Ашық сабақ "Есептер еліне саяхат"

Есептер еліне саяхат.

Тақырыбы: Есептер еліне саяхат.
Мақсаты: Балалардың қарапайым математикалық түсініктерін қалыптастыру, саусақ маторикаларын, логикалық есептерді бере отырып, ойлау есте сақтау қабілеттерін дамыту. Тапқырлыққа, қайырымдылыққа тәрбиелеу.
Шаттық шеңбер:

Бәріміз енді тұрайық,

Үлкен шеңбер құрайық

Жақсы-жақсы сөздерді,

Қонақтарға сыйлайық!

Табиғат біздің анамыз,

Табиғатқа баламыз.

Иіліп сәлем береміз,

Біз әдепті баламыз.
Қызықты сәт: Маша мен аюдың әуені ойнатылып залға аю көңілсіз кіріп:
- Сәлеметсіңдер ме, балалар!
Балалар:
- Сәлеметсіз бе, аю!
Аю:
- Балалар, сендер Машаны көрген жоқсындар ма? Білмеймін қайда кеткенін, ауладағы зымыранымда жоқ, ай тентек қыз қайда екен?
Тәрбиеші:
- Аю, сен уайымдама біз бір амалын тауып көрерміз. Біздің балалар көмектеседі, солай ма балалар?
Балалар:
- Иа, көмектесеміз.
Тәрбиеші: Балалар, аю зымыраным жоқ дейді зымыранның не екенін білесіндер ме? (Балаларға айтып түсіндіріп суретін көрсету). Ғарышқа ұшатын аппарат.
Ендеше балалар мына геометриялық пішіндерден зымыран жасап көрейік.
Дидактикалық ойын:  Зымыран құрау.
Балалар геометриялық пішіндерден зымыран құрастырады.
Тәрбиеші: Көрдің бе, аю? Біздің балалар зымыран жасады. Енді аспан әлеміне барып Машаны іздеуге көмектесеміз.
Аю:
- Менің зымыраныма ұқсайды.
Тәрбиеші:
- Балалар, қане, бәріміз аспан әлеміне ұшайық. Аспан әлемі үлкен, қызықты және өте әдемі.  Ендеше, бәріміз зымыранға мінейік.
/Балалар көздерін жұмып, ұшып бара жатқан елеспен аспан әлеміне келеді./
Тәрбиеші:
- Ой, балалар, қараңдаршы аспан әлемінеде келіп жеттік./Балаларды аспан әлемімен таныстырады.\
Аю:
- Маша, қайда екен ай?
Тәрбиеші: Мына ғаламшарлардың қай жерінде жүр екен. Мүмкін бізге мына жұлдызшалар көмектесетін шығар. Жол көрсетер.
1ші жұлдызшаға барайық.
1. Тапсырма:
Машаны табу үшін менің сұрақтарыма жауап беріңдер. Ең әуелі жыл мезгілін айтып беріңдер? ( қыс,көктем, жаз, күз).
2. Тапсырма:
Пісіп тұрған төрт алмұрт
Қызығатын көрген жұрт
Екі алмұртты бұтақтан
Алып жеді Ердаулет
Қанша қалды алмұрттан?
3. Тапсырма:
Дидактикалық ойын:  Сандардың көршісін табу. " Жоғалған сан".
4. Тапсырма:
Санамақ айтып бер.

Кел санайық, санамақ,

Саусақтарды даралап

Бас бармағым алғашқы,

Балан үйрек жалғасы,

Ортан терек атасы,

Шылдыр шүмек анасы,

Шынашығым балапан,

Бәріне ортақ алақан.
Аю:
- Балалар, мен шаршадым Маша табылатын емес, енді не істейміз?
Тәрбиеші:
- Аю, ендеше, сергіп алайық табылады, уайымдама.
Сергіту сәті:

1 дегенде тұрайық,

2,3,4-алақанды соғайық.

Оң жаққа бұрылып,

Сол жаққа бұрылып.

Бір отырып, бір тұрып,

Біз жүгіріп алайық.

5 дегенде асықпай,

Орнымызды табайық.
5. Тапсырма:
Үйге келді Алдияр,

 Оған қоса Мадияр.
Кейін келді Айдана,
Қанша болды бар бала?
6. Тапсырма: Машаның сүйікті тамағы?
Аю: Айтпақшы мен ботқа пісіріп алып шығып едім, Машаның қарны  ашқан шығар.(Аю ботқаның суреті салынған карточкаларды балаларға таратып береді).
Тәрбиеші: Аю саған ботқа жоққой, Машада жоқ.
- Балалар, Маша мен аюға неше ботқа керек?
Балалар: Екеу керек.
Сол кезде Маша шығып:
- Қандай керемет иіс, ботқаның иісін - ай. Қарным ашты менде жейінші?
Тәрбиеші: Маша табылдың ба? Қайда кетіп қалдың?
Аю: Неге кетіп қалдың сұранбай?
Маша: Кешіріңдерші, сұранбай енді ешқайда кетпеймін.
Аю: Біз шаршадық. Мен кішкене ұйықтап алайыншы.
Тәрбиеші: Аюды ұйықтатпау үшін онымен ойын ойнайық. Сосын зымыранмен ауылымызға, тобымызға қайтамыз.
Қимылды ойын: "Өз үйіңді тап"
Балаларға үшбұрыш, төртбұрыш, дөңгелектің сүретін таратып беру. Балалар Аюды оятады.
Аю, аю тұршы.
Ұйқыдан ояншы,
Ұйқыңды ашшы.
Жан - жағыңа қарашы.
Енді бізді қушы.
Аю оянып балаларды қуғанда өздеріне ұқсас пішінге барып тығылады.(ойынды бірнеше рет қайталау).
Тәрбиеші: Балалар, Машаны таптық енді тобымызға оралайық. Қанекей балалар осы аспандағы күннің жылуын бір - бірімізге сыйлайық.
Балалар: Шеңбер болып, тұрайық
Алақанды ашайық.
Күннің нұрын салайық.
Жиналған жылы шуақты.
Қонақтарға шашайық.
Қорытындылау:
- Балалар бүгінгі сабақ сендерге ұнады ма?(ия)
- Біз қайда бардық?(Аспан әлеміне бардық)
- Аспан әлеміне немен бардық?(Зымыранмен)
- Оны қайдан алдық?(Өзіміз жасап алдық)
- Ол қандай пішіннен жасалды?(Үшбұрыш, төртбұрыш, дөңгелек)
- Тапсырмадағы есептер оңай ма екен?(Ия)
- Балалар, енді зымыранға мініп, тобымызға қайтайық

Күтілетін нәтиже: 1. Геометриялық пішіндер мен түстерді айта білу керек.

                                  2. Қоршаған орта туралы түсінігі, логикалық ойлау қабілетінің болуы.    

               МҚКК "Айналайын" балабақшасы

                  Ашық сабақ

Тақырыбы: " Есептер еліне саяхат"

                                         Дайындаған: А.Ж.Рахимова