Әдебиеттік оқу 3-сынып "Шал мен бала"

Әдебиеттік оқу 3-сынып

Сабақтың тақырыбы: Б.Соқпақбаев «Шал мен бала»

Сабақтың мақсаты: Білімділігі: Оқушыларды Бердібек Соқпақбаев өмірі мен шығармашылығымен таныстыру. Мәтіннің негізгі идеясын түсіндіру.

Дамытушылығы: Оқушыларды мәнерлеп, жылдам оқуға үйрету. Қызығушылығын ояту, ой-өрісін, тіл байлығын кенейту, сөздік қорын молайту.

Тәрбиелігі: Оқушыларды адамгершілікке, инабаттылыққа, үлкенге құрмет көрсетуге тәрбиелеу.

Көрнекілігі: автор портреті, суреттер, тірек –сызба.

Сабақтың барысы:

І. Ұйымдастыру кезеңі.

Психологиялық дайындық.

Сабақтың мақсатын түсіндіру.

·         Тақырыбын, өтілу кезеңдерін, бағалау парақтарымен таныстыру.

ІІ. Үй тапсырмасын тексеру:

"Серпілген сауал" әдісі

Үлестірмелі қима қағаздарды пайдалану арқылы сұрақтарға жауап алу.

«Ақ шаш» (В.Сухомлинский)

1.«Ақ шаш» мәтінінде кімдер туралы айтылған? 

2. «Ақ шаш» мәтініндегі баланың есімі кім? 

3. Мишаның байқампаздығын неден аңғардың? 

4. Миша анасына қандай сұрақ қойды? 

5. Мишаның сұрағына анасы не деп жауап берді? 

6. «Ананың көңілі балада,

Баланың көңілі далада» мақалының мағынасы неде? 

7. Мишаның келесі сұрағына анасы қалай жауап берер еді деп ойлайсың? 

ІІІ. Мағынаны ашу.

Жаңа сабақ

Б. Соқпақбаев "Шал мен бала"  әңгімесі

Автор туралы әңгімелеу.

Бердібек Соқпақбаев — қазақ балалар әдебиетінің классигі, тамаша жазушы.

Өтірікке өлердей қас болатын. Қатарлас замандастарының өтірік жазғанын жазып жүргенін білсе, сыйламай қоятын. Ол қоғам шындығын бар ауыртпалық, қиындығымен көрсетем деп өзі де көп қиындық көрген қаламгер. Шыншыл шығарма-өміршең.

Бердібек Соқпақбаев 1924 жылы Алматы обылысы Нарынқол ауданында дүниеге келген. Абай атындағы Қазақ мемлекеттік педагогика институтын бітірген. «Жұлдыз», «Балдырған», журналдарында қызмет еткен. «Менің атым Қожа» повесі оқырмандардың сүйікті шығармасына айналса, осы повесі бойынша түсірілген фильм 1967 жылы Канн фестивалінің жүлдегері атанды. Жазушының «Балалық шаққа саяхат», «Өлгендер қайтіп келмейді», «Жекпе – жек повестері, көптеген әңгіме, өлеңдері балаларға арналған.

«Шал мен бала» мәтінімен қысқаша шолу жасау.

Сергіту сәті

ІV. Оқулықпен жұмыс. Оқушыларға оқулықтан оқи отырып, өздеріне таныс емес сөздерге белгі қоя оқу.(іштен дыбыссыз оқу), (үш минут).

Бұл оқу түрін INSPT - инсепт деп аталатын стратегиясын пайдалану.

Қиын сөздерге тоқталып түсіндіру.

1.Бүкірлеу – еңкейген адам.  2. Қоба сақал – қалың сақалды.

3. Имек бас – қариялар ұстайтын аса таяқ. 4. Ілгері лықсып – алдына қарай жүру. 5. Қауқарсыз – әлсіз, күш-қуатсыз.

6. Біреулерді сүзе барып – біреулерді соға құлайтын еді.

V. Операциялық-орындаушылық кезең.

1-тапсырма. Мәтін мазмұнын талдау.

1.Трамвайда кімдер келе жатты?

2.Қарт балаға не үшін рахмет айтты?

3.Бала мен қарт кісі арасында не туралы әңгіме өрбіді?

4.Оқиғаға тағы кім қосылды?

5.Бала неге қысылды?

6. «Инабаттылық» дегенді қалай түсінесіндер?

Өзіндік жұмыс.

1-тапсырма. Венн диаграммасын құру.     "Шал".  "Тақырбас бала"

Дәптермен жұмыс.

 Рефлексиялық – бағалау кезеңі.

Тест сұрақтары.

1.Бердібек Соқпақбаевтың қай жылы туып, қай жылы дүниеден озды?

а)1924-1992     ә)1921-1991        б)1923-1990

2.Шал құлай жаздағанда, оны кім ұстап үлгірді?

а)кекілді үлкен бала   ә)тақырбас кішкене бала   б)бойшаң бала

3.Қарт кісі балаға не жайында әңгімеледі?

а)жердегі шалшық су жайлы  ә)өзінің немересінің тәртібі

б)бауынан шиенің ұрланғаны

4.Бала қартты үйіне әкеле жатқанда алдарынан кім шықты?

а)шалдың баласы   ә)шалдың көршісі   б)шалдың немересі

5.Тақырбас баланың аты кім?

а)Марлен   ә)Мәулен   б)Марат

6.Ұрлық түбі - ...

а)қорлық    ә)рақат   б)бейнет

7. «Шал мен бала» әңгімесінің авторы кім?

а)Ы.Алтынсарин        ә)Б.Соқпақбаев   б)Сухомлинский

Бағалау.

Үйге тапсырма

158-бет.Мәтінді түсініп оқу.

Әдептілікке байланысты мақал-мәтел жинастыру.