Дүниежүзі тарихынан "Германия" тақырыбына сабақ әзірлемесі (БжС технологиясы бойынша)

Аты-жөні: Нугмарова Марал Сайранбековна

Жұмыс орны: "Айнабұлақ ЖНББМ", ШҚО, Семей қаласы, Айнабұлақ ауылы

Қызметі : тарих пәнінің мұғалімі

Дүниежүзі тарихы пәні. 9 - сынып. Сабақ әзірлемесі

Сабақтың тақырыбы: Германия

Сабақтың мақсаты: 1918-1939 жж аралығындағы Германияның даму ерекшелігін қарастыру, ақпаратпен жұмыс істеу,  есте сақтау және өз ойын жеткізе білу дағдысын дамыту.

Сабақтың типі: Ауызша сабақ 1 (технология БжС) (автор Вассерман Ф.Я)

Көрнекілігі: мультимедиялық проектор, карта, портреттер.

Қолданылған әдебиет:

К.Қожахметұлы, Ә.Шүпеков, М.Ғұбайдулина «Дүниежүзі тарихы», Алматы, «Мектеп» 2013ж.

Сабақтың барысы:

1.Ұйымдастыру сәті. Мақсат қою.

- Карта бойынша жұмыс жасау тәртібі.

- Оқушылардың суьекті тәжірибесін өзектендіру.

- Сабақтың тақырыбына кіріспе.

- Тақырып бойынша тақтадағы негізгі сөздерді ашу .

- ООМ бойынша жұмыс жүргізу.

2. Қабылдауды ұйымдастыру.

 Өткен сабақ тақырыбы бойынша ерсілі-қарсылы сұрақ қою. 

1.Франция БДС-ты қалай аяқтады? (Жеңіспен аяқтады.)

2. Франция Германиядан қай жерлерді қайтарып алды? (Эльзас пен Лотарингия)

3. 1920 ж президент болып сайланған кім? (А.Мильеран)

4. 1922 ж Ресейді аралап, "Жаңа Ресей" деген кітап жазған кім? (Э.Эррио)

5. 1926-1928 жж президент міндетін атқарған? (А.Мильеран)
6. Соғыстан соң Францияның шикізат базасы қай өңірлер есебінен көбейді? (Эльзас пен Лотарингия және Саар обл.)

7. Ашық диктатура ұсынған жазушы-журналист (Ш.Моррас)

8. Қызметте жоқ полковник Казимир де ля Рок ұйымдастырған лига ("Әскери крест")

9. "Әскери крест" лигасының көтерген ұрандары ("Коммунизмді құрту", "сатқын демократияны" құрту т.б.)

10. Фашизмге қарсы наразылық ереуілдері қашан басталды? (1934 ж 12 ақпан)

11. Халықтық майдан құру туралы пактіге қашан қол қойылды? (1934 ж 27 шілде)

12. Социалист Леон Блюмге үкіметті құру міндеті жүктелді (1936 ж)

13. Халықтық майдан билігі кезінде кәсіпкерлер мен кәсіподақ  өкілдері еңбекақыны орта есеппен қаншаға көбейтті? (7-15 пайызға)

14. Орташалар мен шаруалардың жағдайын жақсарту үшін үкімет не істеді? (жеңілдікпен қарыз берді, шағын кәсіп-дің салығын азайтты.)

 Біріншілік белгілеу. Барлық оқушылардың нәтижелері бойынша ООМ қосу немесе алу белгілері қойылады. 

Терезенің жанындағы

қатар

		Ортаңғы қатар			Есіктің жанындағы қатар
	А	В		С	Д		Е	К
1	+	+	1	+	-	1	-	+
2	+	+	2	+	+	2	+	+
3	-	+	3	+	+	3	+	+
4	+	-	4	+	+	4	+	+
5	-	+	5	+	-	5	+	-

-есте сақтауды дамыту.

Тақтада 7 сөз жазылған. (ТҚШ – төменгі қиындық шегі)

Жаңа тақырып бойынша негізгі сөздер:

1.Веймар Республикасы

2. 1 президент Фридрих Эберт

3.Апат саясаты

4. 1920 ж әскери төңкеріс

5. "Дауэс жоспары"

6.1923 ж 8 қараша Гитлер

7. 1939 ж құпия келісім

3. Есте қалған сөздермен жұмыс.

- Жадыдағы негізгі сөздерді жазу. 7 сөз – 30 сек. 14 сөз-1 мин-15 сек. 21 сөз – 2 мин-30 сек. 

- Екіншілік белгілеу. Барлық оқушылардың нәтижелері бойынша ООМ қосу немесе алу белгілері қойылады. (6-7 сөздер= «+» белгісі)

4. Қабылдауды ұйымдастыру

-Негізгі сөздер бойынша оқулық мәтінімен жұмыс. (оқулықтың 1 бетіне 3 минут беріледі), К.Қожахметұлы, Ә.Шүпеков, М.Ғұбайдулина «Дүниежүзі тарихы», параграф 5.

5. Қарама-қарсы сұрақ қою. (Түсінудің біріншілік тексеруі) Мұғалім ООМ бойынша оқушыларды ретсіз түрде сабақтың тақырыбына байланысты негізгі сөздерді қоса сұрайды. Сұрақ қойылады, жауапқа – 3 сек. беріледі(жауап берілсе «+» белгі қойылады).

1. Веймар Республикасы кезеңінің басталуы қашан? (1919 ж жазында)

2. Конституция бойынша жалпы дауыс беру арқылы президент неше жылға сайланатын болды? (7 жылға)

3. 1 президент болып сайланған кім? (Фридрих Эберт)

4. Президентке төтенше заңдар шығару құқығы заңның нешінші бабы бойынша іске асырылды? (48 бабы)

5. Версаль шартына қарсы тұрған оңшыл топтардың әрекеті қалай аталды? (апат саясаты)

6. Версаль бітімшартын орындауды жақтаушылар кімдер? (Германия социал-демократиялық партиясы және Орталық партия ұйымдары)

7. Версаль бітімшартына Германия қашан қол қойды?(1919 ж 28 маусым)

8. 1920 ж наурыз айында қандай оқиға орын алды? (монархияшыл В.Капп және Э.Людендорфтың басқаруымен әскери төңкеріс дайындалды.)

9. 1922 ж үкіметті басқарған (В.Куно)

10. Куно неден бас тартты? (Репарациялық төлемнен)

11. 1923 ж В.Куно үкіметін қызметтен кетуге мәжбүр еткен (неміс пролетариатының жалпы ереуілі)

12. 1923 ж қазанда болған оқиға? (Э.Тельманның  басшылығымен көтеріліс)

13. 1923 ж 8 қарашада қандай оқиға болды? (А.Гитлер бастаған топ көшеге шықты)

14. 1924 ж Германиядағы жағдайдың тұрақталу себебі? ("Дауэс жоспары")

15. 1928 ж рейхстагқа сайланған партия (Ұлттық -соц. неміс жұм. партиясы)

16.1929 ж жұмыссыздар саны (4,5 млн.)

17. Гитлер "ішкі жаулар" деп кімдерді айтты?(коммунистер, демократтар, еврейлер, сығандар)

18. 1930 ж басында Ұлттық -соц. неміс жұм. партиясы неден қаржыландырылды? (ірі неміс кәсіпкерлері мен банкирлерінен)

19. 1933 ж 30 қаңтарда қандай тағайындау болды? (Гинденбург Гитлерді рейхканцлер етіп тағайындады)

20.Гестапо қашан құрылды? (1933 ж сәуірде)

6. Қарама-қарсы қойылған сұрақтарды талдау және рефлексия (жылдамдық пен зейін)

Үшіншілік белгілеу. барлық оқушылардың нәтижелері бойынша қосу немесе алу белгілері қойылады. 
7. Сыни сұрақ қою. (Біріншілік бекітуді ұйымдастыру) Мұғалім тақырыпқа сай ретсіз оқушыларды ООМ арқылы сұрайды. . Сұрақ қойылады, жауапқа – 3 сек. беріледі(жауап берілсе «+» белгі қойылады).Сұрақтар меңгеру сапасын тексеруге арналған тұрғыда болғаны абзал. 
Сыни сұрақ қою

1. Веймар Республикасы кезеңінің басталуы 1919 ж жазында (+)

2. Конституция бойынша жалпы дауыс беру арқылы президент 6 жылға сайланатын болды (-)

3. 1 президент болып Фридрих Эберт сайланған (+)

4. Президентке төтенше заңдар шығару құқығы заңның 48 бабы бойынша іске асырылды (+)

5. Версаль шартына қарсы тұрған оңшыл топтардың әрекеті "бейбітшілік саясаты" деп аталды (-)

6. Версаль бітімшартын орындауды жақтаушылар Ұлттық -соц. неміс жұм. партиясы (-)

7. Репарациялық төлемнен бас тартқан  В.Куно (+)

8. 1924 ж Германиядағы жағдайдың тұрақталу себебі- "Дауэс жоспары" (+)

9. 1929 ж жұмыссыздар саны -10 млн. (-)

10. Гитлер "ішкі жаулар" деп фашистерді атады (-)

8. Сыни сұрақтарды талдау және рефлексия (жылдамдық пен зейін)

- ООМ ға үшінші белгіні қою

9.Оқытылған тақырып бойынша тақырыптық сөздік қорды (ТСҚ) тексеру жүргізіледі. Уақыт 5 минут. 9 сынып оқушыларына норма- 63 сөз және одан жоғары. Сөз қысқартылмаған түрде, түсінікті етіп жазылады. шығарма түрінде жазуға рұхсат беріледі. Көмекші сөз және жалғау сөз болып саналмайды. ТСҚ нормативі төменде келтірілген. Төртінші белгілеу,барлық оқушылардың нәтижелері бойынша қосу немесе алу белгілері қойылады. 
10.Журналға баға қою 
Сапа нормативі: оқушылардың 63% 5 ұпайдан алуы тиіс. 4- 5 белгі – 5 ұпай. 
- 3 белгі – 4 ұпай. -2 белгі – 3 ұпай. -1 белгі – 2 ұпай. 
11. Үй тапсырмасы 4 белгіден кем алған оқушылар үйге тапсырма алады. 
Гитлер, фашизм  жайлы  хабарлама дайындау.