕ пире мĕн парать :

 

(чечекĕн кашни ҫеҫки ҫине ҫырмалла)

2.     Çывӑх ҫынсем ырӑ- сывӑ пулччӑр тесен пирĕн мĕн тумалла:

 

( кашни хӑйĕн аллине ÿкерет те ҫывӑх ҫынсем ырӑ- сывӑ пулччӑр тесен пирĕн мĕн тумаллине ҫырать)

3.     Ваттисен сӑмахĕсем: атте- анне ҫинчен( ачасем хӑйсем аса илеҫҫĕ)

4.     Сӑвӑсем: ҫывӑх ҫынсем ҫинчен калаҫҫĕ.

5.     Çемьери йӑла-йĕркисем

( пĕрле тунӑ ĕҫсем –ёлкӑна илемлетни, асаннепе асаттене кайса курни, сӑнÿкерчĕк ÿкерĕнни….)

6.     Юрӑ конкурсĕ (кашки команда пĕр е икĕ юрӑ юрлать)

Вĕҫĕ: Çемье- вӑл телей, юрату, ӑнӑҫу

          Çемье-вӑл уяв, парне, килĕшÿ

          Çемье- вӑл ĕҫ, пĕр- пĕриншĕн тӑрӑшни,

          Çемье- вӑл килти ĕҫсене ĕҫлени.

          Çемье- вӑл кирлĕ, питĕ кирлĕ!

          Çемье – вӑл кӑткӑс!

          Анчах пĕччен телейлĕ пулма ҫук.

           Яланах пĕрле пулӑр, юратуна упрӑр.