Әдебиеттік оқудан ашық сабақ "Абай мен Әбіш" (Ел аузынан) 3 сынып

Сабақтың тақырыбы:      Абай мен Әбіш (Ел аузынан)

Мақсаты: Білімділігі: Абайдың заманындағы ұлы тұлға екендігі, ұлттық мәдениетіміздің, тарихымыздың өшпес мұрасы екендігін ұғындыру. Оқушыларға қазақтың ұлы ақыны А.Құнанбаевтың өмірі мен шығармашылығынан мәліметтер беру және әңгімені оқып, мазмұнын ашу.

Түзетушілік мақсаты: оқушылардың ізденгіштік қасиеттерін арттыра отырып, дәлелді пікір айтуға үйрету.Ойлау қабілеттерін дамыта отырып  , шығармашылықпен жұмыс істей білуге, оқып білуге ынталандыру, ойлау қабілетін, сөйлеу мәдениетін жетілдіру. Өз пікіріне тұжырым жасай білуге, көркем сөйлеуге дағдыландыру. Өз бетімен оқу дағдысын қалыптастыру.

Тәрбиелілігі: оқушыларды адамгершілікке, ана тіліне деген сүйіспеншілігін арттыра отырып, ұлтжандылыққа, жауапкершілікке тәрбиелеу.Жамандықтан, арамдықтан аулақ болуға, істеген істерін әрқашан ойланып істеуге, ақылды болуға, жауапкершілік сезімі бар өнегелі тұлға тәрбиелеу.

Түрі: жаңа сабақты меңгерту.

Әдісі: СТО стратегиялары.

Көрнекілігі: суреттер, слайд, кесте, Абай қара сөздерін тыңдау.

Сабақтың  жүру барысы:

І. Ұйымдастыру кезеңі.

Оқушылармен амандасу, сабаққа ынталарын аудару

Психологиялық даярлық

Әсемпаз болма әр неге,
Өнерпаз болсаң, арқалан.
Сен де - бір кірпіш, дүниеге 
Кетігін тап та, бар қалаң!

-Жарайсыңдар!

ІІ. Үй тапсырмасын тексеру.                      «Ой қозғау» стратегиясы

В.Сухомлинский «Нағыз адам» әңгімесінің мазмұнын айту.      3-4 оқушы

-Әңгімедегі кейіпкерлерді атаңдар.  (Атасы, немересі және жолаушылар)

-Атасы мен немересі қайда тұрады?  (Аптап, қуаң даладағы жалғыз үйде)

-Мәтіндегі адамдарды танып білуге бізге не көмектесті? (Шелек және әр жолаушының іс-әрекеті)

ІІІ.Өткен сабақты бекіту.

- «НАҒЫЗ АДАМ» сөзін                                    Топтастыру стратегиясы

ІV. Мақсат қою кезеңі: Сабақтың мақсатын, тақырыбын хабарлау. Жаңа сабаққа даярлық .

                                    Бөлмедегі  іліулі тұрған көрнекіліктерге назар аудару: 

-  Кімді және нелерді байқап тұрсыңдар? Бұларды атаңдар.

                                                                                Көрнекілік стратегиясы

1.-АБАЙ  деген кім?  Не білеміз?              (Оқушылар жауабы тыңдалады)

Абай (Ибраһим) Құнанбайұлы (1845-1904) — ақын, ағартушы, жазба қазақ әдебиетінің, қазақ әдеби тілінің негізін қалаушы, философ, композитор, аудармашы.  Абай 10 тамыз 1845 ж. қазіргі Семей облысының Шыңғыс тауларында Қарқаралының аға сұлтаны Құнанбайдың төрт әйелінің бірі, екінші әйелі Ұлжаннан туған.

Абай әуелі ауыл молдасынан сауат ашып, сосын Семейдегі Ахмет Риза медресесінде үш жыл оқып білім алады. Ол бала жасынан кітапқа құмар болды, араб-парсы және көне түркі әдебиетінің үлгілерімен танысты. Абай қазақтардың дәстүрлі әдет-ғұрып заңы мен ислам дінінің қағидаларын терең меңгерді. Онымен білім жарыстырудан молдалардың өздері қауіптенетін. Абай халық ауыз әдебиетінің үлгілерін өте жақсы білді.

                        www.imektep.kz     сайтынан Абай туралы мәлімет көрсету

V. Жаңа сабақ:        Сабақтың тақырыбы:      Абай мен Әбіш (Ел аузынан)

-Оқушылар керемет айтыс өнерін тамашалайық. Бұл айтыстан кім не түсінді, өз ойларыңды ортаға салуға дайындалып отырамыз?

                                           www.youtube.com  Ержан мен Жансая айтысы

--Оқушылар пікірі тыңдалады.

1.Оқулықпен жұмыс.

Мәтінді оқу, түсінгенін айту,  түсінбегенін сұрау.

                                             - Жақсы оқитын оқушыға мәтінді түгел оқыту

                                                 «Ойлан. Жұптас. Бөліс» әдісі, талдау:

--Мәтіннің кейіпкерлерін ата

--Мәтіннен Әбіш туралы  айтылған жолдарды тауып оқы.

--Абай Әбішке қандай сұрақ қояды?

--Әбіш қалай жауап береді?

--Абайдың жауабын оқы.

--Саған кімнің жауабы ұнады?  --Абайдың....?

                                                        --Әбіштің ....?

2.Дәптермен жұмыс:

                                                                        Әбдірахман-(Әбіш) Абайдың ұлы

                                                                                   Ақыл-нұр, жарық зат

Семей, Петербург қала атауы

 Асыл-құнды, бағалы, қымбат 

3.Сергіту сәті                                                  «Аққаламен бірге жаттығу»

 4.Топтық  жұмыс:                                                                        

---Көп нүктенің  орнына тиісті сөздерді  қою.Бұлар қандай сөздер?

                                     Жарық- қараңғы, ұзын-қысқа, қара-ақ, ащы-тұщы

--- Ақ-қара   сөздеріне сөйлем құраңдар.

 5.Ой тұжырым:  --Ақ зат асыл ма, әлде қара зат асыл ма? Ойыңды дәлелде

                                --Осы әңгімеге сәйкес  қандай мақал айтуға болады?

                                1. Ақыл – жастан шығады,  Асыл тастан шығады.

                                2.Әке-балаға сыншы

VІ.Сабақты бекіту.

Тест                                    www.imektep.kz     сайтынан Абай туралы

1.«Қазақтың бас ақыны» аталған ақын---Абай Құнанбаев

2.Абайдың анасы—Ұлжан

3.Абай оқыған оқу орны---Ахмет Риза мешіт-медресесі

4.Абай атамыз айтқан бес асыл іс----талап, еңбек, терең ой, қанағат, рақым

5.Абай атамыз көрсеткен бес дұшпанның бірі---еріншек

6.Абайдың ел ісіне ерте араласуы---әкесінің қалауы

7.Абайдың қара сөздерінің саны---45

8.Абай білген шет тілдері---түрік, араб, парсы

9.Абайдың орыс тілін қайдан үйренгенін көрсетіңіз---өз бетімен оқып үйренді.

10.Абай өз өлеңдерінде---халықты өнер-білімге шақырды.

-Осы әңгімеден сендерге ұнады ма?

-Абай аталарың  қара зат асыл деп қандай нәрселерге сүйеніп жауап берді ?

-Әбіш өз ойын қалай дәлелдеді? 

                 Сонымен бүгінгі сабақ сендерге ұнады ма? Қандай әсер алдындар?

VІІ.Үйге тапсырма беру. Абай мен Әбіш әңгімесін оқу.

Сабақты қорытындылау.

ҮІІІ. Бағалау. Сабаққа белсене қатысқан оқушыларды бағалау.