Ашық сабақ. Тақырыбы қазақша: Тапқыр математик

Тақырыбы: «Тапқыр  математик» 

Мақсаты: Оқушыларды ойлана білуге, тапсырмаларды тиянақты, тыңғылықты орындауға баулу, бірлікке ынтымақтастыққа, әдептілікке тәрбиелеу.Логикалық тапсырмалар арқылы оқушылардың ақыл-ой белсенділігін арттыру.Дарынды оқушыларды  анықтау.

Түрі: сайыс

Барысы:

Жүргізуші:

Қош келдіңіздер, қадірлі ұстаздар және оқушылар!

Уа, жарандар, жарандар!

Мына  бізге қараңдар

Мінекей залда  тыныштық

Естілмейді  дыбыс түк

Мұны біз де қостаймыз

Кешіккенді тоспаймыз

Ғылымдардың патшасы

Математика пәнінен

“Тапқыр  математик ”сайысын бастаймыз.

Жүргізуші:

-Қымбатты білім  сүйгіш жас достар! «Ақыл-ойды тәртіпке келтіретін –математика, сондықтан да оны оқу керек, »Олай болса, бүгін сендер қызықты, математиканың жұмбақты да, тартымды әлеміне саяхат жасайсыңдар. Сендер бұл әлемнің қаншалықты қызықты, әрі сан түрлі екендігіне көз жеткізесіңдер. Сайыста сендерге әртүрлі қызықты сұрақтар мен тапсырмалар ұсынылады. Сайыста жеңіске жету үшін сендер белсенділік танытып,берілген сұрақтарға өзгелерден бұрын тезірек ойланып, жауап берулерің  керек.

Сайысымыздың  бағдарламасымен  таныстырайық:

Сайыс 2- турдан тұрады, 1-турдан аз балл жинаған 4 топ ойыннан шығып, қалған топтар жалғастыратын болады.

І тур:

«Бәйге»

«Жалғасын тап»

«Математикалық жұмбақтар»

ІІ тур:

«Сиқырлы кесте»

«Кім жылдам»

«Ойлан, тап!»

Жүргізуші:

Бүгінгі  күн сайыста

Ешкімнен сен қалыспа

Білімі кімнің көп болса,

Сол озады сайыста дегендей сайысқа қатысушыларға қошемет көрсетейік.

Бағдарлама бойынша  І кезең «Бәйге».

1.Ұзындықтың өлшем бірліктерін ата.

2.Екі нүкте арасын қосқанда не пайда болады?/ кесінді/

3.Қосу амалдарының компоненттерін ата.

4. Қабырғалары 2 см және 4 см-ге тең тік төртбұрыштың периметрі неше см-ге тең?

5. 50 мен 36-ның айырмасы нешеге тең? / 14 /

6. 1метр неше см-ге тең? /100 см/

7.Х+30=60  /х тің мәні нешеге тең?/ 30/

8. Қосу амалының қасиеттерін ата./ ауыстырымдылық және терімділік /

9.Жеңіс күні қай айда ,қай күнде тойланады? / 9 мамыр/

10.1ғасырда неше жыл? /100ж/

11. Қабырғасы 3 см шаршының периметрін тап./ 12 см /

12. Бұрыш түрлері?

13.Тышқан аулағышты 5 әріппен басқалай қалай атауға болады / мысық/

14. Қалада 21 кітап дүкені және 45-і артық азық-түлік дүкені бар.Қалада барлығы қанша кітап пен азық –түлік дүкендері бар?/ 87/

2-кезең «Жалғасын тап»  

Мақал-мәтелдердің жалғасын тауып,айту керек.

Екі  жақсы  қас  болмас,.../екі  жаман    дос  болмас./

      Бес бармақ  жиналса,../жұдырық   болады./

Отыз тістен шыққан сөз,.../отыз рулы елге жетеді./

      Жеті жұрттың тілін біл,.../ жеті түрлі білім біл./

      Жүз теңгең болғанша, .../жүз досын болсын./

Бір тал кессең,.../ он тал ек./

Досынды үш күн сынама,.../ үш жыл сына./

Айдың он бесі жарық,.../ он бесі қараңғы./

Бір кісі қазған құдықтан.../  мың кісі су ішеді/

3- кезең «Математикалық жұмбақ»  

-         Айқасқан екі таяқ,

Тұрады жоқты сұрап. / икс /

-         Жоқ өзінде бас та,қас та,мойын да,

Ұзындығы жазулы тұр бойында./сызғыш /

-         Аяғын жерге тірей қап,

Шеңбер сызды тұра қалып./ циркуль/

-         Нүктеден,екі сәуледен,

Құрылған бұл не екен? /бұрыш /

-         Алды-артымыз шексіз де,

Жете алмайсың біздерге.

Сәуле менен кесінді,

Шыққан тегін білсе де./ түзу /

Жұргізуші:Осымен сайысымыздың 1-туры өз мәресіне жетті.Әділ қазылар алқасы аз балл жинаған 4 топты атайды,сол топтар сайыстан шығады, ал көп балл жинаған 5 топ сайысты жалғастырады.

Ендеше сайысымыздың 2- турын бастаймыз.

1-    кезең «Сиқырлы кестелер»  

4,5,6,7,8,9 сандарын орналастырып,тігінен де,көлденеңінен де сандардың қосындысы 15 шығу керек.

9	1	5
4	8	3
2	6	7

2-кезең «Адасқан әріптер» 

Әріптердің орындарын ауыстырып, геометриялық фигуралардың атауларын жазу керек.

еңбрше / шеңбер /

шбұрүыш / үшбұрыш /

рашыш / шаршы /

елусә / сәуле /

үзут / түзу /

3-кезең «Ойлан, тап» 

1.«Қожанасыр  мен ұрылар»

Бір күні Қожаның үйіне ұрылар түспек болады.Үй иесі мұны сезіп:

-Сапырып-сапырып Сарманға бер,

Құйып-құйып Құрманға бер,

Есіктегі екеуге бер,

Төрдегі төртеуге бер

Өзің іш те маған бер деген екен.

Мұны  естіген ұрылар – «Қой мұнымыз болмас. Бұл үй толы кісі болды, әрі  бізде не кіесе артық екен, кетейік» -деп кетіп қалыпты. Үй иесі тапқырлығымен ұрылардан осылай аман қалыпты.

-Сонда үйдегі адамдар  нешеу, ұры қанша? (10 адам, 5ұры)

2. «Күлшеқыз»   

Күлше қызға өгей шешесі «45 бұршақты үш ыдысқа бөліп, екеуіне бірдей, үшіншісіне 2 есе аз сал» деп тапсырма берді. Күлше қызға бұршақтарды дұрыс бөлуге көмектесіңдер. (9+18+18)

3. «Шаштараз »

Таныс емес қалаға келген математик шашын алмақшы болды. Қалада екі ғана шаштараз бар, әрқайсысының  өз  орны бар. Біреуіне  кіріп, ол оның  орны лас екенін көріп, шебердің алқам-салқам  киімін көріп, шашы қалай болса солай алынғанын байқады. Ал екіншісінде тап-таза, иесі мұнтаздай таза және  шашы тамаша  алынған  екенін байқады. Аз уақыт  ойланып, математик бірінші  шаштаразға барды. -Неге? (қалада  екі ғана  шаштараз болғандықтан  әрқайсысы да бірін-бірі  қырқады. Демек, біріншісі – жақсы  шашатараз)

Жүргізуші:

-Ендеше, сайыстың  қорытындысын  шығарып, бүгінгі  сайысымыздың ең тапқыр оқушылар тобына тап өтсек.  Оқушыларды  грамотамен   марапаттау.

Математика-толған тәртіп, мағына мен мән

Математика-толған  тамаша  заңдылық пен сән

Математика-толып  жатқан  терең сыр

Шетсіз, шексіз дариядай бейне бір-дей отыра  бүгінгі  сайысымызды аяқтауға рұқсат  етіңіздер. Сау болыңыздар!