Бәріміз бірдейміз, кемсітуді білмейміз!

   Бәріміз бірдейміз,кемсітуді білмейміз!

Жалпыға бірдей білім беру айлығы  барысында мектебімізде осы жылдың 10 қаңтарынан 10 ақпанына дейін «Бәріміз бірдейміз,кемсітуді білмейміз!» атты «Қамқорлық» акциясы ұйымдастырылды.

Акцияның мақсаты – тұрмысы төмен және ата-анасының қамқорлығынсыз қалған оқушыларға материалдық көмек көрсету.Акция барысында мектеп әкімшілігінен шаруа қожалықтары, жеке кәсіпкер иелеріне хаттар жолданып, бірқатар азаматтар игі іске қол ұшын берді. Атап айтсақ, жеке кәсіпкер Бөлекбаев Нұрым 20 000 теңге көлемінде толық емес отбасы мүшелеріне ақшалай көмек көрсетті. Сол сияқты сынып жетекшілер де көптеген оқушыларға оқу құралдарын, киім-кешектер алып берді.

«Қайырымдылық жасасаң, қайырымын өзің көресің» - деген екен дана халқымыз. Адамдар бір-біріне қайырымдылық, мейірімділік таныту арқылы жақсылық жасады.

«Қамқорлық» акциясын қорытындылау мақсатында «Ас – адамның арқауы» (жәрмеңке) ,«Мен бақытты баламын» (сурет көрмесі),спорттық шаралар өткізілді.Мерекелік іс-шараның аясында жиналған қаражатқа әл-ауқаты төмен оқушыларға қажетті оқу-құралдары мен спорттық киімдер берілді.

«Саусақ бірікпей, ине ілікпейді» демекші,әркезде де жүрегіміз, пейіліміз ақ болып әрбір балаға деген жүрек жылуын аямай,жақсылық жасауға ұмтылып тұрайық!

Адилова Айгул Адиловна,

              Т.Бокин атындағы №41 орта мектебінің

Әлеуметтік педагогы.