Қазақ тілінен қысқа мерзімді жоспар "Бұл менің отбасым" 2сынып

Қысқа мерзімді жоспар

Пән: Қазақ тілі Ұзақ мерзімді жоспар бөлімі: 2-бөлім «Менің отбасым және достарым». Сынып: 2		Мектеп: Физика-математикалық лицей Мұғалімнің аты-жөні: Султанова А.С Қатысқандар саны: Қатыспағандар саны:
Сабақ тақырыбы		Бұл менің отбасым.
Осы сабақта қол жеткізілетін оқу мақсаттары (оқу бағдарламасына сілтеме)		2.1.2.1 баяу және  анық  айтылған күнделікті өмірде жиі қолданылатын сөздер  мен қарапайым фразалардың мағынасын түсіну. 2.4.1.1 – тақырыпқа байланысты керекті сөздер, сызбалар, суреттерді қолданып, постер/мәтін құрастыру. 2.5.1.1 мұғалімнің қолдауымен заттың атын/сынын/санын/іс-қимылын білдіретін сөздерді ауызша/жазбаша тілде қолдану.
Сабақ мақсаттары:		Барлық оқушылар: таныс сөздердің мағынасын түсінеді, отбасы мүшелерін  атай алады. Көптеген оқушылар: таныс сөздердің мағынасын түсінеді, отбасы мүшелерін  атай алады. Отбасы туралы әңгімеле алады. Кейбір оқушылар: таныс сөздердің мағынасын түсінеді, отбасы мүшелерін  атай алады. Отбасы туралы әңгімеле алады.  Тірек сөздерін қолдана отырып отбасы  жайлы 3-4 сөйлем жаза  алады.
Бағалау критерийлері:		Баяу және  анық  айтылған күнделікті өмірде жиі қолданылатын сөздерді түсінеді; Тақырыпқа байланысты керекті сөздер, сызбалар, суреттерді қолданып, сөйлем, мәтін құрастыра алады.
Tілдік мақсаттар:		Пәнге тән лексика мен терминология: жақсы көремін – я люблю     көмектесемін – я помогаю жұмыс істейді-работает    тату-дружный  барады – ходит                    ойнайды-играет
Құндылықтарды дарыту:		Отбасына қамқорлық, мейірімділік көрсетуге үйрету
Сабақ барысы:
Сабақтың жоспарланған кезеңдері: Сабақтың басы 5 минут	Сабақтағы жоспарланған іс-әрекет 1.Ұйымдастыру кезеңі 1.Психологиялық дайындық: Шаттық шеңбері Оқушыларды сабақтың мақсатымен таныстыру. (МК) Шаттық шеңбері» әдісі. Мұғалім оқушыларды шаттық шеңберіне тұрғызады. Оқушылар шаттық шеңберіне тұрып, бір-біріне сәттілік тілеп, жақсы тілектер айтады. (Сәттілік тілеймін. Күн қуанышқа толсын. Қуаныш көп болсын.) -Тілектерге көп рахмет. Жүрегіміз қуанышқа толды. - Мен де балалар сендерге сәттілік тілеймін.  Қуанамын менде, қуанасың сен де. Қуанайық достарым, арайлап атқан күнге. Бүгінгі күніміз сәтті өтсін. Бәріңе сәттілік тілеймін! Сабағымызды бастайық. Орындарына отырамыз. Екі топқа бөліну. (суреттер және сөздер арқылы.) -Балалар сендердің алдарында суреттер жатыр. Сол суреттерді  алып үш тілде айтасындар. (Отбасы тақырыбына суреттер. Сөздер: Мынау -ата, мынау- ана, мынау - әже, This -оlder brother, Это - папа,Это - младший брат, This - older sister, This-father, мынау-әпке,мынау- іні, мынау-сіңлі,это- бабушка). -Міне, балалар, сендер сөздерді үш тілде айттындар. Енді сөздерді қазақ тілінде айтқан  балалар бір топқа отырады. Орыс және ағылшын тілінде айтқан балалар екінші топқа отырады.			Ресурстар АКТ
Сабақтың ортасы (33 минут) 3 минут	2. Т.Ж – Енді, балалар, «Артық сөзді тап» деген тапсырманы орындаймыз. Дәптер, кітап, қалам, алма, сызғыш - алма. Құлақ, қуыршақ, қонжық, доп, қоян – құлақ. Әже, іні, доп, қарындас, әпке – доп. Міне, балалар, бүгінгі біздің сабағымыздың тақырыбы: «Бұл менің отбасым» деп аталады.			АКТ
3 минут 5 минут 7 минут 1 минут 7 минут 7 минут	3.Өткенді қайталау. Миға шабуыл  стратегиясы -Сұрақтар қобдишасы: - Сендердің алдарында сұрақтар қобдишасы тұр. Әр топтан бір оқушы кезектесіп  шығып қобдишадан бір сұрақты алып екінші топқа сұрақ қояды. Сол топ жауап береді. (Ортада сұрақтар жазылған қобдишасы тұрады. Топтар бір біріне екі сұрақтан қояды және жауап береді.) Сұрақтар: Сен бос уақытыңда не істейсің? Бос уақытыңды кіммен өткізесің? Сен бос уақытында қайда барасың? Сен бассейнге кіммен барасың? Дескриптор: Сұрақтарға толық , нақты, сауатты жауап беру. 4. Жаңа сөздермен жұмыс Жаңа сөздерді тыңдап, мағынасын түсініп алыңдар. жақсы көремін – я люблю көмектесемін – я помогаю жұмыс істейді-работает  барады – ходит  ойнайды-играет  тату-дружный Балалар сөздерді жеке, жұппен, хормен оқиды. «Аудармашы» ойыны арқылы жаңа сөздерді бекіту. 5.Постермен жұмыс. Постер құру және әңгімелеу стратегиясы: -Қазір, балалар, постер арқылы жұмыс жасаймыз. - Алдарында берілген суреттерді  пайдаланып постер құрастырасындар және қорғайсындар. -Өздеріңді бағалауды ұмытпандар. (Отбасы тақырыбына сай суреттер беріледі. Сол суреттерді пайдаланып постер құрастырады және ортаға шығып қорғайды). Дескрипторлар: 1.      Постер құрастыра алады. 2.      Постердегі берілген суреттерді сөз тіркестері арқылы сипаттап бере алады. 6.Сергіту сәті            Бас бармағым - атам.             Балан үйрек - әжем.             Ортан терек- әкем.              Шілдір шүмек-шешем.              Кішкентай бөбек -мен. 7. Мәтінмен жұмыс. Мәтінді аудио арқылы тыңдау. Жұппен оқып, жұппен мазмұндау стратегиясы. -Балалар, қазір  аудио арқылы мәтінді тыңдайсындар. Жұппен жұмыс жасайсындар. Жұмыс соңында мына дескрипторлар арқылы өз өздеріңді бағалайсындар. (Мәтінді балалар әуелі аудио арқылы тыңдайды.Мәтінді   жұппен оқиды. Бірінші бөлігін бір оқушы, екінші бөлігін екінші оқушы оқиды. Содан кейін оқығандарын бір біріне айтады және екеулері бірігіп мәтін бойынша  сұрақ құрастырады). - Енді балалар, осы құрастырған сұрақтарыңды екі топ бір бірлеріне қойындар. (Екі топ кезектесіп бір біріне сұрақтар қояды). Бағалауды ұмытпандар. Менің отбасым           Менің отбасымда бес адам бар. Олар: анам, әкем, әпкем, інім және мен. Менің  анам – мұғалім. Ол әдемі, ақылды адам. Анам мектепте жұмыс істейді. Әкем- дәрігер.                     Әпкем – студент. Інім әлі кішкентай. Мен екінші сыныпта оқимын. Біз отбасымызда тату тұрамыз. Менің отбасым – ең жақсы отбасы. Мен отбасымды жақсы көремін. Дескрипторлар: 1.      Мәтінді дұрыс оқиды. 2.      Сөздердің мағынасын түсінеді. 3.      Сұрақтарды құрастыра алады. 8. Дөңгелек үстел стратегиясы. - Қазір, балалар, сендер Отбасы тақырыбы бойынша шағын мәтін құрастырасындар. Сол үшін сендер әр топта кезектесіп бір сөйлемнен  жазасындар. Соңында  мәтін шығуы керек. Сол мәтінді оқисындар. (Әр топқа 1 парақ беріледі. Топ оқушысының бірі сол параққа осы тақырып бойынша 1 сөйлем жазады. Екіншісі оның жазған ойын әрі қарай жалғастырып, екінші сөйлемді жазады. Соңында  тақырып жайлы мәтін шығады.  Бір оқушы мәтінді оқиды, сынып болып талдайды.) Дифференциация: қабылдау деңгейі  жоғары оқушылар отбасыға қатысты мәтін құрастыра алады. қабылдау деңгейі  орташа оқушылар отбасына қатысты басым сөздерді  суреттер бойынша әңгімелейді. Дескрипторлар: 1. Сөйлемді  дұрыс құрастырып, жаза алады. 2. Мәтінді  құрастыра алады.			Қобдиша Бағалау парағы АКТ Суреттер Ақ парақ Бағалау парағы АКТ Парақтағы мәтін Бағалау парағы Парақтар Бағалау парағы
Сабақтың соңы 2 минут	Рефлексия. - Балалар, сендерге бүгінгі  сабақ ұнады ма? - Сабақтан қандай әсер алғандарын біз қазір осы екі ыдысты таспен толтыру арқылы білеміз. -Міне, балалар, мына толтырылған ыдыстан сабақтан қандай әсер алғандарын көрініп тұр. Міне, қарандаршы – Көңілді смайлик. Мен де сендерге отбасыларымен бірге көңілді болуларына тілектеспін. (Мұғалім түрлі түсті тастарды таратады. Оқушылар сабақтан алған әсерлерін түрлі тастарды ыдысқа салу  арқылы білдіреді).
Саралау –оқушыларға қалай көбірек қолдау көрсетуді жоспарлайсыз?  Қабілеті жоғары оқушыларға қандай міндет қоюды жоспарлап отырсыз?		Бағалау – оқушылардың материалды меңгеру деңгейін қалай тексеруді жоспарлайсыз?	Денсаулық және қауіпсіздік техникасының сақталуы
Отбасыға қатысты мәтінді құрастыра алады, мәтін бойынша сұрақтар дайындайды.		Меңгеруді бақылау Оқушылар  өздеріңді бағалайды. Дескрипторлар арқылы бағалау.	Топтар, жұптар жұмыс істеу дағдылары (құрмет көрсету, кезекпен сөйлеу және т.б.)