Дүниетану пәнінен 1-сыныпқа арналған Мектепке баратын жол тақырыбы

Күні:10.10.2017		Сабақ: Дүниетану	Мектеп: Жалпы білім беретін №8 орта мектеп
Сынып: 1 «Ә»		Мұғалім: Алпысбай А.С.	Әдіскер:  Сүлейменова С.Ы
Тәлімгер:  Қанатбекова Аяулым			Сабақтың тақырыбы:  Мектепке баратын жол
			Қатысқандар саны:	Қатыспағандар саны:
Сабақтың мақсаты:			Барлық оқушылар : жаяу жүргінші және жолдағы қауіпсіздік ережелері туралы білу;
Диалогқа  жазылымға қажетті сөз тіркестер			қауіпсіздік – безопасность – safety; жаяу жүргінші – пешеход – pedestrian; бағдаршам – светофор – traffic light.
Пәндік лексика және терминдер:			Мектеп, бағдаршам, қауіпсіздік, т.б.
Құндылықтарды дамыту:
Сабақ барысы
Сабақтың жоспарланған  кезеңдері	Сабақтағы жоспарланған іс - әрекет				Ресурстар
Сабақтың басы	Жеке жұмыс. Жұптық жұмыс. Кері байланыс. Сәлеметсіңдер ме, оқушылар.  Бүгінгі дүниетану сабағынан мен – Қанатбекова Аяулым беретін боламын. Мен сендерге алғаш сабақ беріп тұрғандықтан есімдеріңді біле бермеймін, сондықтан орындарыңнан тұрып, есімдеріңді атаңдар. Өткен сабаққа көз жүгірту. Балалардан өткен сабақта қандай тақырып өткенін және оны түсінгенін сұрау. Жұмбақ шешу. Ал, қанеки, балалар, жұмбақ шешейік. Талдай болып кіресін, Таудай болып шығасын. Бұл не? (Мектеп) Үш көзі бар, Қызыл көзі «тоқта» дейді, Сары көзі «дайындал» дейді, Жасыл көзі «жүр» дейді. Бұл не?  (бағдаршам) Арқаным бар тым ұзын, Ала алмаймын бір үзім. Бұл не? (жол) Жарайсыңдар, балалар, берілген жұмбақтарды шеше алдыңдар. Жаңа сабақ. Бүгінгі біздің өтетін жаңа тақырыбымыз осы үш жұмбақтың шешуіндегі сөздермен байланысты болмақ. (мектеп, жол, бағдаршам). Яғни, тақырыбымыз «Мектепке баратын жол» деп аталады. Балалар жалпы сендер мектепке не үшін барасыңдар? Мектепке кіммен барасыңдар? Мектепке қалай барасыңдар? Менің бағытым Ал, енді, балалар, сендер қайда тұрасындар, мектепке қалай және қай жолмен келетіндерінді білесіңдер ме? Иә, кейбір балалар жаяу, ал кейбір балалар көлікпен немесе қоғамдық көлікпен келеді. Білесіңдер ме, балалар,  жаяу жүретін адамды жаяу жүргінші деп атайды. Ол жолда қауіпсіздік ережелерін сақтауы тиіс. Оның көмекшісі – бағдаршам. Бағдаршам деген не екенін білесіңдер ме? Тақтаға назар аударайық. Балалар, маған кім айтып береді, бағдаршамда қандай түстер бейнеленген? Ол түстердің нені білдіретінін білесіңдер ме? Жарайсыңдар, балалар! Оқулықпен жұмыс. Оқулықтың 20-бетін ашып қарандар. Бұл бетте қандай сурет бейнеленген? Бұл балақай жол ережесін дұрыс сақтап келеді ме? Мұқият қараңдар. Иәә, балақай жолдан бағдаршамның қызыл түсіне өтіп бара жатыр. Оның бұл әрекеті дұрыс емес. Балалар естеріңе сақтандар, бағдаршамда қызыл түс жанса, жасыл түс жанғанша тоқтап тұрамыз.(Оқулықтағы сұрақтарды оқытып, жауап бергізу) Сергіту сәті: Шаршағандарынды басу үшін сергіту сәтін өткізіп алайық. Бейнебаянға назар аударып бірге шынығайық. Оқулықтың 21-бетіне назар аударайық.  Онда не берілген, олар қандай белгілер, нені білдіреді? Тақтаға 4 баланы шығарып, берілген белгілер нені білдіретінін сұраймын. Белгілер жайлы мәлімет беру. Балалар, жаяу жүргінші жолын неліктен жолақ деп атайды? Сол туралы келесі сабақта ізденіп келіндер. Ал, балалар, оқулықта бізге үйден мектепке баратын жолынды сызып көрсет дейді. Мына ақ парақтарға берілген тапсырманы орындандар. Сызбаларын талқылау. Тірек сөз. Балалар, бүгінгі сабағымыздағы тірек сөздерді тақтаға қарап, үш тілде оқиық. қауіпсіздік – безопасность – safety; жаяу жүргінші – пешеход – pedestrian; бағдаршам – светофор – traffic light. Сергіту сәті: Орнымыздан тұрайық Алақанды ұрайық Бір отырып ,бір тұрып Біз тынығып алайық. Жұмыс дәптерімен жұмыс. Жұмыс дәптердің 27-бетін ашып, қарайық. Мұнда Даниярдың мектепке баратын жолы берілген. Данияр қай көшеде тұр? Ол мектепке жету үшін қай көшемен жүруі тиіс? Дәптерге оның жүретін бағытын сызып көрсетіндер. Оқушылар бағдаршам әдісі арқылы сабақты қаншалықты түсінгендерін айтады. Сабаққа белсенді қатысқан оқушыларға күлегештер тарату. Бағалау. Оқушылар – «жаяу жүргінші» сөздерінің мағынасын түсінді; – «қауіпсіз жол» ұғымын түсінді; – бағдаршам мен оның белгілерінің қызметі туралы білді. Оқушылар – үйден мектепке дейінгі жолды бағдарлауды; – үйден мектепке дейінгі жолдың қарапайым сұлбасын сызуды; – қарапайым бақылау жүргізуді; – сұрақтар қоюды үйренді. Бағалаудың бір түрі ретінде оқушыларға «Сөйлемді аяқта» тапсырмасын беруге болады: Жаяу жүргінші – бұл .... Мен .... белгісін көргенде, жерасты жолын пайдаланамын. ....түс «өте бер» дегенді білдіреді. Мен .... көшесінде тұрамын.				Бағдаршамның суреті, жол белгілерінің суреттері, 3 тілдегі қажетті сөз тіркестері.

Мұғалім:

Әдіскер:

Баға: