Ел тарихын білгеннің тағылымы мол

                                                         Қостанай облысы
                                              Жангелдин ауданы
                                              Торғай селосы
                                             «Ш.Уәлиханов атындағы Торғай орта мектебі» КММ-нің
                                              қазақ тілі мен әдебиеті пәні мұғалімі
                                             Маликзадинова Райхан Маликзадиновна

Интеллектуалды ойын

Тақырыбы:“Ел тарихын білгеннің тағылымы мол”
Мақсаты: Оқушылардың  туған жердің шығу тарихы мен шежіресі, топонимикасы жайлы білім деңгейін анықтау. Ойлау қабілеттерін дамыту,сөйлеу мәдениетін жетілдіру, білімді, жан-жақты болуға үйрету.
   Жүргізуші:  Армысыздар ма, құрметті ұстаздар және ойынға қатысушы сайыскерлер!
Ойын толқын, айналған қатты ағысқа,
Табылғандай танымда, жат дауыста.
Біреу озып келеді қатарынан,
Біреу қалып жатады асығыста.
Ойын толқын жатқанда асып, тасып,
Біреу мығым,біреулер шалыс басып.
Бұл ойыннан өтеді ғұлама ойлар,
Жеңсе де, жеңілсе де қалма жасып.
«Білекті бірді жығады, білімді мыңды жығады» деген дана халқымыз.Біз білім теңізінен жүзіп өткенде ғана еліміздің тірегі, сүйеніші боламыз.Сондықтан да бүгінгі “Ел тарихын білгеннің тағылымы мол” интеллектуалды ойынға  қош келіпсіздер!  Ойынға келіп отырған  оқушыларымыздың жолы ақ мол болсын, жүлделі орыннан көрінсін деген тілекпен, ойынымызды бастауға рұқсат етіңіздер! Ендігі кезекте  ойынның  турларымен  таныс болыңыздар:
          І тур.    “Мағынаны таны”

ІІ тур.   “Ой анықтау”

ІІІ тур.  “Суреттер сыр шертеді”

ІҮ тур.  “Әріптер әлеміне саяхат”

Ү тур.    “Жекпе – жек ”

“Рефлексия”- “4 сөйлем әдісі”

Баға берер топтарға ,
Қара қылды қылышпен қақ жаруға .
Әділқазы алқасын біз сайлайық,
Жүлдегерді таңдап бүгін алуға.
Бүгін білім сайысын бағалайтын әділқазылар алқасын таныстыруға рұқсат етіңіздер!

І тур.    “Мағынаны таны”
Шарты: Әр топ  өз  топ аттарын  қорғайды.
ІІ тур.   “Ой анықтау”
“Конверт- тапсырма”/таңдап  алынған  тақырып бойынша мағынаны ашып, постер  қорғау/    Тақырыптар:
   1.“Торғай тарихы”
   2. “Торғай жерімен байланысты топонимикалық атаулар”
   3. “Торғайдағы мәдени ошақтар”

ІІІ тур.  “Суреттер сыр шертеді”
Әр топ суретте  берілген  тұлғаларды  анықтап, түсінік береді
1.Н.Ахметбеков                          5.Қ.Жармағанбетов
2.Қасымхан Алтынсары            6.М.Дулатов
3.С.Мауленов                             7.Ғ.Қайырбеков
4.С.Кенжеахметов                      8. Ж.Қосабаев

9.А.Байтұрсынов                11.Қ.Сарсекеев
10.Қ.Салғарин                     12.Ә.Жангелдин

ІҮ тур.  “Әріптер әлеміне саяхат” Топтар  сұрақтарға берілген  әріптерге  сай  жауаптар беру қажет/
1-топ.
Ы- Торғайда алғаш мектеп ашқан /Ыбырай А/
А- «Торғайдың топжарғаны » атанған ақын /Н.Ахметбеков/
Ж- Торғайдағы өзен /Жыланшық/
М- А.Байтұрсыновтың жинағы /Маса/
Д- «Оян, қазақ» деп жырлаған ақы /М.Дулатов/
С – Торғайдан шыққан академик  /Кенжеғали Сағадиев/

2-топ.
К- Торғайдан шыққан сатирик /С.Кенжеахметов/
Х- Торғайдан шыққан сазгер /Б.Хамзин/
Ш- «Тархан» атағын иеленген батыр /Шақшақ Жәнібек/
Қ- Торғайдың атақты көпірін тұрғызған жергілікті шебер 
                                                               /Қоңырша өмірзақ/
Т- Торғайдан шыққан палуан /Таңатқан Дүйсекев/
О- торғайдағы мешіт кімнің атында? /Оспан қожа/

3-топ.
И-  Торғайда болған Ұлт азаттық көтерілістің басшысы
                             /А.Иманов/
Н-  Торғай қауымдастығында дүниеге келген шығыс әйелдерінің жарық  жұлдызы атанған, журналист
                                /Назипа Құлжанова/
Ф- Торғайдан шыққан  еңбек ері /Фатхолла Кірмаңдаев/
Ш- «Мейлі батыр, мейлі ғалым, данасың.
       Бәрібір сен туған жерге баласың» деп жырлаған ақын
                    /Шәміл Мүхамеджанов/
Ғ- Торғайдың ақыны, «Ана туралы жырдың»  авторы
                  /Ғафу Қайырбеков/
С- Мемлекеттік  маңызы бар қорықша /Сарықопа/

Ү тур.   “Жекпе - жек” /Берілген сұрақтарға тек бір дыбыстан басталатын сөздерді атау/

«А» дыбысынан басталатын сөздер
1. «Қарға» дастанының авторы  / Н.Ахметбеков /
2.Торғайдағы педагогикалық – мемориалдық мұражай
                                             /Ы.Алтынсарин  мұражайы/
3. Тарихи оқиғалардың куәсі болып келе жатқан Торғайдың қасиетті жерінің бірі  /Ақшығанақ  ауылы/
4. Ауданның оңтүстік – батысында орналасқан, қостанай облысы бойынша көлемі жөнінен 4-орында  тұрған көл
                                         /Ақкөл көлі/
5.өзі мекендеген жердің түсіне қарай өңін өзгертіп отыратын балық   /Алабұға/

«Жүзден жүйрік, мыңнан тұлпар шығады» демекші бүгінгі сайысымызды таразылап, әділбағасын береді деген оймен келесі сөзді әділқазылар алқасына береміз.
Болмасын ешбір сын – өкпе,
Әсері қалды жүректе.
Қазылар берген бағалар,
Ұштассын айтар тілекке!
Осымен «Ел тарихын білгеннің тағылымы мол»тақырыбындағы  интеллектуалды ойыны аяқталды. 

Краткое описание документа:

интеллектуалды ойын. Оқушылардың туған жердің шығу тарихы мен шежіресі, топонимикасы жайлы білім деңгейін анықтау. Ойлау қабілеттерін дамыту,сөйлеу мәдениетін жетілдіру, білімді, жан-жақты болуға үйрету. Ойын негізгі 5 турдан тұрады. Торғайдан шыққан тарихи тұлғалардың өмірінен, туған жердегі тарихи - мәдени ошақтардың тарихзын білуге дәріптеу.