Дербес компьютер архив (поур+флипчарт)

«Ғ.Қайырбеков атындағы орта мектебі» ММ

Сабақтың тақырыбы: «Дербес компьютердің  құрылғылары»

Пән мұғалімі: Сейдазимова Т.Н.

Сынып: 7

Сабақтың тақырыбы:  Дербес компьютер. Компьютердің құрылысы

Сабақтың мақсаты:

Білімділік:  Оқушыларға дербес компьютер және оның құрылғылары туралы нақты білім беру.

Дамытушылық: Қызығушылығын арттыру, логикалық ойлау арқылы толық және нанымды жауап беруге дағдыландыру.

Тәрбиелік: Еңбекті сүйе білуге, компьютермен жұмыс жасағанда қауіпсіздік ережелерін есте ұстауға, өз уақыттарын дұрыс пайдалана білуге тәрбиелеу.

I.Ұйымдастыру.

-         Оқушылармен аманадсу;

-         Келмеген оқушыларды белгілеу;

-         Өтілетін тақырыпқа зейіндерін аударту.

II.Үй тапсырмасын тексеру.

Тест тапсырмасы арқылы тексеру.

   1. «Ақпарат» сөзі латынның қандай сөзінен аударылған?

А) informatio        Ә) informatik        Б) infoemation

2. Қоршаған дүние туралы және онда жүріп жатқан процестер туралы хабарлар мен  мағлұматтар ...

А) сигнал            Ә) ақпарат      Б) информатика

3. Ақпараттың өлшем бірлігі

А) бид, байт         Ә) код, бит      Б) бит, байт

4. Байт дегеніміз не?

            А) 10 биттен тұратын код    Ә) 8 биттен тұратын код       Б) 18 биттен тұратын код

5. Адам немесе құрылғы ақпарат қабылдайтын физикалық процесс ...

А) сигнал            Ә) ақпарат      Б) информатика

6. Ақпараттық процестерді зерттейтін ғылым?

А) физика          Ә) ақпарат      Б) информатика

III.Жаңа тақырыпты баяндау.

Дербес компьютер. Компьютердің құрылысы

Компьютер – ақпараттық процестерді жүзеге асыратын құрал

Компьютердің  құрылғыларының блок-схемасы

Негізгі құрылғылары:

•         Жүйелік қорап

•         Монитор

•         Пернетақта

•         Тінтуір

Шеткері құрылғылары:

•         Ақпаратты енгізу құрылғылары

•         Ақпаратты шығару құрылғылары

•         Енгізу және шығару қызметерін бірге атқаратын құрылғылар

Жүйелік блок - Компьютердің ең басты бөлігі. Ол – компьютердің “миы”.

Жүйелік қорап компьютердің негізгі тораптарын қамтиды:

•         жүйелік (аналық) тақша;

•         процессор;

•         оперативті жады;

•         тұрғылықты диск;

•         алмалы дискілермен жұмыс істеуге арналған диск жетегі;

•         СD және DVD диск жетектері;

•         бейнесызбалық бейімдеуіш;

•         дыбыстауыш;

•         желілік тақша;

енгізу-шығару порттары.

Аналық тақша - бұл компьютердің барлық құрамдас бөліктері қосылатын күрделі көп қабатты мөрлік тақша. Аналық тақша мыс өткізгіш жолшықтар  желісімен қапталған, олардың бойымен мәліметтер тақшада құрастырылған микросхемалар мен компьютердің басқа  құрылғылары  қосылатын слоттарға жеткізіледі.

Процессор немесе микропроцессор  компьютердегі орталық мәліметтер өңдеу  құрылғысы болып табылады.  Процессор микросхема ретінде ұсынылған  және оперативті жадымен қатар аналық тақшада орналасады. Процессор бағдарламалар жұмысына қажетті есептеулерді орындайды.   Процессордың жылдамдығы мегагерцпен (МГц) немесе (ГГц) өлшенетін оның ырғақтық  жиілігімен анықталады.

Орталық процессор - әдетте компьютер сипаттамасының басында, орталық процессордың (CPU - central processor unit) типі мен жиілігі, оперативті жады (random access memory, RAM) сипаттамасы беріледі. Компьютердің бұл құрамдас бөліктері – ең бастылары, өйткені олар компьютер жұмысының шапшаңдығын анықтайды.

Процессордың түрлері

Оперативті жады - Компьютердің оперативті жадысы  (ОЗУ) немесе Random Access Memory  мәліметтерді қысқа мерзімге  сақтау үшін қызмет етеді.

Тұрғылықты диск - Тұрғылықты диск (тұрғылықты диск жетегі) немесе Hard disk Drive (HDD) – бұл компьютердегі негізгі мәліметтер қоймасы. Тұрғылықты дискінің сыйымдылығы түрлі компьютерлерде алуан түрлі болады да,Мегабайтпен және гигабайтпен өлшенеді.

Алмалы дискілермен жұмыс істеуге арналған диск жетегі- 3,5 – дюймдік дискеттерді оқиды.Бұл дискілер ауыстырылатын тасымалдаушылар болып саналады. Олардың сыйымдылығы 1,44 Мб.Компьютерде алмалы дискілерге арналған диск жетегіне “А” әрпі белгіленеді.

СD және DVD диск жетектері - Мәліметтерді ықшам дискілерге жазуға және оқуға мүмкіндік береді. СD және DVD дискілер – ауыспалы тасымалдаушылар.  Дискілер бір рет жазылатын (CD-R және DVD-R) және қайталап жазылатын  (CD-RW және DVD-RW) болып бөлінеді

Енгізу-шығару порттары- Порттар – корпустың алдыңғы немесе артқы тақтасындағы ажыратқыштар, оларға әдетте кабель арқылы әр түрлі құрылғылар қосылады.Порттарға қосуға болатын құрылғылардың саны мен түріпорттардың саны мен түріне тәуелді болады.

Монитор немесе дисплей – компьютердің экранына ақпаратты

шығаратын құрылғы. Экран түстеріне қарай дисплейлер монохромды

және түрлі-түсті болып, ал шығарылатын информация түрлеріне

байланысты символдық және графиктік болып бөлінеді.

Пернетақта - компьютерге ақпарат енгізуге арналған құрылғы.

Пернелер бірнеше блокқа бөлінеді:

-         Символдық пернелер

-         Функциялық пернелер

-         Нұсқаушы пернелер

-         Цифрлық пернелер

Тінтуір- “Тышқан тәрізді қол тетігі”пернелікпен бірге ЭЕМ-ді басқару үшін қолданылады.Маустың екі түрі болады: үш батырмалы, екі батырмалы.

Енгізу және шығару қызметерін бірге атқаратын құрылғылар - модем, дыбыстық бейімдеуіш, желілік бейімдеуіш. Модем – компьютерлерге телефон желілері немесе байланыс желілері арқылы өзарамәлімет алмасуға мүмкіндік беретін құрылғы.

IV.Сабақты бекіту.

·       Берілген суреттерге тиісті атауларын жазыңыз.

·       СИНКВЕЙН әдісі арқылы белгілі бір компьютер құрылғысына арнап бес жол өлең шумағын құрастырыңыз, яғни

1жол – зат есім (1 сөзден тұрады)

2 жол – сын есім (2 сөзден тұратды)

3 жол – етістік (3 сөзден тұрады)

4 жол –сөз тіркесі (4 сөзден тұрады)

5 жол – синонимі (1 сөз)

Мысалы:

Монитор

Әдемі, тегіс

Жанады, көрсетеді, баяндайды

Ақпаратты көрсетіп тұратын құрылғы

Экран 

V.Үйге тапсырма.

-         Берілген тақырыпты оқу, дәптерге мазмұндау.

-         Тест құрап келу.

VI.Бағалау.

Оқушылардың белсенділігі мен тапқырлығы және де сұрақтарға жауап берулеріне қарай бағалау.