"Ел қорғауға әзірміз" (1 сынып)

Тақырыбы: Ел қорғауға әзірміз.

Мақсаты:

          Балалардың санасында «Азамат», Қазақстандық деген түсініктерді қалыптастыру,баланың жақсы адам болуға деген ынта-ықыласын дамыту. Қазақстанға деген патриоттық сезімдерін тәрбиелеу, Республикамыздың өткен қазіргі болашақ өміріне қызығушылығын қалыптастыру, туған еліне, жеріне деген сүйіспеншілігін арттыру, әскердегі борышын өтеуге дағдыландыру.

Көрнекілігі: «Азамат боп мен ертең,

                         Отанға қызмет етемін» ,суреттер.

                        Ер жігіт ел үшін туады,

                        Ел үшін өледі.

Барысы:

Армысыздар, ардақты азаматтар,
Отбасының тірегі, елді бастар.
Құтты болып мереке баршаңызға
Бақ-береке әкелсін отбасыңа!
        Халқымызда «Ер – елінің қорғаны» деген аталы сөз бар. Біз осындай жандардың ержүрек істеріне сай сый-құрмет көрсете отырып, отбасыларыңызға амандық, береке-бірлік, еңбекте жеміс пен шығармашылық табыстар тілейміз. Бүгінгі 7-мамыр Отан қорғаушылар күні мерекелеріңіз құтты болсын!

      Сөз мектеп директоры Ж.Омароваға беріледі.

Ән: «Әке».     Ғалымжанқызы Шаттық.

Еңбектерің жемісті қиыр шың боп,
Шапағатты шуақ - нұр құйылсын көп.
Шын жүректен құттықтап біз тілейміз:
Бар жақсылық, бар бақыт бұйырсын деп.

   Ер балалардың тақпақтарына берейік:
Марғұлан: Балғын бөбек балалар

Болсыншы деп көңілді

Ер жауынгер ағалар

Күзетеді өмірді.

Артур: Бәрі де, Отан,сен үшін!

Мәуелеп тұрған жемісім,

Еселеп жатқан жеңісім –

Бәрі де, Отан,сен үшін!

Еркебұлан: Отанның ойы тауында,

Аязда,нөсер жауында.

Мүлгімей ағай тік тұрар.

Тыныштық сыйлап ауылға.

Бірге өскен біздей бауырға.

Айбек: Сыйлай жүріп үлкенді

Үлкейеміз біз де ертең

Жақсы екен ғой үлкендік

Жас өмірді күзеткен.

      Ән: «Әке»

Би: қыздар ( Шаттық,Дана,Аружан )

Бүгінгі мерекеде жар салады,
Құрметтеп замандасын қарсы алады.
Қуаныш жырға бөлеп жүректерін,
Билейді, ойнап күліп, ән салады.

    Ән: «Достарым»

    Ер-азаматтардың орны қашанда бөлек. Олардың күш-жігеріне, ақыл-парасатына бүкіл әлем бағынған, бағынады да! Сондықтан халқымыз «Жердің қорғаны, елдің тұтқасы» деп ерекше ардақтаған.

Қыздардың тақпақтары:

Дана: Сүйікті туған жер

Тыныштық тілейді

Содан да жауынгер

Тынығу білмейді.

Аружан: Өлең болған айтулы

Солдат жаны тым қызық

Көк теңіздей шалқиды

Күнде шабыт туғызып.

Данагүл: Орман, тау көгіне

Сақшылар қырағы,

Қорған боп еліне

Күзетте тұрады.

Шаттық: Отан туған үйіміз,

Отан туған жеріміз.

Отан ортақ үйіміз,

Көңілді ән мен күйіміз.

Нұрсауле: Отанның қиыр шетінде,

Аптапта желдің өтінде

Көз ілмей ағай сақ тұрып.

Еліне қызмет етуде.

 Флешмоб: (аналары)

Ағалар біздің кең арқау асқарымыз,
Жолын қуар солардың жастарымыз.
Абзал жанды ақылгөй ағаларға
Ілтипатпен иілген бастарымыз – ,дей келе

 Көрініс: «Әке мен бала»

Меңгертетін бейімдеп мамандыққа,
Үйрететін жақсылық, адалдыққа,
Балғын жасты баулитын болашаққа,
Зор құрмет, ұстаз - ер-азаматқа!
Бүгінгі сый-құрмет тек сіздерге арналады.

Ән: «Қос бәйтерегім»   Ғалымжанқызы Шаттық.
(балаларға сыйлық беру)

Құттықтау сөз ата – аналарға беріледі.

Хор: «Атамекен»

Қорытынды:

Болашақта өз Отанын сүйетін, қорғайтын патриот болыңдар.Осымен ертеңгілігіміз аяқталды.