Тақырыбы:
«Дені
саудың-жаны сау» (спорттық іс-шара)
Мақсаты: Салауатты өмір салтын сақтау.Спортпен айналысудағы әртүрлі дене
шынықтыру әдістерін қолдану. Тәрбиешілердің балабақшамен тығыз байланысын дұрыс
жолға қою және ойындарға белсене қатыстырып, ынтымақтаса жүргізілген жұмыстың
нәтижелі болғандығына көз жеткізу.
Қолданылатын құралдар: құрсаулар, доптар, доп салынған кәрзеңкелер,
секіртпелер, кедергілер.
Жүргізуші: Қайырлы күн құрметті ұстаздар және балабақша бүлдіршіндері.
Денені шымырландырудың,
Ерік-қайратты шыңдаудың,
Ақылды алғырландырудың,
Ойды салмақтандырудың жолын білсең, сен тәрбиешісің-демекші ортаға
тәрбиешілерімізден құралған командаларымызды шақырамыз.
(Әуен ойнап тұрады)
Ортаға екі команда шығады.
"Салауат" тобы.
Ұран: Топты бастап
жүретін,
Жүйріктердің біз алды.
Жеңісті қолдан бермейтін,
Салауатпыз біз мықты.
"Парасат" тобы. Ұран: Парасатпыз сымбатпыз,
Қарсыласты жықпақпыз.
Әділқазылар алқасымен таныстыру.
Жүргізуші: Бала өсірген ата-ана, бала болып ойнайды,
Бала тәрбилеген тәрбиеші-бала болып ойлайды-дегендей сайысымызды бастаймыз.
Жүргізуші: Қалма жұрттың соңында,
Қажет болса мың атта,
Аздық етер оныңда,
Жету үшін мұратқа
1-кезең "Кім жылдам" ойыны.
Ойынның шарты: екі тізенің арасына допты қысып доп салатын кәрзеңкеге дейін
секіріп допты қалдырып, секіртпемен орнына секіріп келу.
Жүргізуші: Топ болып біз жүрейік,
Ойнайықта күлейік,
Достық деген тамаша,
Міне тұрмыз жараса.
2-кезең "Жүйрік пойыз" ойыны
Ойынның шарты: ойыншылар бір қатарға тұрады. Оң қолдарын алдындағы ойыншының
иығына қойып, сол қолдарымен сол аяқтарын жерден жоғары көтеріп кедергілер
арасымен секіріп орындарына келеді.
3-кезең "Шалқан"ойыны
Ойынның шарты: команда капитаны кедергілер арасынан жүгіріп орнына келеді де,
кезекпен өз тобын бір-бірден жинап жүгіреді.
Жүргізуші: Музыкалық үзіліс. "Гимнасттар" биі
Жүргізуші: Кімдер жүйрік, өнерпаз білейікші,
Ептісі деп сайыстың жүрейікші.
4-кезең " Үңгірден өт" ойыны
Ойынның шарты: ойыншылар бір-бірден үңгір астынан өтеді.
5-кезең "Сақина салу" ойыны
Ойынның шарты: Құрсауды басынан киіп аяқпен шығару.
6-кезең "Капитандар сайысы" немесе төмпешіктен төмпешікке ойыны
Ойынның шарты: құрсаулардан секіріп оларды белге жинау.
7-кезең "Желаяқтар" ойыны
Ойынның шарты: белгілі бір алаңды жүгіріп орнына келу.
Жүргізуші: Қызықты өтті бүгінгі сайысымыз,
Жоғары боп күш жігер намысымыз.
Осылайша қуанышпен думандатып,
Аяқталсын көңілді жарысымыз.
Қорытынды: Жеңімпаздарды анықтау, марапаттау.
Оставьте свой комментарий
Авторизуйтесь, чтобы задавать вопросы.