Ана тілі пәнінен "Құмырсқа мен көгершін. Жуан және жіңішке жұп дауыстылар" тақырыбына ашық сабақ

Ана тілі  1 сынып

Сабақтың тақырыбы: Құмырсқа  мен көгершін. Жуан және жіңішке жұп  дауыстылар.

Сабақтың мақсаты:

а) Оқушылардың жуан және жіңішке жұп дауыстылар туралы ұғымын жетілдіре отырып, жұп дауыстылардың (ы,і) ерекшеліктерін байқауға мүмкіндік туғызу;

ә) өз бетімен жұмыс жасау арқылы ойлауын, сөздік қорын дамыту;

б) бір – біріне көмектесуге, қамқорлық жасауға баулу.

Сабақтың көрнекілігі: сызба плакат, сюжетті суреттер.

Сабақтың барысы:  I. Бағдарлау- мотивациялық кезең.

1.      Сәлемдесу. Сабаққа дайындығын тексеру.

2.      Сөзжұмбақ шешу.    

 1).Тиіп кетсе ән салған. Даусына ел тамсанған. (домбыра)

2).Кесе, шыны,пиала. Оларсыз шай құя ма?

 Қасықсыз тамақ жемейді. Бәрінің атын не дейді?   ( ыдыс)

3).Иесі оның сәби,

Әри төсек, әри үй.  (бесік)

4).Мысықта бар, күшікте жоқ.

Қасықта бар, есікте жоқ. (ы)

5).Тілден ұшып, құлаққа қонады. (сөз)                                                                                      

Д	о	м	б	ы	р	а
Ы	д	ы	с
Б	е	с	і	к
Ы
С	ө	з

 3.  -Қандай сөз жазылып шықты?

-Дыбыстың қандай түрлерін біз білеміз?

-Дауысты дыбыстар туралы не білеміз?

Дауысты дыбыстар

Жіңішке дауыстылар: Ә, е, ө, ү, і

Жуан дауыстылар: А, о, ұ, ы

Созылып айтылады

11 дауысты дыбыс бар

4.      Көп нүктенің орнына тиісті әріпті қойып мақалды оқу.

Өт...р...к  сөз  - ұят,

Ш...н  сөз – мият.

- Қандай әріптер қоямыз?

- Ы, і қандай дыбыстар?

- Тағы қандай жұп дауыстылар білеміз?

- Жуан және жіңішке жұп дауыстыларды ата.

5. Өткен сабақты қайталап, Өтебай Тұрманжановтың  «Туған өлкем» атты өлеңін мәнерлеп оқушыға оқыту.

6. Мазмұны бойынша әңгімелеу.

- Туған өлке сұлулығын оқып қалай  бейнелеген?

- Өзінің туған жерің туралы әңгімеле.

- Өлеңнен Ө дыбысы бар сөздерді тауып, О дыбысымен салыстыру.

II.Операционалдық – орындаушылық кезең.

1.      Жұмбақ шешу:

-          Бір балуан өзі күшті, қайраты мол

Өзінен үлкен затты көтерер ол.

Мейлі қыр, мейлі жота, мейлі төбе,

Қайқандап аса берер бәрінен де ол.  ( құмырсқа)

-          Ақ матадай түсі

-          Бейбітшілік құсы.  (көгершін)

                                   Көгершін                құмырсқа

-Көгершін мен құмырсқа сөздің айтылуын  салыстыру.

-Көгершін – жіңішке айтылатын сөз.

Құмырсқа – жуан айтылатын сөз.

2.      Бүгін біз осы екі кейіпкерлер туралы ертегімен танысамыз.  «Құмырсқа мен көгершін»  атты ертегі. Осы ертегіні сізге жазған Спандияр Көбеев атамыз.

С. Көбеев – педагог- жазушы. Қостанай облысында дүниеге келді. Ы. Алтынсариннің оқушысы, оның қызмет жолын жалғастырып мұғалім болды.

             3. Әңгімені оқушыларға оқып беру

            4. Әңгімені оқушыларға оқыту.

            5.  Сөздік жұмыс:  Сусап – шөлдеп.

            6. Әңгіменің мазмұны бойынша сұрақтар мен тапсырмалар:

- Әңгіме не жайында айтылған?

- Құмырсқа қайда келді?

-Көгершін құмырсқаға қалай көмектеседі?

-Құмырсқа көгершіннің көрсеткен жақсылығын қайтарды ма?

7. Сергіту сәті.

8. Дәптермен жұмыс.

62-жаттығу       Ілгіште ішік ілулі,

                          Іргеде киіз түрулі.

                          Іңірде жайдым сөреге,

                          Ірімшік жегің келе ме?

Тапсырма:  а) І әрпі бар сөздердің астын сыз.

                    ә) қарамен жазылған сөздердің мағынасын түсіндір.

63-жаттығу.

Суретке қара. Ы – І  дыбыстарын салыстырып оқы. Қандай өзгеріс байқадың? Осы дыбыстар бар сөздер ойла :  тиін, түлкі, күшік, отыр, қарады, қуды.

III.Рефлексиялық – бағалау кезеңі

1.      Толықтыре тесті. Ұйқасын тап.

Білмейтұғын ұзауды,

Шақырамын ... (бұзауды)

Тапсырма: Дауысты дыбыстардың астын сызу.

2.      Сәйкестендіру тесті.

Сөздерге тиісті әріптерін қойып сәйкестіндіру.

Сызғ...ш       Кірп...ш                                           І Өш...рг...ш Қ...рғ...ш ...лг...ш                                            Ы С...йл...қ

3.      Сабақты қорытындылау.

4.      Бағалау.