Біздің Отбасы- есіркіден алыс

                               Біздің отбасы есірткіден алыс!

Мен - бейбіт елдің ертеңі, білектің күшімен жерін қорғаған, тілдің ұшымен қан майданды тоқтатқан батырлардың ұрпағы, ақ жаулығы желбіреген, ары мен намысын бермеген аналардың қызымын. Бұл - менің өмірімдегі ең үлкен бақыт! Еліміздің егемендігі мен тәуелсіздігі менің өз болашағымды таңдап, өзім қалған өмірді жасауыма мүмкіндік берді. Осындай үлкен мүмкіндікті  қалайша жіберіп алмақпын?! Мен өмірді таңдаймын! Мен болашақты таңдаймын!

Менің отбасымда тоғыз адам бар. Анам күміс алқа иегері. Біздің отбасы мүшелері әрдайым салауатты өмір салтын қолдап келеді. Ата-анамыз мені және бауырларымды барынша барлық бастауларымызда қолдап, кедергілерге тап болсақ тура жолды көрсететін кеңестерін аяған емес. Бізді қоршаған қоғамда болып отырған әлеуметтік және спорттық іс-шараларға бізбен бірге белсенділік танытып жүрген анам,әкем және атамды көрген кезде менің де осындай іс-шараларға деген қызығушылығым одан әрі арта түседі.

«Есірткі,наша құрдымға тура апаратын жол» - деген әкемнің бір ауыз сөзі менің бұл заттарға деген теріс көзқарасымды қалыптастыруыма негіз болды. Шын мәнінде осындай зиянды заттардың адамның жеке өміріне ғана емес оны қоршаған ортасына тигізетін әсерін қазақтың «бір құмалақ бір қарын майды шірітеді» деген мақалына теңесек те болады. Бұған куә болар ақпараттарды әлеуметтік желілер мен бұқаралық ақпарат құралдарынан көріп, оқып , естіп жүрміз.

         Жылдар өткен сайын ата-анамнан, мектептегі ұстаздарым мен тәртіп сақшыларынан жаман әдеттер, зиянды заттар жайлы көптеп еститін болдым. Кім болмасын бізге нашақорлық жайында мағұлматтар мен түсінікті тілде бұл жолды таңдаушылардың өмірі жайлы түрлі ақпараттар бергеніне қарамастан еліміздің ертеңі деп үміт күткен жастарымыз бен жасөспірімдеріміздің бір бөлігі осы қараңғылықты таңдағаны қатты қынжылтады.

         Есірткі,шылым, алкагольдік заттар кез келген өмірді галактикадағы қара құрдым секілді тартып әкетері сөзсіз. Бір рет дәмін қызыққа көріп өз өмірін шынжырлағандарды  білместікпен істеді дейін десең қазіргі заманда бұл заттар жайлы толық ақпаратты алып отырғанымызды ескеруіміз керек. Ендеше осынау кең байтақ жердің иесі, Қазақстанымның болашағы мен ертеңі болар жастары мен жасөспірімдері, неге бұл жолды таңдадыңыз?

Есірткі жайлы айтып саған берейін,

Талай жастың кернеп жүрген көмейін.

Қара құрдым тартып алар өмірді,

Жайлы аздап қара сөзді өрейін.

Бір ретке деп талай жандар алданды,

Ойламастан болашақты, арманды.

Ата-ана,дос ,бауырды ұмытып,

Кетті тастап мына бес күн жалғанды.

Мың бүр түрлі ғажайып бар өмірде,

Армандар бар қол жетпеген көңілде.

Құлы болмай есірткінің өмірде

Отырсаңшы қожайын боп төрінде.

-         деп  кез келген қараңғылық жолын таңдауды бір рет болса да ойында туындаған адамдарға айтқым келеді. Ойыңды тұмандату -бұл қиындықтан шығатын жол емес, бұл нағыз құтылмас қақпаға түсу. Сенің ортаң, достарың деп ойлайтын жандар салауатты өміріңді қолдамауы мүмкін, бірақ соңғы таңдау өзіңде екенін ұмытпағаның жөн.

         Байырғы замандарда соғыс кезінде тұтқынға түскен сарбаздардың басына түйе терісін кигізіп, шөлді далаға қол аяғы байланып жібергенде найзасына он жау сарбазын қадар білекті жауынгер батырлар өз анасын танымас «мәңгүртке» айналған екен. Ал қазіргі бейбіт заманда жастарымыз өз қалауларымен «мәңгүртке» айналып жатыр. Алайда мен ертеңіме сенемін, мен жарқын болашақтың бөлшегімін! Бұл менің таңдауым!

                                               Қызылорда облысы

                                               Жаңақорған ауданы

                                               Түгіскен ауылы

№209 Ә.Әбутәліпов атындағы орта мектептің 7 «а» сынып оқушысы Әбунасырқызы Несібелі