Ата-аналар жиналысы "Бастауыш сыныпта көбейту кестесін үйретудегі ата-ана көмегі"

«Гагарин атындағы орта мектеп» КММ

Бастауыш сынып оқушыларына

көбейту кестесін үйретудегі ата-ананың көмегі

(ата-аналар жиналысы № 1)

3а сынып

Өткізген: А.Б.Тастенова

Тақырыбы: Бастауыш сынып оқушыларына көбейту кестесін үйретудегі ата

ананың көмегі

Мақсаты: бастауыш сынып оқушысының математикалық сауаттылығын арттырудағы ата –аналардың көмегі;

Математика – барлық ғылымдардың ең алғашқысы әрі оларға пайдалысы да, әрі қажеттісі де осы. ((1214-1292) Роджер Бэкон - ағылшын жаратылыстанушысы) Математика әр кезеңде теориялық жаңа мәселелермен толықтырылып, аясы кеңейтіліп келеді.  

Көбейту дегеніміз – көбейткіштер деп аталатын екі объектіден көбейтінді деп аталатын үшінші объекті құру. Көбейту «х» белгісін 1613 жылы ағылшын математигі Уильям Оутред (1574-1680) ұсынған. Жалпы алғанда көбейту – әр түрлі бинарлық (латынша – қос, екі деген сөз) амалдардың атауы болып табылады.

Егер сіздің балаңыз 1-2 сынып оқушысы болса, онда біздің міндетіміз оған көбейту кестесін жаттап үйрету. Оны анағұрлым сапалы қалай жаттауға болатыны ата-аналардың көбіне түсініксіз. Егер мәселеге дұрыс жол табылса, онда оны аз уақытта жаттап үйренуге болады. Осы әдістерді пайдалана отырып, оқушыны түрлі әдістермен қызықтыра отырып үйретеміз деген ойдамын.

І. Көбейту кестесін жаттаудағы қиындықтар

Өмірде кез-келген адам, сол кездегі оқушы математика пәнінің айнымас, білуге міндетті бөлімі көбейту кестесін үйрену үдерісін басынан кешеді. Әрқайсысы оны әр түрлі тәсілдермен жаттап үйренді.

Жаттау, есте сақтау, жаттығу және көптеген басқа тәсілдер  түрлі нәтиже береді. Бұлардан да басқа көптеген тәсілдерді қолдануға болады. Бірақ, әр оқушы - жеке тұлға. Ендеше табиғи қабілетіне сәйкес қабылдауы да түрлі болады.

Қазіргі оқушының көбейту кестесін жаттаудағы қандай қиындықтары бар? Неге қиналады? Нені түсінбейді? Қалай жаттау керек? Неге жаттау, неге жай есте сақтауға болмасқа? Осы мәселелерді қарастырайық.

Біріншіден, оқушылардың өмірдегі күнделікті есте сақтау қабілеті әр түрлі. Бала зейіні белгілі бір бағытқа тұрақтану үшін сол бағытта көп жұмыс істеу керек. Күн тәртібі, заман талабы, отбасындағы жағдайлар баланы қаншалықты қызықтырсаң да жаттауға, үйренуге тарта алмас.

Екіншіден, жаттау немесе үйрену керек, міндетті  деген сөздер балаға кері эмоция тудырады. Мотивация жойылады.

Үшіншіден, жаттауға, үйренуге міндетті нәрсенің көлемі, оның көптігі, есте сақтауға қиындығы, оларды ретімен шатастырмай айту, қалай айту, дұрыс жауабын айту, түп нұсқасына қарамай айту, жаттағанын есіне түсіру, кез-келген сұраққа жауап табу, уа Төртіншіден, жаттау, үйрену тәсілдерінің қызықсыздығы.  Басқа бағыттардың тапшылығы.

Бесіншіден, баланы міндеттеу, өз еркімен көбейту кестесіне талпынысы, қызығушылығының болмауы немесе аз болуы. Мотивацияның аздығы, әлсіздігі.

Ендеше аталған қиындықтарды жеңу үшін түрлі жаттау, қайталауға қосымша басқа тәсілдерді табуымыз керек. Оларды келесі бөлімде қарастырамыз. қыт тапшылығы немесе ұзақтығы, жалғыз жаттау, жалығу қиындығы.

Әдістері:

·         «Қиын емес, оңай...» әдісі

·         «Мотивация» әдісі

·         «Бинго» ойыны

·         «On -line» үрдісі

·         «Картофиксики»

·         «Тауып көр» ойыны

·         «Бөліп жіктеу» тәсілі

·         «Бірліктер - ондықтар» ойыны

·         «Сиқырлы билеттер» ойыны

·         «Кім жылдам?» ойыны

Білім беру жүйесі әр кезеңде өзгеріп, дамып отыру керек. Қоғамда білім беру жүйесі экономикамен тең немесе алда тұру керек. Оқушыға алғашқы экономикалық, яғни математикалық сауаттылықты бастауыш мектеп береді. Бұл функционалдық сауаттылықпен тығыз байланысты.

Мектеп оқушыларының функционалдық сауаттылығы дегеніміз – оқушының пәнді терең түсіну қабілетін дамыту, алған білімін сыныптан тыс жерде, кез келген жағдайда тиімді пайдалана білуін қамтамасыз ету. Оқушылар қазіргі кезде математика пәнімен мектеп табалдырығын аттаған кезден бастап таныса бастайды.

 Ендеше математика пәнінің айнымас міндетті бөлігі көбейту кестесін оқушы білуге тиіс. Осы әдістемелік нұсқаулық арқылы, көбейту кестесін үйренгеннен кейін, сан алуан құбылыстардың зердесімен шолу жасайтын данышпан ғалымдар құпиясын жинақтап, ғылымға бет бұрып, олардың айнымас білімдер жиынтығын білетін болады.

Краткое описание документа:

Ата-аналар жиналысы "Бастауыш сыныпта көбейту кестесін үйретудегі ата-ана көмегі" ата-аналармен жумыс барысында көптеген әдіс-тәсілдерге үйретуге бағытталған. бұл жұмыс жас мамандарға, бастауыш сынып мұғалімдеріне нұсқаулық, көмекші құрал ретінде құрастырылған. Көбейту дегеніміз – көбейткіштер деп аталатын екі объектіден көбейтінді деп аталатын үшінші объекті құру. Көбейту «х» белгісін 1613 жылы ағылшын математигі Уильям Оутред (1574-1680) ұсынған. Жалпы алғанда көбейту – әр түрлі бинарлық (латынша – қос, екі деген сөз) амалдардың атауы болып табылады. Егер сіздің балаңыз 1-2 сынып оқушысы болса, онда біздің міндетіміз оған көбейту кестесін жаттап үйрету. Оны анағұрлым сапалы қалай жаттауға болатыны ата-аналардың көбіне түсініксіз. Егер мәселеге дұрыс жол табылса, онда оны аз уақытта жаттап үйренуге болады. Осы әдістерді пайдалана отырып, оқушыны түрлі әдістермен қызықтыра отырып үйретеміз деген ойдамын.