Экология негіздері "Бөлме өсімдіктерін күту"

Білім  саласы: Әлеумет

Бөлімдері: Экология негіздері

Тақырыбы: «Бөлме өсімдіктерін күту»

Мақсаты: Балалардың бөлме өсімдіктері туралы білімдерін бекіту (атауы, құрылысы). Өсімдіктерді салыстыра білу, олардың айырмашылығы мен ұқсастығын таба алу, олардың өсуіне қажетті жағдаймен таныстыру. Өсімдіктер туралы білімдерін дамыту. Әңгімеге араласа білуге, өз көзқарасын айта алуға тәрбиелеу. Өсімдіктерді өсіруге, күтуге деген қызығушылықтарын арттыру.

Сөздік жұмыс: бөлме өсімдіктері.  

Қолданыатын құралдар: бөлме өсімдіктері

Іс – әрекет кезеңдері	Тәрбиеші әрекеті	Балалардың іс – әрекеті
Мотивациялық- қозғаушылық	‑Балалар, бөлме өсімдіктері дегеніміз не екенін білеміз бе? -         Оларды қалай күтіп баптау керек?	Сұрақтарға жауап беріп,  өз ойларын ортаға салады.
Ұйымдастыру- іздестіру	1.      Суретке қарап бөлме өсімдіктерінің құрылысын атап, суретін  сал. Бөлме өсімдігінің  қандай пайдасы бар? ·         Тамыр ·         Сабақ ·         Жапырақ ·         Гүл ‑Өсімдіктер өседі, су ішеді, ауамен демалады, өсуін тоқтатады. ‑Ол тамыры арқылы топырақтан суды өзіне тартады. Жапырағы арқылы демалады.    Сергіту сәті: ‑Өсімдіктер алғаш өнген кезде қандай болады? ‑Қалай өседі? ‑Жапырағын қалай жаяды? ‑Гүлдері қайда өседі? ‑Жаңбыр жауғанда гүлдер қайтеді? 2.      Бөлме өсімдіктерін күтуге арналған қажетті құралдарды белгіле.  Олармен не істейді? Сурет бойынша бөлме өсімдігін қалай күту керектігін әңгімеле. Суреттерді боя. 4.Екінші және үшінші суреттердегі гүлдерден қандай  өзгерісті байқадың? Оларға не болды? Ондай жағдай болмас  үшін не істеу қажет?    Практикалық жұмыс. ‑Балалар, енді Қоянға өсімдіктерді қалай күту керек екендігін көрсетейік. ‑Өсімдік жақсы өсу үшін не керек?   Олай болса, өсімдіктерді жарық жерге қойып, өсімдіктерге күтім жасайық. 1.Топырақты таяқшамен қопсытамыз. 2.Жапырақтарының шаңын жұмсақ шүберекпен сүртеміз. 3.Су құямыз. 4.Жапырақтарына су бүркеміз.    Өсімдіктердің жапырағы, тамырына зақым келтірмес үшін, күтім жұмысын қалай орындау керек? ‑Жарайсыңдар балалар,! Сендер Қоянға өсімдіктерді күтуді үйреттіңдер. Енді ол да өсімдіктер өсіретін болады.  ‑Ал, енді олар неге бөлме өсімдіктері деп аталады? Ойын: «Кім гүлді тез жинайды?»	Балалар гүлдердің  құрылысын атап суретін салады. ‑Олардың тамыры, сабағы, жапырағы бар. ‑Олардың жапырақтары әртүрлі, бірінің сабағы жуан, бірінің сабағы жіңішке. Балалар отырады. ‑Жайлап көтеріледі. ‑Қолдарын екі жағына жаяды. ‑Қолдарын жоғары созады. ‑Қолдарымен бастарын жабады. Мұғалімнің көмегімен  жасалған тәжірибені бақылайды
Рефлексивтік - түзетушілік	‑Балалар, бүгін қандай ауа – райы қандай болып тұр? Біз қандай тақырып өттік?	Балалар сұрақтарға жауап береді.